Հայ ազգը ոտքի է կանգնել, հայ ազգը մեկ բռունցք է դառնում, չի կոտրվելու ու չի նահանջելու. Օհանյան

Հայաստանի Հանրապետության ազգադավ իշխանության գործունեության արդյունքում Արցախում ստեղծված իրավիճակով պայմանավորված՝ հայ ազգը ոտքի է կանգնել իշխանափոխություն իրականացնելու պահանջով։ Այս մասին գրում է «Հայաստան» խմբակցության ղեկավար Սեյրան Օհանյանը:

«Ի պատասխան՝ Հայաստանում գործող օկուպացիոն ռեժիմը գործի է դրել բազմապիսի բռնաճնշումների մեխանիզմներ, այդ թվում` մարդկանց ապօրինի ձերբակալելով ու կալանավորելով:

«Հայաստան» խմբակցության պատգամավորները զօր ու գիշեր, բացի բողոքի ակցիաներին մասնակցելուց, ժողովրդի հետ առաջին շարքերում գտնվելուց և շատ դեպքերում հարվածներն իրենց վրա վերցնելուց, օպերատիվ կերպով այցելում են բոլոր ձերբակալված և կալանավորված անձանց` իրավիճակին տեղում ծանոթանալու, նրանց շահերը պաշտպանելու և ըստ անհրաժեշտության գործելու նպատակով:

Միաժամանակ ձևավորվել է փաստաբանների և իրավապաշտպանների խումբ, ովքեր, իրենց մասնագիտության մեջ արհեստավարժ լինելով, նաև հայրենիքի, գաղափարի նվիրյալներ են և շտապ փաստաբանական օգնություն են ցուցաբերում ոստիկանության գործողությունների հետևանքով տուժած քաղաքացիներին:

Արդեն իսկ հարյուրավոր քաղաքացիներ են դիմել Ազգային կոմիտեին և ստացել անհրաժեշտ իրավաբանական աջակցությունը ձևավորված օպերատիվ խմբերի կատարած ահռելի աշխատանքի շնորհիվ:

Հայ ազգը մեկ բռունցք է դառնում, չի կոտրվելու ու չի նահանջելու:

Աստված պահապան բոլորին»,- նշել է Օհանյանը:

Այս թեմայով Պաշտոնական այցին ստացած 60 000 դրամից ավելի արժեցող նվերները դառնում են պետության սեփականությունը ՀԱՊԿ միջոցառումներին չմասնակցելը ևս մեկ հարվածի տակ է դնում ՀՀ անվտանգությունը. Սեյրան Օհանյան Ժողովուրդ, փչացած հեռախոս ա դառնում էս հանձնարարականը, գնացեք, շների զբոսայգու տեղը որոշեք. Ավինյան Արցախյան հակամարտությունը չի ավարտվել, ամեն ինչ պետք է անենք, որ վերադառնանք Արցախ. Սեյրան Օհանյան Հոկտեմբերի 27-ի դեպքը թուրք-ադրբեջանական հետք ունի. Օհանյան «Հրապարակ». Արցախի քաղաքական եւ ռազմական գործիչների մի խումբ սոցիալական ծանր խնդիրների առջեւ է կանգնել Իմ օրոք 1500 ինքնաթիռ ռազմամթերք ենք ներկրել ՌԴ-ից, բայց դեմ չեն եղել մյուսներից գնումներին․ Օհանյան ՀՀ ապիկար ու դավաճան իշխանությունը կանաչ լույս վառեց՝ ճանաչելով Արցախը Ադրբեջանի կազմում․ Օհանյան Ինչպե՞ս ես դառնում արցախցի ուսանողների՝ իրենց բուհերում կրթության իրավունքն իրացնելու դահիճը. հարցեր ԿԳՄՍ նախարարին Սասուն Միքայելյանը ոտքի չկանգնեց Ավինյանի երդմնակալության ժամանակ