Հույս ունենք՝ ԵՄ հանձնառությունը՝ աջակցել գերիների վերադարձին, հաջողությամբ կավարտվի․ Հակոբ Արշակյան

Ազգային ժողովի նախագահի տեղակալ Հակոբ Արշակյանը հունիսի 7-ին ընդունել է Գերմանիայի Դաշնային Հանրապետության Բունդեսթագի արտաքին հարաբերությունների հանձնաժողովի նախագահ Միխայել Ռոթին: Այս մասին հայտնում են ԱԺ-ից։

«Հայաստանը մեծապես կարեւորում է ԵՄ-Հայաստան Համապարփակ եւ ընդլայնված գործընկերության համաձայնագրի կիրարկումը եւ նաեւ այն փաստը, որ Գերմանիան ԵՄ այն 6 երկրների շարքում է, որոնք Եվրոպական ներդրումային բանկի հետ միավորել են ջանքերը՝ ի շահ Հայաստանի Սյունիքի մարզի զարգացման»,- ընդգծել է ԱԺ փոխնախագահը՝ բարձր գնահատելով հայ-գերմանական ապակենտրոնացված համագործակցությունը:

Ներկայացնելով տարածաշրջանային մարտահրավերները՝ Հակոբ Արշակյանը նշել է, որ Ադրբեջանը 2022 թվականի դեկտեմբերի 12-ից փակել է Լեռնային Ղարաբաղը Հայաստանի եւ արտաքին աշխարհի հետ կապող միակ ճանապարհը՝ Լաչինի միջանցքը, որի հետեւանքով 120 հազար հայ հայտնվել է փաստացի շրջափակման մեջ: ԱԺ փոխխոսնակի խոսքով Ադրբեջանի այս գործողությունները հակասում են 2020 թվականի նոյեմբերի 9-ի եռակողմ հայտարարությամբ ստանձնած պարտավորություններին եւ կոպտորեն խախտում Արդարադատության միջազգային դատարանի իրավաբանորեն պարտավորեցնող որոշումը. «Պարո՛ն Ռոթ, սկզբում դա արհեստածին բնապահպանական ակցիայի բնույթ էր կրում, սակայն ապրիլի 23-ից Ադրբեջանն արդեն անցակետ է տեղադրել եւ պաշտոնապես շրջափակել Լաչինի միջանցքը»:

Հակոբ Արշակյանը խոսել է նաեւ Ադրբեջանում պահվող 38 հայ ռազմագերիների մասին. «Հույս ունենք, որ ԵՄ հանձնառությունը՝ աջակցել գերիների վերադարձին, հաջողությամբ կավարտվի»: ԱԺ փոխնախագահն ընդգծել է, որ Ադրբեջանի հայատյաց քաղաքականությունը չի փոփոխվում. օրեր առաջ սնունդ մատակարարելու ընթացքում առեւանգվել է երկու հայ զինծառայող, որոնց նկատմամբ Ադրբեջանում հարուցվել են կեղծ քրեական գործեր:

Ըստ Հակոբ Արշակյանի՝ Հայաստանը հանդես է գալիս տարածաշրջանում խաղաղության դարաշրջան բացելու օրակարգով. «Մենք ջանքեր ենք գործադրում թե՛ տարածաշրջանային ենթակառուցվածների եւ տրանսպորտային ուղիների ապաշրջափակման, թե՛ սահմանազատման եւ սահմանային անվտանգության ուղղությամբ»: ԱԺ փոխնախագահը եւս մեկ անգամ հայտարարել է՝ Հայաստանը տարածքային պահանջներ չունի իր հարեւանների հանդեպ:

Այս թեմայով «Նրանք հարկադրված են լքել իրենց տները»․ Հակոբ Արշակյանը խնդրում է ջերմությամբ դիմավորել արցախցիներին «Ժողովուրդ». Հակոբ Սիմիդյանը ճամփորդում է քննարկումների անվան տակ Ծանրամարտի ԱԱ. Հակոբ Մկրտչյանի և Դավիթ Հովհաննիսյանի արդյունքները Երեխայի ծնվելուց առաջ պետք ա հիփոթեք ունենան, որ պետությունը մասնակցի վարկի մարմանը. Արշակյան Այնպես չէ, որ եթե որևէ մեկն ապօրինի գույք ունի, նվիրատվությամբ մաքրվելու է. Հակոբ Արշակյան Պարո՛ն Թորոսյան, անգամ ամենազարգացած երկրներում կան մարդկանց անուններով պետհամարանիշներ. Արշակյան Հաղթանակ մաղթենք մեր տղաներին Թուրքիայի հետ կարևոր խաղում. Հակոբ Արշակյան Ի՞նչ կապ ունի Հակոբ Սիմիդյանը ՀՖՖ-ի 1.5 մլն դոլարանոց գործարքի հետ. «Հետք» Սփյուռքահայերի «սև ցուցակ» չպետք է լինի. Հակոբ Տեր-Խաչատուրյան Հակոբ Արշակյանը ծառայողական մեքենայի հույսին է. ինչ ունեցվածք ունի. «Ժողովուրդ»