«Սևան» և «Արմավիր» քրեակատարողական հիմնարկներում հայտնաբերվել են թմրամիջոցի նմանվող զանգված և արգելված իրեր

Արգելված իրերի և թմրամիջոցների հայտնաբերմանն ուղղված միջոցառումների շրջանակներում Հայաստանի Հանրապետության արդարադատության նախարարության «Սևան» քրեակատարողական հիմնարկի ծառայողները սեպտեմբերի 26-ին՝ ժամը 09:45-ի սահմաններում, իրականացրել են նախատեսված խուզարկություն բնակելի տեղամասի մասնաշենքերից մեկում։

Արդյունքում՝ կացարաններից մեկում գտնվող սառնարանից հայտնաբերել են պոլիէթիլենային տոպրակով փաթեթավորված և լավաշի մեջ թաքցրած մեկ բջջային հեռախոս՝ իր բաժանորդային քարտով, ինչպես նաև՝ թաշկինակով փաթաթված 1 ականջակալ, 1 լիցքավորիչ և 1 USB լար։

Ինչպես հաղորդում են ՀՀ արդարատատության նախարարության քրեակատարողական ծառայության հանրային կապերի բաժնից, դատապարտյալ Կ․ Չ․-ն բանավոր հայտարարել է, որ վերոնշյալ արգելված իրերը պատկանում են իրեն։

Դեպքի առթիվ նախապատրաստվում են նյութեր։

Նույն օրը, ավելի ուշ՝ ժամը 18:45-ի սահմաններում, ՀՀ ԱՆ «Արմավիր» քրեակատարողական հիմնարկի օպերատիվ բաժնի ծառայողները, իրացնելով օպերատիվ տվյալները, չնախատեսված խուզարկություն են իրականացրել տեխնիկատնտեսական մասնաշենքի կացարանում և դատապարտյալ Ա․ Ս․-ի անկողնու տակի հատվածից հայտնաբերել են փաթեթ, որի մեջ առկա է եղել 0․56 գրամ քաշով, մարիխուանա տեսակի թմրամիջոցին նմանվող բուսական զանգված։ Դատապարտյալը բանավոր հայտարարել է, որ փաթեթն իրեն չի պատկանում։

Հայտնաբերվածն ուղարկվել է Արմավիրի մարզի քննչական վարչության Վաղարշապատի քննչական բաժին՝ քրեական վարույթ նախաձեռնելու համար:

Այս թեմայով Քաղաքացին թմրամիջոց է պահել․ պարեկներին տեսնելով՝ փորձել է փախչել ՊԵԿ-ը հայտնաբերել է ավելի քան 10 կգ «մեթամֆետամին» տեսակի թմրամիջոց, որի շուկայական արժեքը գերազանցում է 800 միլիոն ՀՀ դրամը Կոտայքի մարզում բացահատվել է լաբորատորիա, որտեղ թմրամիջոցներ են պատրաստել․ ՆԳ նախարար Կառավարության դիմաց կազմակերպված զանգվածային անկարգություններին մասնակցած անձը ձեռք է բերել և իրացրել «Մարիխուանա» տեսակի թմրամիջոց Կալանավորված անձը զբոսահրապարակում ենթարկվել է խուզարկության․ հայտնաբերվել են արգելված իրեր Արագածոտնի պարեկները ապօրինի թմրամիջոց են հայտնաբերել Երևանում «դիվանագիտական» համարներով Mazda-ն հետապնդումից հետո վնասազերծվեց, թմրամիջոց է հայտնաբերվել Համացանցը` թմրամիջոցների տարածման միջավայր, ուշադի՛ր եղեք երեխաների վարքագծին․ ԿԳՄՍՆ Տապակած հավի միջոցով կալանավորին փորձել են թմրամիջոց փոխանցել Միջազգային սուրհանդակային առաքանուց հայտնաբերվել է 1 կգ-ից ավելի «հաշիշ» տեսակի թմրամիջոց