Հայաստանի իշխանությունները պետք է փորձեն ապահովել Ստեփանակերտ-Բաքու երկխոսության մեխանիզմն ու հարթակը․ Միրզոյան

Որևէ մեկը աշխարհում չի կարող ժխտել, որ Լեռնային Ղարաբաղի ժողովրդի անվտանգության և իրավունքների հետ կապված կան բազմաթիվ բաց հարցեր․ դրանք պետք է քննարկվեն ու հասցեագրվեն Լեռնային Ղարաբաղի ժողովրդի, ընտրված մարմինների կողմից, իսկ Հայաստանի իշխանությունները պետք է փորձեն ապահովել այդ երկխոսության սկիզբը, մեխանիզմը և հարթակը, այս մասին ասաց ՀՀ արտաքին գործերի նախարար Արարատ Միրզոյանը ԱԺ մշտական հանձնաժողովների համատեղ նիստում «ՀՀ 2022թ. պետական բյուջեի կատարման մասին» տարեկան հաշվետվության նախնական քննարկումների ժամանակ՝ անդրադառնալով «Հայաստան» խմբակցության պատգամավոր Արթուր Խաչատրյանի հարցին, թե արդյոք Արցախի Հանրապետության իշխանություններից լիազորվե՞լ են իրենց անունից բանակցել Արցախի ապագա կարգավիճակի վերաբերյալ:

«Ինչպես Հայաստանի վարչապետն է բազմիցս ասել, մենք Լեռնային Ղարաբաղի ժողովրդի կողմից մանդատ չենք ստացել՝ իրենց ապագան բանակցելու: Եվ, ըստ այդմ, մենք իրավունք չունենք որոշել նրանց կարգավիճակը: Մենք այդպիսի հավակնություն էլ չենք ներկայացնում, չենք էլ փորձում այդպիսի բան անել: Միակ բանը, որ փորձում ենք ապահովել Հայաստան-Ադրբեջան կարգավորման գործընթացում, հետևյալն է՝ մենք համարում ենք, որ այդ կարգավորումը իրատեսական, ամբողջական, երկարատև, կայուն չի կարող լինել, եթե այդ կարգավորման շրջանակներում չի ստեղծվում երկխոսության մի մեխանիզմ, որտեղ Լեռնային Ղարաբաղի ժողովուրդը և պաշտոնական Բաքուն կարող են երկխոսել, քննարկել, բանակցել բոլոր այն հարցերի շուրջ, որոնք հետաքրքրում են և կարևոր են Լեռնային Ղարաբաղի ժողովրդի, նրանց ապագայի համար»,-ասաց Միրզոյանը:

ԱԳ նախարարը շեշտեց՝ որպեսզի կարգավորումը, խաղաղությունը, եթե այն հնարավոր լինի հաստատել, լինի կայուն, երկարատև, պետք է առկա խնդիրները հասցեագրվեն: Իսկ այդ խնդիրները կան:

«Որևէ մեկն աշխարհում չի կարող ժխտել, որ Լեռնային Ղարաբաղի ժողովրդի անվտանգության և իրավունքների հետ կապված կան բազմաթիվ բաց հարցեր: Դրա մասին վկայում են Լաչինի միջանցքի ապօրինի արգելափակումը, գազի, էլեկտրաէներգիայի մատակարարման խափանումները: Բոլորս գիտենք, թե ինչպիսի իրավիճակ է Լեռնային Ղարաբաղում: Այդ հարցերը պետք է քննարկվեն ու հասցեագրվեն Լեռնային Ղարաբաղի ժողովրդի, ընտրված մարմինների, լիազոր ինստիտուտների կողմից: Մենք պետք է փորձենք ապահովել այդ երկխոսության սկիզբը, մեխանիզմը, հարթակը»,-ասաց Միրզոյանը:

Այս թեմայով Մեր գործընկերները երբևէ ՀԱՊԿ-ից դուրս գալու պահանջ կամ հարցադրում մեր առջև չեն դրել․ Արարատ Միրզոյան Ստեփանակերտի կենտրոնական փողոցներից մեկը վերանվանվել է Էնվեր փաշայի անունով Եթե ԵՄ-ն քայլեր չձեռնարկի, հնարավորություն կտա Բաքվին՝ շարունակելու իր թշնամական քաղաքականությունը Հայաստանի տարածքում. Ռուիսեն Մեկնարկել է Հայաստանի և Ֆրանսիայի ԱԳ նախարարների հանդիպումը Եվրոպական ներդրումային բանկը 70 միլիոն եվրո է տրամադրում Հայաստանի ԿԲ-ին՝ ՓՄՁ-ներին աջակցելու համար Հայաստանի Հանրապետություն կժամանի Ֆրանսիայի արտաքին գործերի նախարարը «Շատ եզդիներ ՀՀ-ն իրենց հայրենիքն են համարում, նրանց հնարավորություն պետք է տանք՝ վերադառնան» Առաջինը Սամվել Բաբայանը պետք է կանգնի դատարանի առջև. ՀՅԴ պատգամավոր Համատեղ ջանքերով կնպաստենք հայ-գերմանական երկխոսության խորացմանը՝ ի շահ մեր ժողովուրդների Սերունդները կանիծեն մեզ, եթե Արցախը չվերադարձնենք մայր Հայաստանի գիրկը. Վարդան Ոսկանյան