Ուր են և ինչու են լռում Հայաստանի խոշոր գործարարներն ու պաշտոնյաները. մաս 15. Արամայիս Գրիգորյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Այսօր կանդրադառնանք երկար տարիներ ԱԺ պատգամավորի, Արարատի մարզպետի, այնուհետև բնապահպանության նախարարի պաշտոնը զբաղեցրած Արամայիս Գրիգորյանին: Ահա թե ինչ պաթոսով էր վերջինս 2014 թվականին շնորհավորում Արցախի անկախության տոնը: Գրիգորյանը գրառում էր արել` նշելով, որ Լեռնային Ղարաբաղի Հանրապետության հռչակումն ահռելի նշանակություն ունեցավ հայ ժողովրդի նորագույն պատմության կերտման գործում: Մեր նվիրյալ հերոսների արյան գնով ձեռք բերված հաղթանակներն այսօր ամուր պահում եք դուք՝ շենացնելով պատմական Հայաստանի այս փոքրիկ հողակտորը: Ձեր շնորհիվ այսօր Լեռնային Ղարաբաղի Հանրապետությունը կայացած, զարգացող և ժողովրդավար պետություն է: Պատերազմի ոչ մի սպառնալիք ու հրադադարի ռեժիմի նենգաբար խախտում չի կարող սասանել արցախցու հաղթական ոգին, որով նա արդեն 23 տարի շարունակ կերտում է իր պետականության անսասան հիմքերն ու հարատև ուղին:

Վերջինս նաև հաճախակի հյուր էր Արցախում, հանդիպումներ էր ունենում Արցախի բարձրաստիճան պաշտոնյաների հետ: Նա էր առաջ տանում բնապահպանությոն ոլորտում հայկական երկու պետությունների համագործակցության անհրաժեշտության գաղափարը:

Մինչ այս պահը, սակայն, Գրիգորյանը անգամ քաղաքացիական դիրքորոշում չի հայտնել Արցախի շուրջ տեղի ունեցող ողբերգական իրադարձությունների վերաբերյալ: Նա նաև արցախցիներին օգնության ձեռք չի մեկնել, չնայած, ինչպես ասում են, այդ ձեռքը քարի տակ չէ: Մարզպետ աշխատելու տարիներին նրա եկամուտները կազմել են 114.605.621 ՀՀ դրամ: Դոլարային և ՌԴ ռուբլով հաշիվները կազմել էին 776.000 ԱՄՆ դոլար և 300.000 ռուբլի: Այսինքն` գրեթե դոլարային միլիոնատեր նախկին կարկառուն պաշտոնյան, ով տարիներ առաջ ձոներ էր նվիրում Արցախի ժողովրդին և կարևորում տասնամյակներ շարունակ ձգվող պայքարը, այսօր լռում է, երբ անգամ վտանգի տակ են՝ ժամանակին իր իսկ կողմից ղեկավարված Արարատի մարզի մի շարք տարածքներ: Գրիգորյանը ոչ խոսքով, ոչ էլ գործով չի աջակցում Արցախին և արցախցիներին:

Շարունակելի...

Այս թեմայով Մհեր Գրիգորյանն ընդունել է Համաշխարհային բանկի տարածաշրջանային տնօրենին Մհեր Գրիգորյանը ԵՄ փաստահավաք առաքելության անդամներին ներկայացրել է ԼՂ-ից բռնի տեղահանված անձանց կարիքները Փոխվարչապետ Մհեր Գրիգորյանը Մոսկվայում այցելել է ԵԱՏՄ երկրների ԺՏՆՑ տաղավարներ Արմեն Գրիգորյանը ԵՄ դեսպաններին է ներկայացրել «Խաղաղության խաչմերուկ» նախագիծը Գրիգորյանը և ԵԱՀԿ ԽՎ Ուկրաինայի պատվիրակության ղեկավարն անդրադարձել են տարածաշրջանային խնդիրներին Հայաստանը մեծապես կարևորում է Ղազախստանի հետ քաղաքական կապերի խորացումը․ փոխվարչապետ Պետք է նախ համագործակցության ձևը որոշել, հետո հանդիպումներ կլինեն. Մհեր Գրիգորյանը՝ սահմանազատման հարցով նիստերի մասին Իրանի հետ մենք քննարկում ենք տնտեսությունը որպես անվտանգությանը նպաստող գործիք. Արմեն Գրիգորյան Մհեր Գրիգորյանը մասնակցել է Լեհաստանի անկախության օրվան նվիրված ընդունելությանը Արմեն Գրիգորյանը մեկնում է Բրյուսել