«Հրապարակ». Դուք մենակ փող աշխատելու համա՞ր եք

«Հրապարակ» թերթը գրում է. «Օրեր առաջ Հայաստանի բռնցքամարտի ֆեդերացիայի պահանջով Բաքվում կայանալիք բռնցքամարտի մինչեւ 22 տարեկանների Եվրոպայի առաջնությունը տեղափոխվեց Մոնտենեգրո եւ կանցկացվի նոյեմբերի 10-21-ը: Բնականաբար, սպորտային այս քայլը նորմալ կհամարվեր, եթե չլիներ անցած ամիս Լաչինի միջանցքով Արցախից Հայաստան եկող հայ երեք ֆուտբոլիստների դեպքը, ովքեր անօրինական ազատազրկվեցին ադրբեջանցիների կողմից ու 10 օր պահվեցին Ադրբեջանում: Այս ընթացքում Հայաստանի ֆուտբոլի ֆեդերացիա կոչվող հիմնարկը ծպտուն անգամ չհանեց՝ գոնե ֆուտբոլային աշխարհում բարձրացնելու երիտասարդների հարցն ու պահանջելու նրանց իրավունքների վերականգնում ու անհապաղ ազատ արձակում:

ՀՖՖ նախագահի պաշտոնում նստած նախկին լրագրող ու միջազգային կառույցներից դրամաշնորհներ ստացած Արմեն Մելիքբեկյանը տարբեր առիթներով գլուխ է գովում, թե ՈՒԵՖԱ-ի նախագահ Չեփերինն իր ընկերն է, որ հսկայական կապեր ունի այդ կառույցում ու ՖԻՖԱ-ում, սակայն մատը մատին չտվեց՝ գոնե մեկ հայտարարություն ստանալու համար:

Փաստորեն, մեզ պակասում են հայրենասեր հայերը, մարդիկ, ովքեր իրենց տեղում ու իրենց չափով գործ են անում երկրի համար, ոչ թե Մելիքբեկյանի պես «չինովնիկները», որոնք միայն իշխանություններին դուր գալու ճիգեր են գործադրում, օրինակ՝ իր մտերիմ ԿԳՄՍ նախարար Ժաննա Անդրեասյանի միջոցով անդադար Նիկոլի ականջին լավ բաներ«կաթեցնելով» եւ դրան զուգահեռ հայկական ֆուտբոլը հիմքից քանդելով ու մեր թիմերին, հայազգի խաղացողներին նեղացնելով եւ ամենակարեւորը` հարստանալով: Բայց կգա նաեւ մելիքբեկյանների պատասխան տալու ժամանակը»:

Առավել մանրամասն թերթի այսօրվա համարում

Այս թեմայով Լարսում հազարավոր դոլարներ են կորցնում, դուք զարգացման տեսլականից եք խոսում. ընդդիմադիրը` Քերոբյանին Նոր ընկերություն են գտել, որից տարօրինակ գնումներ են կատարում․ «Հրապարակ» «Հրապարակ». Ավագանու հերթական ստուգարքը «Հրապարակ». Փաշինյանին կարելի էր, մյուսներին՝ ոչ «Հրապարակ». Միհրան Պողոսյանի արտահանձնման մասին լուրն ինչ-որ մեկի չար կատակն էր կամ անկատար երազանքը «Հրապարակ». ՔՊ-ական պատգամավորը պատրաստ է ապրել Բաքվում, եթե ապահովեն անվտանգությունը Փրկարար ծառայության աշխատակցի մոտ կրիստալ են հայտնաբերել. կալանավորվել է. «Հրապարակ» «Հրապարակ». Խաղն ավարտվում է ՀՀԿ-ն ու ՀՅԴ-ն ամեն ինչ անեն, իսկ դուք խորհրդարանական ընդդիմությանը վարկաբեկելով իշխանության գա՞ք. Շարմազանով «Հրապարակ». Դերժավայի Արկադին պետությանը մոտ 257 մլն դրամ է փոխհատուցել