Ամռանը որոշ բնակավայրերում ջրամատակարարումը կիրականացվի խորքային հորերից

Ամռանը Մասիսի տարածաշրջանի որոշ բնակավայրերում, Երևան քաղաքի Մալաթիա-Սեբաստիա, Էրեբունի և Շենգավիթ վարչական շրջանների որոշ հատվածներում ջրամատակարարումն իրականացվում է նաև Արարատյան խորքային հորերից: Այս մասին հաղորդագրություն է տարածել «Վեոլիա ջուրը»:

Հաղորդագրությունում ասվում է. «Տարիներ շարունակ Արարատի մարզի Մասիսի տարածաշրջանի որոշ բնակավայրերում ջրամատակարարումն ապահովվել է բացառապես Արարատյան խորքային հորերից, որոնք ի սկզբանե նախատեսված են եղել տվյալ տարածքի ջուրն ապահովելու համար:

Սակայն 2017 թվականի հունվարից ստանձնելով ՀՀ ողջ տարածքի ջրամատակարարման ապահովումը՝ «Վեոլիա Ջուր» ընկերությունը որոշակի տեխնիկական լուծումների շնորհիվ կարողացավ բարելավել Մասիսի և հարակից տարածքների ջրամատակարարումը՝ սպառողներին առավելագույնս ապահովելով Գառնու և Արզականի լեռնային աղբյուրների ջրով:

Ներկայում տարվա մեջ շուրջ 8-9 ամիս տարածաշրջանի որոշ բնակավայրեր ջուր ստանում են հենց այս աղբյուրներից: Միայն ամռան շոգ ամիսներին ջրի պահանջի ծավալների աճով պայմանավորված՝ մեծանում է ջրի սպառումը, և Գառնու, Արզականի աղբյուրների ջուրը չի բավարարում տվյալ տարածքի ջրամատակարարումն ապահովելու համար:

Այդ պատճառով ամռանը Մասիսի տարածաշրջանի որոշ բնակավայրերում, Երևան քաղաքի Մալաթիա-Սեբաստիա, Էրեբունի և Շենգավիթ վարչական շրջանների որոշ հատվածներում ջրամատակարարումն իրականացվում է նաև Արարատյան խորքային հորերից: Ճիշտ է, վերջիններիս ջրի որակն իր զգայորոշական և ֆիզիկաքիմիական հատկություններով զիջում է լեռնային աղբյուրների ջրին, սակայն միանգամայն համապատասխանում է սանիտարական նորմերի պահանջներին:

Նշենք, որ այս ժամանակահատվածում ևս առաջին իսկ հնարավորության դեպքում Արարատյան ջրաղբյուրին պարբերաբար ավելացվում են Գառնու և Արզականի աղբյուրների ջրերը: Իսկ արդեն ամռան վերջին՝ ջրի սպառման ծավալների կրճատմանը զուգահեռ, նշված տարածքների ջրամատակարարումը կրկին իրականացվում է լեռնային ջրաղբյուրներից:

«Վեոլիա Ջուր» ՓԲԸ-ի համար խմելու ջրի որակը մշտապես եղել և մնում է առաջնային կարևորության հարցերից մեկը, ուստի արվում է առավելագույնը՝ այն ՀՀ-ում գործող սանիտարական նորմերի և կանոնների պահանջներին համապատասխան պահելու համար։

Այս թեմայով ԱՀ-ից դեպի Հայաստան ուղևորված որոշ ընտանիքներ ճանապարհի խցանման պատճառով վերադարձել են Ադրբեջանը վերահսկողության տակ է առել Արցախի որոշ համայնքներ, ռազմավարական բարձունքներ և ճանապարհներ Մնացեք ապաստարաններում․ Ստեփանակերտում որոշ ընտանիքներ ճանապարհվել են դեպի օդանավակայան Վերահաշվարկ կիրականացվի 40 ընտրատեղամասում․ ԸԸՀ-ներում առկա է վերահաշվարկի մեկ դիմում Ստեփանակերտում հացի վաճառքը կիրականացվի համար 11 կտրոնով․ կգործեն նաև 9 և 10 կտրոնները Նորք-Մարաշ վարչական շրջանի որոշ հատվածում երթևեկությունը ժամանակավորապես սահմանափակվելու է Այսօր կեսգիշերից հետո Ստեփանակերտում հացի վաճառքը կիրականացվի համար 10 կտրոնով Երևանի և մարզերի որոշ հասցեներում լույս չի լինի Մեզ խորքային ռիսկ է սպառնում. սեպտեմբերի 18-ին կարող ենք արթնանալ՝ մեզ լրիվ օտար Երևանում «Իրավունք». Որոշ քաղաքական ուժեր արդեն իսկ փոշմանել են, որ մտել են ընտրապայքարի մեջ. որոնք են դրանք