Շրջափակման սոցիալական հետևանքների մեղմացման միջոցառման շրջանակներում Արցախում բնակվող անձանց 40 000 դրամ կտրամադրվի

Արցախի շրջափակման սոցիալ-տնտեսական հետևանքների մեղմացման ութերորդ միջոցառման առցանց դիմումների ընդունման գործընթացը սկսված է: Այս մասին հայտնում են Արցախի Հանրապետության սոցիալական զարգացման և միգրացիայի նախարարությունից:

«Մեկնարկել է ԱՀ կառավարության 2023 թվականի մայիսի 12-ի N 346-Ն որոշմամբ սահմանված՝ ԱՀ շրջափակման սոցիալ-տնտեսական հետևանքների մեղմացման ութերորդ միջոցառման շահառուների առցանց դիմումների գրանցման գործընթացը:

Միջոցառման շրջանակներում Արցախում փաստացի բնակվող անձանց կտրամադրվի 40.0 հազար դրամի չափով միանվագ դրամական աջակցություն՝ բացառությամբ 2023թ. մայիսի 1-ի դրությամբ աշխատող անձանց և զինծառայողների: Առցանց դիմում ներկայացնելու նպատակով անհրաժեշտ է մուտք գործել Արցախի սոցիալական զարգացման և միգրացիայի նախարարության պաշտոնական կայքէջ՝ mss.nkr.am հասցեի միջոցով, ընտրել «Աջակցության միջոցառումների առցանց դիմումներ» պատուհանը՝ մուտք գործելով համապատասխան ծրագրային միջավայր և լրացնել պահանջվող տվյալները։

Դիմումը հնարավոր է մուտքագրել նաև mss-dimum.argov.am հասցեով։

Հիշեցնենք, որ կենսաթոշակ և (կամ) ամենամսյա պարգևավճար ստացող անձանց, բնակարանային կարիքի ժամանակավոր բավարարման նպատակով ամենամսյա դրամական օգնություն ստացող անձանց, ինչպես նաև Արցախի շրջանների համայնքներում (բացառությամբ շրջկենտրոնների) փաստացի բնակվող անձանց միջոցառման շրջանակներում սահմանված միանվագ աջակցությունը կտրամադրվի առանց առցանց դիմում ներկայացնելու: Վերոնշյալ սոցիալական խմբերին պատկանող անձինք, ինչպես նաև միջոցառման շահառու չհանդիսացող, այսինքն՝ աշխատող կամ զինծառայության մեջ գտնվող անձինք, կարող են առցանց եղանակով հայտագրել իրենց անչափահաս երեխաներին:

Մինչև առցանց դիմում հայտագրելը, հորդորում ենք նախօրոք ծանոթանալ վերոնշյալ ծրագրային միջավայրում տեղադրված՝ դիմումի լրացման ուղեցույցին: Առցանց դիմում ներկայացնելու հնարավորություն չունեցող անձինք, ինչպես նաև այն անձինք, ում տվյալները բացակայում են համակարգում, կարող են ներկայանալ (անձը հաստատող փաստաթղթի բնօրինակով և ՀԾՀ-ով) նախարարության համապատասխան ստորաբաժանումներ՝ հետևյալ հասցեներով.

- ք.Ստեփանակերտ, Ազատամարտիկների 54

- ք. Ստեփանակերտ, Կնունյանցների 1

- ք. Մարտունի, Կ.Ավանեսյան 1

- ք. Ասկերան, Ն.Ստեփանյան 14

- ք. Մարտակերտ, Սախարովի 15»,- ասված է նախարարության տարածած հաղորդագրության մեջ:

Այս թեմայով HRW. անհրաժեշտ է միջազգային մոնիթորինգ՝ Արցախում Բաքվի պարտավորությունների կատարումն ապահովելու համար Արցախում բացարձակ մեծամասնությունը ցանկանում է դուրս գալ, քան մնալ Ադրբեջանի վերահսկողության տակ Ռուս հայրենակիցները ծաղիկներ են խոնարհել ՌԴ դեսպանատան մոտ՝ ի հիշատակ Արցախում զոհված խաղաղապահների Եթե որևէ մեկը կարծում է, թե Արցախում կռիվն ավարտվել է` չարաչար սխալվում է Հայաստանի ու Ֆրանսիայի ԱԳ նախարարները քննարկել են Ադրբեջանի կողմից Արցախում ագրեսիայի հետևանքները Ստեփանակերտի «Նոյ» և «Նադեժդա» սրահներում ժամը 10:00-20:00 անվճար տաք սնունդ կտրամադրվի Սյունիքի մարզպետը Իսպանիայի դեսպանի հետ խոսել է Արցախում ստեղծված իրավիճակի մասին ՀՀ կառավարությունը 1 մլրդ 800 մլն դրամ կհատկացնի քսան համայնքների երեսուն սուբվենցիոն ծրագրերի ֆինանսավորման համար Շտաբը՝ Արցախում Ադրբեջանի ագրեսիայի հետևանքով զոհվածների հուղարկավորության կազմակերպման մասին Ադրբեջանը ռուս խաղաղապահների հետ փնտրում է Արցախում սպանվածների մարմինները. Հաջիև