Գրիգոր Մինասյանը Պրոբացիայի ծառայության աշխատակազմին է ներկայացրել նորանշանակ ղեկավարին

Արդարադատության նախարար Գրիգոր Մինասյանն այսօր Պրոբացիայի ծառայության աշխատակազմին և մարզային մարմինների ղեկավարներին է ներկայացրել նորանշանակ ղեկավար՝ Արամ Նիկոյանին: Այդ մասին հայտնում են արդարադատության նախարարությունից:

Գրիգոր Մինասյանը շնորհակալություն է հայտնել Գևորգ Սիմոնյանին կատարված աշխատանքի՝ մասնավորապես տնային կալանք և վարչական հսկողություն խափանման միջոցների կիրառման գործընթացում ցուցաբերած ջանքերի համար: Նախարարը նշել է, որ քայլեր պետք է ձեռնարկվեն Պրոբացիայի ծառայության կարգավիճակի հստակեցման, տնային կալանք և վարչական հսկողություն խափանման միջոցների, ինչպես նաև Ծառայության շենքային պայմանների բարելավման ուղղությամբ:

Կարևորվել է Քրեակատարողական և Պրոբացիայի ծառայության նոր՝ 2023-2026թթ. Ռազմավարության ընդունումից հետո՝ նախանշված աշխատանքները պատշաճ և ժամանակին իրականացնելու տեսլականը:

Նախարարը կարևորել է միջազգային գործընկերների՝ Եվրոպական Միության, Եվրոպային Խորհրդի, ԱՄՆ դեսպանատան աջակցությամբ իրականացվող ծրագրերն ու դրանց շարունակականության ապահովումը:

Գրիգոր Մինասյանը հույս է հայտնել, որ Արամ Նիկոյանն իր ունեցած կառավարչական կարողությունները կներդնի՝ Պրոբացիայի ծառայության ծրագրերը կյանքի կոչելու համար: Արամ Նիկոյանը շնորհակալություն է հայտնել՝ վստահության համար և նշել, որ ջանքեր կգործադրի իր առջև դրված խնդիրները լուծելու համար:

Ծառայության նախկին ղեկավար Գևորգ Սիմոնյանը շնորհակալություն է հայտնել համատեղ աշխատանքի համար և նշել, որ Ծառայությունը մեծ կարողություն ունի առաջ շարժվելու և կատարելագործվելու համար:

Գրիգոր Մինասյանը մաղթել է արդյունավետ աշխատանք՝ ի նպաստ Հայաստանի Հանրապետության։ 

Այս թեմայով Քերոբյանը Հնդկաստանից, Իրանից, Վրաստանից փորձագետներին է ներկայացրել «Խաղաղության խաչմերուկ»-ը Վահագ Ռաշը երկրպագուներին է ներկայացրել «Գինու համբույրից» երգը Հայտնաբերվել է զինվորական ծառայության պարտականություններից հրաժարվելու մեղադրանքով հետախուզվողը Սկի դուք Արցախի անունը չեք տալիս, ՆԱՏՕ-ն ո՞նց պտի տա. Մինասյանը՝ Վարդանյանին 1 մլն 320 000 դրամ, 2450 դոլար և 120 հազար ռուբլի․ թալանել են Իջևանի բանկերից մեկի նախկին ղեկավարին Միրզոյանը Դանիայի ԱԳ նախարարին է ներկայացրել Գրանադայում ընդունված հայտարարության սկզբունքները «Հրապարակ». Ագրարային համալսարանը դատական հայցեր է ներկայացրել նախկին ուսանողների դեմ Կայացել է Միրզոյան-Լավրով հանդիպումը. ՀՀ ԱԳ նախարարը ներկայացրել է հայկական կողմի դիրքորոշումները ՌԴ քայլերի վերաբերյալ «Ժողովուրդ». Ջալալ Հարությունյանի գործով բոլոր կողմերը միջնորդություն են ներկայացրել դատարան Փրկարար ծառայության աշխատակցի մոտ կրիստալ են հայտնաբերել. կալանավորվել է. «Հրապարակ»