Ադրբեջանին արած մեծ նվերի դիմաց ՀՀ-ն առնվազն պետք է պահանջի Ռուբեն Վարդանյանին և Դավիթ Բաբայանին. Վարդան Օսկանյան

Ադրբեջանում գտնվող բոլոր հայ գերիների, ձերբակալվածների, առևանգվածների Հայաստան վերադարձը պետք է լինի Հայաստանի իշխանությունների օրակարգային գլխավոր հարցերից մեկը։

Այս մասին ֆեյսբուքյան իր էջում գրել է ՀՀ նախկին արտգործնախարար Վարդան Օսկանյանը։

«Ռուբեն Վարդանյանի նկատմամբ Ադրբեջանի մեղադրանքները շինծու են։ Ադրբեջանը չունի իրավական որևէ հիմք նրան պահելու համար։

Նույնը վերաբերում է Դավիթ Բաբայանին և այլոց, որոնք, հնարավոր է, նման ճակատագիր ունենան։

Ռուբեն Վարդանյանը Հայաստանի Հանրապետության քաղաքացի է։ Նա այնտեղ էր՝ լինելու իր ժողովրդի կողքը և պաշտպանելու նրա ինքնորոշման իրավունքը։

Դավիթ Բաբայանը ծնունդով արցախցի է, նա նույնպես պայքարում էր իր նախնիների՝ իրեն ժառանգություն թողած հողը պաշտպանելու և այնտեղ ազատ ապրելու համար։

Հայաստանի իշխանությունները ամեն ջանք պետք է ներդնեն, ներառյալ՝ բանակցությունների ընդհատում, ապահովելու նրանց ազատ արձակումը։ Ադրբեջանին արած մեծ նվերի դիմաց Հայաստանի իշխանություններն առնվազն պետք է պահանջեն այս մարդկանց վերադարձը։

Սփյուռքը ևս այս հարցը պետք է դարձնի օրակարագային։

Իսկ միջազգային հանրությունը Ադրբեջանից միանշանակ պետք է պահանջի զերծ մնալ նման հետապնդումներից»։

Այս թեմայով Հեղափոխական պաշտոնյաների աշխատանքի ՕԳԳ-ն. Դավիթ Խուդաթյան ԵՄ-ն Ադրբեջանին երբեք իր կազմում չի ընդգրկի. Ալիև Դատական համակարգում պետք է ընտրվեն միայն արդարությանը և արդարադատությանը հավատացող դատավորները․ վարչապետ Մի՛ ասեք՝ զոհ ունենք, բան չեք անում, պետք լինի` ՊՆ-ի ծախսերի չափը կավելացնենք Պետք է ամեն ինչ անել, որ կարևորվի փաստաբանի մասնագիտությունը, աջակցել, որ բարձրանա վստահությունը Ի՞նչ պետք է իմանալ անշարժ գույքը վարձակալության հանձնելիս Իրանն աջակցում է ՀՀ ինքնիշխանությանն ու տարածքային ամբողջականությանը, խաղաղություն է պետք. դեսպան «Գիտության հետ համագործակցող բիզնեսները պետք է ծանրակշիռ մեծամասնություն կազմեն Հայաստանում»․ «Փաստ» Ինդոնեզիայում հրաբխի ժայթքման հետևանքով՝ առնվազն 11 լեռնագնաց է զոհվել, 12-ը անհետ կորած է (լուսանկարներ, տեսանյութ) «Հայաքվեն» Ադրբեջանին հնարավորություն ա տալու ՀՀ-ի նկատմամբ նոր ագրեսիա սկսել. Պապոյան