ԿԽՄԿ-ն բանակցություններ է վարում ԼՂ-ում արտակարգ հումանիտար գործունեությունն ընդլայնելու մասին

Կարմիր խաչի միջազգային կոմիտեն նախատեսում է մեծացնել արտակարգ մարդասիրական գործունեությունը Լեռնային Ղարաբաղում և բանակցություններ է վարում որոշում կայացնողների հետ սննդամթերքի և հիգիենայի պարագաների առաքման մասին։ Այս մասին հայտնում է ԿԽՄԿ-ն։

Նշվում է, որ սեպտեմբերի 20-ին հրադադար է հայտարարվել, սակայն ռազմական էսկալացիայի հումանիտար հետևանքները դեռևս զգացվում են ողջ տարածաշրջանում։

Մարդիկ լքել են իրենց տները, հարազատները կորցրել են կապը միմյանց հետ. տեղեկություններ են ստացվում մարտերում վիրավորների մասին, որոնց դեռևս օգնություն չի ցուցաբերվել։

ԿԽՄԿ-ն հիշեցնում է, որ սեպտեմբերի 18-ին կազմակերպությունն առաջին անգամ կազմակերպել էր ապրանքների՝ ցորենի ալյուրի և հիմնական դեղամիջոցների միաժամանակյա առաքում Լաչինի միջանցքով և Ակնայի (Ագդամ) ճանապարհով:

Այդ ժամանակից  կազմակերպությունը նաև բժշկական պարագաներ է տրամադրել ռազմական և քաղաքացիական հիվանդանոցներին, ուրբաթ օրը նոր բեռներ են ժամանել: Մասնավորապես, բաժանվել է 28000 մանկական տակդիր և 200 տաք ծածկոց, որոնք նախատեսված են իրենց տները լքած մարդկանց համար։

Նաև խոշորագույն բժշկական կենտրոն է ուղարկվել 1 հազար լիտր դիզվառելիք՝ գեներատորների անխափան աշխատանքն ապահովելու համար և 500 լիտր դիզվառելիք՝ քաղաքը ջրամատակարարող գեներատորների համար։

ԿԽՄԿ-ի աշխատակիցները սկսել են գրանցել  կորցրած երեխաներին  կամ մերձավորներին   որոնող մարդկանց: Տեղի բնակիչները նույնպես դիմում են ԿԽՄԿ-ին՝ զոհված հարազատների մարմինները տարհանելու հարցում օգնության համար:

Այս թեմայով ԿԽՄԿ-ն հրապարակել է պատերազմի կանոններով արգելված զենքերի ցանկը ԿԽՄԿ-ն այցելել է Ադրբեջանում պահվող հայ գերիներին Պատերազմը երեխաների համար ծանր հետևանքներ է թողնում․ ԿԽՄԿ Սեպտեմբեր-հոկտեմբեր ամիսներին Արցախից 220 աճյուն է տեղափոխվել Հայաստան ԿԽՄԿ-ն այցելել է Ադրբեջանի իշխանությունների կողմից ձերբակալված հայերին Լեռնային Ղարաբաղում շարունակում է մնալ մի քանի տասնյակ հայ․ ԿԽՄԿ ԼՂ հայերը դիմում են ԿԽՄԿ-ին՝ հարազատների դիակները տեղափոխելու խնդրանքով. Մարութ Վանյան Հայաստանում ԿԽՄԿ պատվիրակությունն այցելել է Տեղ, Վարդենիս, Սոթք Սեպտեմբերի 19-ից հետո ԿԽՄԿ աշխատակիցները մինչ այժմ օգնել են Արցախից Հայաստան տեղափոխել 220 աճյուն ԿԽՄԿ ներկայացուցիչները Բաքվում այցելել են Վարդանյանին, Հարությունյանին և մյուս գերեվարվածներին