Ճանապարհներից գողացվել, վնասվել է 660 ճանապարհային նշան. վարչական տուգանքները խստացվում են

Հայաստանում ընդհանուր օգտագործման ավտոմոբիլային ճանապարհներից օգտվելու կարգի խախտման, ինչպես նաև ենթակառուցվածքները վնասելու համար կիրառվող տուգանքների չափերը նախատեսվում է բարձրացվել:

Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին և Հայաստանի Հանրապետության քրեական օրենսգրքում լրացում և փոփոխություն կատարելու մասին օրենքների նախագծերի փաթեթն ԱԺ պետաիրավական հարցերի հանձնաժողովի նիստում ներկայացրեց ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը:

«Նախագծերը նպատակ ունեն նախևառաջ կանխարգելել ճանապարհների, ճանապարհային ինժեներական կառույցների վնասման, ինչպես նաև ճանապարհներից օգտվելու կարգի խախտման վերաբերյալ դեպքերը և նշված իրավախախտումների համար խստացնել օրենսդրությամբ նախատեսված պատասխանատվության միջոցները»,-ասաց Ղալեչյանը:

Ընդհանուր օգտագործման ավտոմոբիլային ճանապարհներից օգտվելու կարգի խախտման, ինչպես նաև ենթակառուցվածքները վնասելու համար կիրառվող տույժերը, տուգանքները սահմանվել են դեռևս 2006 թվականից: Սակայն նախարարությունը, նկատի ունենալով նշված իրավախախտումների բնույթը, տարածված լինելը, գնահատում է, որ ներկայումս դրանք կորցրել են արդիականությունը և վերանայման կարիք ունեն: Պատասխանատվության միջոցների սահման նպատակն է կանխել նոր իրավախախտումներ կատարելը:

Նախարարության կատարած վերլուծությունները ցույց են տվել, որ վերջին 3 տարիներին միայն միջպետական, հանրապետական նշանակության ճանապարհներից գողացվել, վնասվել են շուրջ 661 ճանապարհային նշան և 678 գծամետր արգելափակոց:

«Նախագծով առաջարկվում է երկու հոդվածներում եռապատկել նախատեսված տուգանքների չափը»,-նշեց փոխնախարարը:

Այս թեմայով Քննարկում՝ «Տեսալսողական մեդիայի մասին» օրենքում փոփոխությունների շուրջ ՈՒՂԻՂ. Պայթեցնում են ՊՆ նախկին վարչական շենքը Նոր Նորք վարչական շրջանում զբոսայգիները հիմնանորոգվում են «Ժողովուրդ». ԱՆ-ի շուրջ գործողությունների ֆոնին՝ Արսեն Թորոսյանը նախարարի պաշտոնի համար ընկերոջ PR-ով է սկսել զբաղվել Պետությունից շուրջ 50 մլն դրամի հարկ էր թաքցվել․ վնասն ամբողջությամբ վերականգնվել է Շուրջ 2600 եզդի կանայք դեռ գերության մեջ են, ցեղասպանությունը շարունակվում է. Ռուստամ Բաքոյան Երևանի և Լոնդոնի միջև ներգաղթյալներին Հայաստան ուղարկելու շուրջ բանակցություններ չեն եղել Եզդիների ցեղասպանությունը չի ավարտվել, շուրջ 2600 եզդի կանայք արաբական շուկայում հանվել են վաճառքի Լոնդոնն ու Երևանը բանակցում են Բրիտանիայից Հայաստան անօրինական ներգաղթյալներ ուղարկելու շուրջ. The Times Նոր-Զովք սուպերմարկետի շուրջ աղմկահարույց դեպքերը շարունակվում են