Երեք տարի առաջ Վարագա Սուրբ Խաչի օրը սկսվեց 44-օրյա պատերազմը․ այսօր Արցախը հայաթափված է

Տավուշի թեմի ուղերձը՝ Վարագավանքի ուխտի օրվա կապակցությամբ․

«Այս օրը ավանդաբար Նոր Վարագավանքի ուխտի օրն է։ Երեք տարի առաջ այս տոնի օրը սկսվեց 44-օրյա պատերազմը։ Այսօր արդեն կանգնած ենք իրականության առջև՝ Արցախը հայաթափված է։

Հայի Խաչը ծանր է, սակայն այն կրելու հանձնառություն ունենալու դեպքում կկարողանանք հասնել ՀԱՐՈՒԹՅԱՆ հաղթանակին։

Ինչպես ասել է Բագրատ Սրբազան-ը 2022թ-ին՝ տոնի օրը․ «Այսօր ՀԱՅԻ ԽԱՉԻ տոնն է: Այն ծանր, բայց միևնույն ժամանակ ՀԱՂԹԱՆԱԿՈՂ ԽԱՉԻ տոն է։

Այն խաչի տոնը, որ կորած էր և գտնվեց, թաքնված էր և հայտնվեց:

ԱՄՈՒՐ ԲՌՆԵՔ ԱՅԴ ԽԱՉԻՑ, ժողովուրդ ջան։ Չվախենաք երբեք այդ խաչի խորհրդով ապրելու, գործելու։ Ոչ մի բանից չեք զրկվելու։ Եթե զրկվելու լինեք, զրկվելու եք միայն ՄԵՂՔԻՑ։

Հետևաբար, ամեն մարդ գոնե օրը մեկ անգամ թող ասի՝ քավ լիցի ինձ պարծենալ այլ բանով, քան մեր Տեր Հիսուս Քրիստոսի խաչով։

ՀԱՅԻ ԽԱՉԸ երբեք, երբեք և երբեք չի դադարել ճանապարհորդելուց։ Այն երբեմն կամ շատ հաճախ եղել է հարվածված, եղել է նաև սխրանքների տանող մեծագույն միջոցն ու գործիքը։

Այն՝ իր բոլոր թևերով, եղել է մեր կյանքի առանցքը, այն գրկել է մեզ։

Եվ այն ժամանակ, երբ մենք հրաժարվել ենք իրենից, սկսել են մեր բոլոր դժբախտությունները․ ԳԵՐԵԶՄԱՆՎԵԼ են, ոչ թե ՀԱՐՈՒԹՅՈՒՆ ԱՌԵԼ, մնացել են ԽԱՉԻ ՎՐԱ, ոչ թե կարողացել են այդ խաչից ՎԵՐ ՀԱՌՆԵԼ, ինչպես մեր Տերը՝ Հիսուս Քրիստոս»։

Խաչին ապավինելով՝ ճանաչենք մեր մեղքերը, հրաժարվենք մեղքից, զինվենք մեր ինքնության և արժեքների գիտակցությամբ ու կերտենք մեր հաղթանակները։

***

Վարագա Սուրբ Խաչի տոնին Նոր Վարագավանք բերվեց մեր Տիրոջ Խաչափայտի մասունքը։ Պատարագ մատուցեց Նոր Վարագավանքի հովվության հոգևոր հովիվ Տեր Արամ քահանա Միրզոյանը։

***

Չորրորդ դարում Սուրբ Հռիփսիմեն Տիրոջ Խաչափայտի մասունքը բերեց Հայաստան աշխարհ, և շուրջ 17 դար Խաչափայտի մասունքը գտնվում է մեր ժողովրդի մոտ։ Պատմական Հայաստանի Վարագավանքից տեղափոխվելով՝ մասունքն ապա շուրջ 400 տարի հանգրվանել է հենց Նոր Վարագավանքում»։ 

Այս թեմայով Դեկտեմբերի 2-ին դուրս կբերվի Աստվածամուխ Սուրբ Գեղարդը «Այսօր տարակարծությունը դարձել է քրեորեն հետապնդելի, ինչպես բնորոշ է բռնապետական երկրներին». «Փաստ» Իշխանությանն եմ մեղադրում Արցախը հանձնելու համար, հո ձեզ չեմ մեղադրելու. Սամվել Բաբայան Առաջ մարդուն ավելի շատ ձեռնտու էր տուգանքը վճարել, բայց շինթույլտվություն չստանալ. փոխնախարար Իշխանությունն Արցախը «թաղել» է, բայց մարսել, բնականաբար, չի կարողանում․ Տիգրան Աբրահամյան Վանաձորում սպանվել է քրեական պատմություններով հայտնի անձ, ում կնոջ վրա ամիսներ առաջ կրակել էին «Ինձ հերոս պետք չէր, ինձ Դավիթս էր պետք, որ չոր աչքով ու ժպիտը դեմքիս ապրեի». 44-օրյա պատերազմ վերապրած Դավիթ Վարդանյանը զոհվել է խաղաղ պայմաններում՝ թշնամու կրակոցից. «Փաստ» «Իրավունք». Նոր տարի, Երեւանի նոր քաղաքապետ «Քաղաքական կարծիք արտահայտող, ընդդիմադիր կեցվածք ունեցող գործիչներն այսօր իրավապահ մարմինների թիվ մեկ թիրախն են»․ «Փաստ» Այսօր Բաքվում Ադրբեջանի, Թուրքիայի և Վրաստանի ՊՆ ղեկավարները կհանդիպեն