Ընտրողները տեղյա՞կ են՝ ինչպես են քվեարկելու. «Փաստ»

«Փաստ» օրաթերթը գրում է.

Նախորդ բոլոր ընտրությունների ժամանակ թե՛ հեռուստատեսությամբ, թե՛ սոցիալական ցանցերով մի քանի օր շարունակ ակտիվորեն տարածվել են ԿԸՀ-ի տեսահոլովակները՝ մասնավորաբար այն մասին, թե ինչպես պետք է քվեարկի ընտրողը: Այս օրերին «Փաստի» խմբագրությունը հաճախ է դժգոհություններ ստանում, որ մարդիկ այս անգամ չեն հանդիպել նման հոլովակների, չգիտեն՝ ոնց են ընտրելու՝ նշում անելով, թե քվերաթերթիկ ընտրելով: Դիմեցինք ԿԸՀ՝ ճշտելու, նման հոլովակներ այս ընտրություններին չե՞ն պատրաստվել, թե՞ պատրաստվել են, բայց քիչ են տարածվել: ԿԸՀ մամուլի քարտուղար Սեդա Ղուկասյանը «Փաստի» հետ զրույցում ասաց, որ ԿԸՀ-ն չորս իրազեկող հոլովակ է պատրաստել՝ միջազգային դոնոր կազմակերպությունների աջակցությամբ:

«Բացի այդ տեսանյութերը, ԿԸՀ աշխատակազմը նաև այլ տեսանյութեր է պատրաստել, օրինակ՝ ԿԸՀ իրավաբանական վարչության պետը բացատրել է, թե ինչպես է կազմվում ընտրողների ռեգիստրը, այն, որ այդ ինֆորմացիան վարում է ոստիկանությունը, դա նրա տիրույթում է: Պետը մեկ այլ տեսանյութում բացատրել է քայլերի հերթականությունը, որոնք ընտրողն անելու է քվեարկության սենյակում ընտրության օրը: ԿԸՀ ՏՏ վարչության պետը պատմել է բոլոր էլեկտրոնային գործիքակազմերի մասին, որոնք այս ընտրությունների ընթացքում կիրառվել են, օրինակ՝ լրագրողների և դիտորդների հավատարմագրումն էլեկտրոնային եղանակով և ստորագրությամբ է արվել և այլն»:

Ինչ վերաբերում է դրանց տարածմանը, ապա ԿԸՀ մամուլի քարտուղարը նշեց, որ հեռուստաընկերություններն «Ընտրական օրենսգրքով» պարտավորություն չունեն Կենտրոնական ընտրական հանձնաժողովի պատրաստած տեսանյութերը տեղադրելու. դա զուտ կարգավորվում է գործընկերային հարաբերություններում: «Հեռուստատեսության և ռադիոյի հանձնաժողովը, որը պարբերաբար մոնիտորինգ է իրականացնում, նշել էր, որ մասնավոր գրեթե բոլոր հեռուստաընկերությունները, չունենալով օրենսդրական պարտավորություն, իրենց եթերում պարբերաբար տեղադրել են ԿԸՀ պատրաստած տեսանյութերը՝ զուտ այն տրամաբանությամբ, որ հնարավորինս շատ հանրային իրազեկվածություն ապահովվի»,-նշեց Սեդա Ղուկասյանը:

Մանրամասները՝ «Փաստ» օրաթերթի այսօրվա համարում

Այս թեմայով ՀՀ-ն Պիղատոսի նման ձեռքերը լվաց, փակեց աչքերը, որ չտեսնի ինչպես են կոտորում հայերին Արցախում Աշխարհի երեսպաշտ «հումանիզմը». էս ինչ էլ շուտ եկաք. «Փաստ» «Փաստ». Բռնի տեղահանված արցախցիները միայնակ չեն «Արցախի վերածնունդ ենք ունենալու». ինչպես են աշակերտները դիմավորում բռնի տեղահանված դասընկերոջը «Փաստ». Շուռնուխում բնակելի թաղամասի կառուցումը դեռ չի ավարտվել, դրամական օգնության տրամադրումը կշարունակվի «Փաստ». «Կարևորագույն նպատակներից մեկը Փաշինյանին հնարավորինս անցնցում եղանակով իշխանությունից հեռացնելն է» «Փաստ». Բացառիկ մանրամասներ Լևոն Քոչարյանին կալանավորելու օպերացիայից «Փաստ». ԶՊՄԿ-ն Սյունիքում զգալի աշխատանք է կատարել. ի՞նչ է հայտարարել տնօրենը Մեծամասնությունը վաղուց Փաշինյանի հետ չէ. մեղքը ժողովրդի «գրպանը» պետք չէ գցել. «Փաստ» Բացառիկ կադրեր. ինչպես են մեր հայրենակիցներին դիմավորում Հայաստանում` նախքան հաշվառման կետ հասնելը (տեսանյութ)