Ուր են և ինչու են լռում Հայաստանի խոշոր գործարարներն ու պաշտոնյաները. մաս 4. Կարեն Կարապետյան

ԼՈՒՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարիներ Հայաստանում և Արցախում պաշտոններ զբաղեցնելով, հաջողակ բիզնես ստեղծելով՝ Արցախի համար օրհասական այս իրավիճակում քար լռություն են պահպանում, որևէ քաղաքացիական դիրքորոշում չհայտնելով և որևէ կերպ չաջակցելով Արցախում ցեղասպանության վտանգի առջև կանգնած մեր հայրենակիցներին:

Այսօր կխոսենք ՀՀ նախկին վարչապետ, ծնունդով Ստեփանակերտցի Կարեն Կարապետյանի մասին: Կարապետյանը պաշտոնը ստանձնեց 2016 թվականի սեպտեմբերին՝ ապրիլյան պատերազմից ամիսներ անց: Վերջինս իր կարճաժամկետ պաշտոնավարման ընթացքում բազմիցս է անդրադարձել Արցախին, մեկնել Արցախ և հանդիպել բարձրաստիճան պաշտոնյաների հետ:

Կարեն Կարապետյանն էր, որ Արցախում հայտարարում էր, թե Արցախի վարչապետ Արայիկ Հարությունյանի հետ գաղափարակիցներ են: Արցախ կատարած յուրաքանչյուր այցի ընթացքում Կարապետյանի ուշադրության կենտրոնում էր հատկապես էներգետիկայի ոլորտում համագործակցության կոնկրետ ծրագրերի իրագործումը:

Կարապետյանը այցելում էր Ասկերանի և Մարտունու շրջաններ, քննարկում համայնքների զարգացման ծրագրերը

2016 թվականի նոյեմբերի 7-ին Կարապետյանը հայտարարում էր, որ Արցախը Հայաստանի տնտեսության դրայվերն է:  Արցախի նախագահ Բակո Սահակյանի կողմից Կարապետյանին անգամ շնորհվել էր Մեսրոպ Մաշտոց շքանշան` սոցիալ-տնտեսական կարևորագույն խնդիրների իրականացման գործում Արցախին ցուցաբերած աջակցության համար: Նույն Կարապետյանը վստահություն էր հայտնում, որ Արցախի հարցով չի կարող կայացվել այնպիսի որոշում, որին դեմ կլինեն Հայաստանի քաղաքացիները: 2017-ի նախընտրական հանդիպումների ժամանակ Կարապետյանը հայտարարում էր, որ Ղարաբաղը, Արցախը հայկական հողի մի մասն է, իսկ հիմա՝ նրա ռազմաճակատի գիծը։ Ու այս հարցում պետք է չվնասել հայ ժողովրդի պատիվն ու արժանապատվությունը։ Նախկին վարչապետը նաև բարեգործությամբ էր զբաղված, ինչպես գիտենք ապրիլյան պատերազմից հետո հատուկ հաշվեհամար բացվեց, որտեղ բոլոր ցանկացողները կարող էին նվիրատվություններ կատարել: Կարեն Կարապետյանի կողմից այս հաշվեհամարին էր փոխանցվել $100,000:

Այսօր, սակայն, երբ հանձնվում է Կարապետյանի ծննդավայր Ստեփանակերտը՝ Կարապետյանը լռում է: Երբ հանձնվում են նրա ընտանիքի կողմից հիմնված 200 հա նռան այգիները՝ նա լռում է: հայ ժողովրդի պատիվն ու արժանապատվությունը, որի մասին խոսում էր Կարապետյանը 2017-ին ոտնահարվում են՝ նա լռում է: Փաստացի զրոյացվել են այն բոլոր ծրագրերը, որոնց իրագործման համար Կարապետյանը այդքան ջանք ու եռանդ էր ներդնում, միևնույն է՝ նա լռում է: Արցախը այլևս չի լինելու Հայաստանի տնտեսության դրայվերը, սակայն, անգամ սա չի ստիպում Կարապետյանին խոսել: Ընդամենը խոսել և գնահատականներ հնչեցնել, եթե ոչ գործով, ապա առնվազն խոսքով կանգնել արցախցի մեր հայրենակիցների կողքին:

Այս թեմայով Հայաստանի մարզիկներն աշխարհի և Եվրոպայի առաջնություններում նվաճած մեդալների թվով գերազանցել են նախորդ տարվա ռեկորդը Անկախության ճանապարհին առաջին քայլերն անող Հայաստանի համար երկրաշարժը ծանր փորձություն էր Ալիևը հայտնել է՝ ինչու չի մեկնել Գրանադա Արայիկ Հարությունյանը և Վասիլիս Մարագոսը մտքեր են փոխանակել Հայաստանի և ԵՄ-ի միջև համագործակցության վերաբերյալ Նոր տարրերով համալրվել է Հայաստանի` անհապաղ պաշտպանության կարիք ունեցող ոչ նյութական մշակութային ժառանգության արժեքների ցանկը Հնդկաստանը Հայաստանի համար կդյուրացնի Չաբահար նավահանգստի օգտագործման հնարավորությունը ԲԴԽ-ն չունի «սրտի թեկնածու». Կարեն Անդրեասյանը՝ Տրդատ Սարգսյանի եղբորը դատավոր նշանակելու մասին Հայտնի են Հայաստանի ազատ և հունահռոմեական ոճի ըմբշամարտի առաջնության հաղթողները Խոշոր հրդեհ է բռնկվել «Դրագոն» ռեստորանում. կրակը տեսանելի էր մի քանի հարյուր մետրից «Հրապարակ». Ով եւ ինչու է առաջադրել Արմեն Մելիքբեկյանի թեկնածությունը