Հայկ Մարությանը երկու առաջարկ է ներկայացրել ընդդիմադիր ուժերին

 «Գաղտնիք չէ, որ իշխանությունները երեկ պարտություն են կրել: Երեւանի ավագանու 65 մանդատներից իշխանությունն ունի ընդամենը 24 մանդատ եւ ընդդիմադիր 4 ուժերը միասին ունեն 41 մանդատ: Այս մասին ֆեյսբուքյան տեսաուղերձում հայտարարել է նախկին քաղաքապետ Հայկ Մարությանը:

«Ինչպե՞ս կարող ենք շարժվել առաջ:

Քանի որ մեր թիմը մշտապես գործել է բաց, թափանցիկ, հրապարակայնորեն ներկայացրել է, այժմ այդպես էլ ուզում ենք անել: Քիչ առաջ տեղի ունեցավ մեր նորաստեղծ ֆրակցիայի նիստը, որի ժամանակ որոշում կայացվեց, որն ուզում եմ հրապարակայնացնել բոլորի համար:

Եվ, այսպես, մեր առաջարկը։ Քանի որ այս 4 ուժերն ունեն քաղաքական եւ գաղափարական տարաձայնություններ, մեր առաջարկը հետեւյալն է՝ եւ քանի որ մեր ուժը այս 4-ից առաջին տեղն է գրավել, մենք առաջարկում ենք, որ մենք առաջադրենք քաղաքապետի թեկնածու, խոսքն իմ մասին է,  եւ մնացած  3 քաղաքական ուժերն առանց որեւէ կոալիցիաներ կազմելու, առանց որեւէ ստվերային պայմանավորվածությունների եւ նախապայմանների գան եւ քվեարկեն այս թեկնածուի համար:

Իսկ ինչո՞ւ․ որովհետեւ մենք ունենք քաղաքական ու գաղափարական տարաձայնություններ: Սա շատ ազնիվ կլինի թե՛ մեր ընտրողների նկատմամբ, թե՛ մեկս մեր նկատմամբ: Ոչ մեկս իր սկզբունքներից դուրս չի գա եւ գլխավոր նպատակը, այն է՝ ՔՊ-ին զրկել իշխանությունից, կարող ենք ի կատար ածել:

Այսինքն՝ եթե ես զբաղեցնում եմ քաղաքապետի պաշտոնը, մեր քաղաքական ուժը ստանում է քաղաքային իշխանությունը եւ սկսում ենք աշխատել: Մնացած ուժերը դառնում են ընդդիմություն եւ մենք իրականացնում ենք այդ աշխատանքը»,– ասել է նա:

Այս թեմայով Մեր խմբակցությունը գնում է Երևանի ավագանու նոր ընտրությունների․ Հայկ Մարության «Մայր Հայաստանը» պատրաստ է իր քվեն տալ Հայկ Մարությանին. հայտարարություն Հայկ Մարությանն արձագանքել է «Մայր Հայաստան» դաշինքի և «Հանրային ձայնի» պահանջներին Հանրահավաքներին չենք միանում, որովհետև կարծում ենք, որ իշխանափոխությունը պետք է լինի ընտրություններով. Մարության Հայկ Մարությանը նոր առաջարկ է արել Վարդան Ղուկասյանին և պարզաբանել՝ ինչու չի միացել ընդդիմության ցույցերին (տեսանյութ) «Իրավունք». Ով է, ի վերջո, դառնալու Երեւանի քաղաքապետ. գնդակը Հայկ Մարությանի թիմակիցների դաշտում է Հայկ Մամիջանյանն ընդհատել է այցը Չինաստան․ 168.am ՀՀ իշխանությունը ձախողել է արտաքին քաղաքականությունը եւ կրում է ստեղծված վիճակի պատասխանատվությունը․ Հայկ Մարության ՔՊ կուսակցության հետ համագործակցությունը բացառում ենք․ Մարության Հայկ Մարությանը փոխանցել է միավորման մասին իր դիրքորոշումը. բացառիկ