Ծեծկռտուք ու կրակոցներ՝ Հրազդանում. վիրավորները հայր ու որդի են

Երեկ` սեպտեմբերի 17-ին, վիճաբանություն, ծեծկռտուք և կրակոցներ են հնչել Կոտայքի մարզում։ Ժամը 22:50-ի սահմաններում «Հրազդան» բժշկական կենտրոնից ՀՀ Ներքին գործերի նախարարության Ոստիկանության Կոտայքի մարզային վարչության օպերատիվ կառավարման կենտրոն ահազանգ է ստացվել, որ «աջ քունքային շրջանի սալջարդ վերք, մարմնի բազմակի սալջարդեր» ախտորոշմամբ իրենց մոտ բուժօգնության է տեղափոխվել մի քաղաքացի։

Shamshyan-ի հաղորդմամբ՝ բժիշկները ոստիկաններին հայտնել են, որ վիրավորն ի վիճակի չէ կատարվածի մասին բացատրություն տալու, քանի որ գտնվում է վիրահատարանում։ Ոստիկանները պարզել են, որ վիրավորը Հրազդան քաղաքի բնակիչ 32-ամյա Տիգրան Խ․-ն է։

Մինչ տեղում ոստիկանները պարզում էին դեպքի հանգամանքները, հիվանդանոց է տեղափոխվում «ձախ քունքային շրջանի և աջ ականջի շրջանի սալջարդ վերքեր» ախտորոշմամբ մի քաղաքացի։ Ոստիկանները պարզում են, որ նա նույնպես Հրազդանի բնակիչ 50-ամյա Գնել Խ․-ն է։

Դեպքի փաստով քննչական վարչությունում նախաձեռնվել է քրեական վարույթ։

Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ՝ Գարիկ Հ․-ին, Լևոն Ս․-ին և Միխաիլ Մ․-ին, ինչպես նաև հանցագործության գործիք ատրճանակը հայտնաբերելու ուղղությամբ։

Աղբյուրի տեղեկություններով՝ վիրավորները հայր ու որդի են, իսկ դեպքի վայրում հայտնաբերված ՎԱԶ-2121 մակնիշի ավտոմեքենան վարել է Գարիկ Հ․-ն։
 

Այս թեմայով Ծեծկռտուք, կրակոցներ Երևանում. հարազատ եղբայրները տեղափոխվել են հիվանդանոց Ծեծկռտուք Փաշինյանի աջակիցների եւ ԱԺԲ–ի անդամների միջեւ Ծեծկռտուք՝ Սևանի ափին․ 22-ամյա տղան գիտակցության չգալով մահացել է Վիճաբանություն, ծեծկռտուք Վանաձորում․ կան վիրավորներ Աշտարակում ռեստորաններից մեկի մոտ ծեծկռտուք է եղել (տեսանյութ) Ծեծկռտուք ռեստորանում՝ ՔՊ-ականների և քրեական հեղինակությունների միջև․ «Հրապարակ» Ծեծկռտուք՝ «Ջրաշխարհում»․ 4 իրանցիներին բերման են ենթարկել Վիճաբանություն-ծեծկռտուք Երևանում․ հայտնաբերվել են արնանման հետքեր․ կասկածյալների մեջ քրեական հեղինակություններ են Սիսիանում ավտովթարից հետո տեղի է ունեցել ծեծկռտուք․ 3 հոգի դանակահարված տեղափոխվել են հիվանդանոց Ծեծկռտուք՝ Հյուսիսային պողոտայում․ կան ձերբակալվածներ