Ադրբեջանը հրապարակել է «վերաինտեգրման ծրագիրը»

Ադրբեջանի նախագահի աշխատակազմը հրապարակել է Լեռնային Ղարաբաղի հայերի «վերաինտեգրման ծրագիրը»: Ըստ հաղորդագրության՝ ԼՂ հայության հետ կապերի համար պատասխանատու է նշանակվել Ռամին Մամեդովը, որն այդ ծրագիրը քննարկում է ԼՂ ներկայացուցիչների հետ, գրում է «Լուրեր»–ը:

Նշվում է, որ այսպես կոչված «վերաինտեգրումը» պետք է տեղի ունենա Ադրբեջանի տարածքային ամբողջականության և ինքնիշխանության շրջանակում՝ երկրի Սահմանադրության, օրենքների և միջազգային պարտավորությունների հիման վրա:

Բաքվի առաջարկած ծրագրի մեջ, մասնավորապես, նշված է. «Հայաբնակ շրջաններում կառավարումն իրականացվելու է Ադրբեջանի նախագահի հատուկ ներկայացուցիչների միջոցով: ՏԻՄ-երը ձևավորվելու են Ադրբեջանի օրենսդրության համաձայն անցկացվող ընտրությունների միջոցով:

Քաղաքացիության, ինչպես նաև գույքային հարցերը պետք է լուծվեն Ադրբեջանի Սահմանադրության և օրենսդրության համաձայն: Լիարժեք շրջանառության մեջ է մտնելու ադրբեջանական ազգային արժույթը:

Զինաթափման և զորացրման գործընթացը պետք է ավարտվի, և բնակիչներից առգրավվի ամբողջ զենքը: Տեղում հասարակական կարգը և անվտանգության ապահովումը պետք է իրականացնեն Ադրբեջանի ՆԳՆ ուժերը:

Բնակիչների համար երաշխավորվում է իրենց մշակույթը և էթնոմշակութային առանձնահատկությունները պահպանելու և զարգացնելու իրավունքը։ Ապահովվում են կրոնի ազատությունը և մշակութային և կրոնական հուշարձանների պահպանությունը։ Կստեղծվի հայերենի օգտագործման հնարավորություն»:

Ադրբեջանի նախագահի աշխատակազմից հայտնել են, թե ԼՂ հայության ներկայացուցիչների հետ շփումները կշարունակվեն՝ վերաինտեգրման գործնական կյանքի կոչման համար:

Ադրբեջանի կողմից օրեր առաջ նախաձեռնած հերթական լայնածավալ ագրեսիայի հետևանքով Լեռնային Ղարաբաղը գրեթե ամբողջությամբ հայաթափվել է. Հայաստան է բռնի տեղահանվել ավելի քան 100500 մարդ:

Այս թեմայով Բաքվում հայտարարել են, որ գոհ չեն հայ-ադրբեջանական սահմանազատման հանձնաժողովի նիստից Եվրախորհրդարանի հանձնաժողովն Ադրբեջանի դեմ պատժամիջոցներ կիրառելու կոչ է արել Ադրբեջանի զինված ուժերը զորավարժություններ են անցկացրել Նախիջևանում Փաշինյանի թիմակիցներն անցել են «Արևմտյան Ադրբեջան»-ի մատուցմանը՝ կաթեցնում են, թե ադրբեջանցիները մի օր պետք է գան. Հայրապետյան Ադրբեջանում աշակերտներին սովորեցնում են ժխտել Հայոց ցեղասպանության փաստը Ադրբեջանում ԱՄՆ–ին մեղադրել են երկրում գործակալական ցանց ստեղծելու փորձի մեջ Փաշինյանն ու Բլինքենը քննարկել են ՀՀ-Ադրբեջան հարաբերությունների կարգավորման հարցը․ մանրամասներ Ադրբեջանի և Թուրքիայի ՊՆ ղեկավարները քննարկել են ռազմաքաղաքական գործընթացները տարածաշրջանում Եվլախի բազայում Ադրբեջանն այժմ ունի առնվազն 41 ինքնաթիռ. Aerospace Intelligence Հասանովն անընդունելի է համարել «տարածաշրջանում իրավիճակը սրելու արտատարածաշրջանային երկրների փորձերը»