Փոխարտգործնախարարը Օմանի իր գործընկերոջն է ներկայացրել Արցախից բռնի տեղահանման հետևանքները

Հոկտեմբերի 2-ին Մասկատում տեղի են ունեցել քաղաքական խորհրդակցություններ Հայաստանի Հանրապետության և Օմանի Սուլթանության արտաքին գործերի նախարարությունների միջև՝ ՀՀ ԱԳ նախարարի տեղակալ Վահան Կոստանյանի և Օմանի ԱԳ նախարարի քաղաքական հարցերով տեղակալ Շեյխ Խալիֆա Ալ-Հարիսի գլխավորությամբ:

Քաղաքական խորհրդակցությունների ընթացքում կողմերը մտքեր են փոխանակել երկկողմ և բազմակողմ հարթակներում համագործակցության շուրջ, կարևորել երկու երկրների միջև տնտեսական համագործակցության խթանումը: Երկուստեք ընդգծվել է վերականգնվող էներգիայի, տեղեկատվական տեխնոլոգիաների, արհեստական բանականության, առողջապահության ոլորտներում, ինչպես նաև գյուղատնտեսության և զբոսաշրջության բնագավառներում համագործակցության կարևորությունը: 

Խորհրդակցությունների ընթացքում անդրադարձ է կատարվել նաև Հարավային Կովկասում և Մերձավոր Արևելքում տարածաշրջանային և անվտանգային խնդիրներին:

ԱԳ նախարարի տեղակալ Վահան Կոստանյանը Օմանի իր գործընկերոջն է ներկայացրել ադրբեջանական հարձակման արդյունքում Լեռնային Ղարաբաղի ժողովրդի զանգվածային բռնի տեղահանման հետևանքով ստեղծված հումանիտար ճգնաժամային իրավիճակը։

Այցի ընթացքում ԱԳ նախարարի տեղակալը հանդիպում է ունեցել նաև Օմանի առևտրի, արդյունաբերության և ներդրումների առաջմղման նախարարի տեղակալ Իբթիսամ Ահմեդ Սաիդ ալ-Ֆարուջիի հետ: Հայկական պատվիրակությունը ճանաչողական այց է կատարել «Ինվեսթ Օման» ցուցասրահ:

Այս թեմայով Ես այն մարդկանցից եմ, որ իր կյանքը ռիսկի տակ է դրել և պատրաստ եմ նորից դա անել. Վահան Քերոբյան ՈՒՂԻՂ․ Վահան Քերոբյանի և Նասիմ Թալեբի համատեղ մամուլի ասուլիսը Քերոբյանը մեկնել է Իտալիա՝ զբոսաշրջության ֆորումին մասնակցելու ՔՊ-ական պաշտոնյաների աշխատանքի ՕԳԳ-ն. Վահան Քերոբյան «Պրոֆեսոր-ծաղրասերները» ճիշտ էին, Քերոբյանը՝ սխալ 1 զբոսաշրջիկը ՀՀ-ում մոտ 1200 դոլար է ծախսում, որից բյուջե է մտնում 44 000 դրամը. Վահան Քերոբյան Վահան Քերոբյանը և «MASH Corporation» ընկերության գլխավոր տնօրենը պայմանագիր են կքնել Տիգրան Ավինյանը ANIF-ի խորհրդից դուրս գալու դիմումը ներկայացրել է սեպտեմբերի 22-ին. Հայկ Կոստանյան Վահան Քերոբյանը Ճապոնիայի դեսպանին ներկայացրել է Հայաստանում «չոր նավահանգստի» կառուցման նախագիծը Նախագահ Վահագն Խաչատուրյանն ընդունել է Էկոնոմիկայի նախարար Վահան Քերոբյանին