Արցախում վերամեկնարկել է ներքին զբոսաշրջային տուրերի «Տուրիստ բուս» ծրագիրը

Արցախի Հանրապետության ԿԳՄՍ նախարարության զբոսաշրջության վարչության նախաձեռնությամբ վերամեկնարկած զբոսաշրջային տուրերի «Տուրիստ բուս» ծրագրով այսօր՝ հունիսի 3-ին, Ստեփանակերտի Վերածննդի հրապարակից առաջին զբոսաշրջային երթն է կազմակերպվել երեք տարբեր ուղղություններով:

«Արցախպրես»-ի թղթակցի հետ զրույցում Արցախի Հանրապետության ԿԳՄՍ նախարարության աշխատակազմի զբոսաշրջության վարչության պետ Գևորգ Առաքելյանը տեղեկացրել է, որ զբոսաշրջային  երթուղիներում ընդգրկված  են՝ Ստեփանակերտ-Նիկոլ Դումանի տուն թանգարան-Հակոբավանք-Գանձասար-Ստեփանակերտ, Ստեփանակերտ-Բովուրխանի վանք-Ամարասի վանք-Ստեփանակերտ և Ստեփանակերտ-Պատարա՝ քայլարշավ դեպի Սուրբ Ամենափրկիչ եկեղեցի-Աստղաշեն գյուղ, ուղղությունները։

Մեր զրուցակցի  խոսքով՝ ցանկացողների թիվը գերակշռում էր վաճառքի համար նախատեսված տոմսերի քանակից:

Վերամեկնարկած  զբոսաշրջային տուրերի ծրագրի համաձայն  մինչև  սեպտեմբերի 2-ն ընկած ժամանակահատվածը՝ յուրաքանչյուր շաբաթ և կիրակի օր, Ստեփանակերտի զբոսաշրջային կենտրոնից(Վերածննդի հրապարակից) երեք տարբեր ուղղություններով մեկնելու են զբոսաշրջային ավտոբուսներ՝ զբոսավարի ուղեկցությամբ։

Տոմսի արժեքը կազմում 500 դրամ, որում ներառվում է ուղևորափոխադրումը և զբոսավարի ծառայությունը։

Տոմսերը հնարավոր է ձեռք բերել Վերածննդի հրապարակում գտնվող զբոսաշրջային կենտրոնից:

Այս թեմայով Երևանը պատերազմ հայտարարեց Մոսկվային․ Փաշինյանի թուրքական ծրագիրը․ Անդրանիկ Թևանյան Ռուս խաղաղապահները պարգևատրվել են Արցախում առաջադրանքների կատարման համար ՀՀ-ն Պիղատոսի նման ձեռքերը լվաց, փակեց աչքերը, որ չտեսնի ինչպես են կոտորում հայերին Արցախում Այսպես կոչված ՄԱԿ-ի առաքելությունը Արցախում վարկաբեկում է կազմակերպությանը որպես ինստիտուտ Արցախի նախագահը դեռ կմնա Արցախում․ հայտարարություն Արցախում գտնվող որոնողափրկարարական խմբի հետ ոչինչ չի պատահել. ՆԳՆ ԱԻՊԾ խոսնակ ՄԱԿ-ի առաքելությունը Արցախում է Արցախում մնացել են մի քանի պաշտոնյաներ․ վերջին խմբերն այս պահին ուղևորվում են ՀՀ․ Բեգլարյան Արցախում պայթյունի վայրից հայտնաբերված 170 աճյուն կտեղափոխվի ՀՀ՝ ինքնությունները պարզելու համար Արցախում հայտնաբերվել է ևս 2 աճյուն