Ռուսաստանի և Թուրքիայի միջև տարաձայնություններ են ի հայտ եկել․ Reuters

Reuters-ը, հղում անելով իր աղբյուրներին, հայտնում է, որ դադարեցվել է Եվրոպա ռուսական վառելիքի մատակարարման համար Թուրքիայում գազային հանգույցի ստեղծումը։ Պատճառը Ռուսաստանի և Թուրքիայի միջև տարաձայնություններն են, թե ով պետք է կառավարի այն։

«Կան կառավարման խնդիրներ, նրանք պայքարում են այն հարցի շուրջ, թե ով պետք է ղեկավարի հանգույցը», - ասել է Reuters-ի աղբյուրը՝ անանուն մնալու պայմանով: «Գազպրոմին» մոտ կանգնած մեկ այլ աղբյուր խոստովանել է, որ «խնդիր» կա կառավարման հարցերում։

Գազային հանգույցն առաջարկվել է ստեղծել Ռուսաստանի նախագահ Վլադիմիր Պուտինի կողմից 2022 թվականի հոկտեմբերին։ Թուրքիայի նախագահ Ռեջեփ Թայիփ Էրդողանի հետ հանդիպումից հետո, որը տեղի ունեցավ 2023 թվականի սեպտեմբերի 4-ին Սոչիում, պարոն Պուտինն ասել է, որ «Գազպրոմը» թուրքական Botas ընկերությանը տրամադրել է «ճանապարհային քարտեզ» սպասվող շինարարության համար։

Ներկայում Ռուսաստանը գազ է մատակարարում «Կապույտ հոսք»-ի և «Թուրքական հոսք»-ի միջոցով: «Թուրքական հոսք»-ով գազը հետո արտահանվում է հարավային և արևելյան Եվրոպա: Եվրոպական երկրները, նշում է Reuters-ը, մտահոգված են, որ թուրքական կենտրոնի օգնությամբ Ռուսաստանը կկարողանա քողարկել արտահանումները՝ խառնելով իր վառելիքը այլ երկրների վառելիքի հետ, և այդ կերպ կշրջանցի ԵՄ պատժամիջոցները։

Այս թեմայով Թուրքիան և Հունաստանը ստորագրել են բարեկամության ու բարիդրացիության մասին հռչակագիր Հունաստանն ու Թուրքիան պայմանավորվել են վեճերը լուծել խաղաղ ճանապարհով Էրդողանը նոր պահանջ է ներկայացրել Թուրքիան և Ադրբեջանը պայմանավորվել են ակտիվացնել համատեղ զորավարժությունները Թուրքիան «Kızılelma» ԱԹՍ–ներ կմատակարարի Ադրբեջանին Գերմանիան արգելափակում է «Eurofighters» կործանիչների վաճառքը Թուրքիային Մեծ Բրիտանիան կհամոզի Գերմանիային 40 Typhoon կործանիչ վաճառել Թուրքիային․ ԶԼՄ Թուրքիայի ԱԳ նախարարը հայտարարել է անկախ Պաղեստինի ստեղծման անհրաժեշտության մասին Թուրքիայի ԱԽ–ում քննարկվել է հայ-ադրբեջանական հարաբերությունների կարգավորման հարցը Թուրքիայի փոխարտգործնախարարը Տոյվո Կլաարի հետ քննարկել է Հարավային Կովկասը