Քրեական վարույթի շրջանակներում պարզվում են Երևան-Գյումրի ավտոճանապարհին տեղի ունեցած՝ երեք մարդու կյանք խլած ավտովթարի հանգամանքները

2023թ. հոկտեմբերի 3-ին ՀՀ ՆԳՆ ոստիկանության Շիրակի մարզային վարչության Արթիկի բաժնից ստացվել է հաղորդում՝ կից փաստաթղթերով, այն մասին, որ նույն օրը՝ ժամը 18:00-ի սահմաններում, Երևան-Գյումրի ավտոճանապարհին բախվել են երկու տրանսպորտային միջոցներ և կան տուժածներ: Այս մասին տեղեկացանք ՀՀ քննչական կոմիտեից։

Դեպքի առթիվ ՀՀ քննչական կոմիտեի Շիրակի մարզային քննչական վարչության Արթիկի և Անիի քննչական բաժնում ՀՀ քրեական օրենսգրքի 342-րդ հոդվածի 3-րդ մասով նախաձեռնվել է քրեական վարույթ:

Կատարված նախաքննությամբ տվյալներ են ստացվել այն մասին, որ 2023թ.  հոկտեմբերի 3-ին՝ ժամը 18։00-ի սահմաններում, Երևան-Գյումրի ավտոճանապարհի 103-րդ կիլոմետր հատվածում միմյանց են բախվել Երևան քաղաքի 56-ամյա բնակչի կողմից վարած «Nissan» մակնիշի ավտոմեքենան և Գյումրի քաղաքի 54-ամյա բնակչի կողմից վարած «Mitsubishi» մակնիշի ավտոմեքենան։ Ավտովթարի հետևանքով երկու ավտոմեքենաների վարորդները, ինչպես նաև «Mitsubishi» մակնիշի ավտոմեքենայի 37-ամյա ուղևորուհին տեղում մահացել են։ Ավտոմեքենաների 8 ուղևորներ, այդ թվում՝ երկու երեխաներ, տարբեր աստիճանի մարմնական վնասվածքներով, տեղափոխվել են Գյումրի բժշկական կենտրոն և Գյումրու մոր և մանկան ավստրիական հիվանդանոց։

Քրեական վարույթով կատարվել է ճանապարհատրանսպորտային պատահարի դեպքի վայրի զննություն, վնասվածքներ ստացած բոլոր անձինք ճանաչվել են տուժող։ Ըստ բուժհաստատությունից ստացված տեղեկանքի՝ վերջիններիս հետ դեռևս հնարավոր չէ իրականացնել քննչական գործողություններ։

Նշանակվել են դատաբժշկական փորձաքննություններ։ Ոստիկանությանը տրվել է օպերատիվ միջոցառումներ ձեռնարկելու հանձնարարություն։

Քրեական վարույթով նախաքննությունը շարունակվում է, ձեռնարկվում են անհրաժեշտ միջոցառումներ ավտովթարի պատճառները, հանգամանքները լիարժեք պարզելու ուղղությամբ։ 

Այս թեմայով Վանաձորում սպանվել է քրեական պատմություններով հայտնի անձ, ում կնոջ վրա ամիսներ առաջ կրակել էին Տեղի է ունեցել ՀՀ վարչապետի և Կորեայի Հանրապետության նախագահի հեռախոսազրույցը Արայիկ Հարությունյանի և Ռևազ Ջավելիձեի բարձր հովանու ներքո Թբիլիսիում տեղի է ունեցել Արամ Խաչատրյանի 120-ամյակին նվիրված համերգ Թմրամիջոցների ապօրինի իրացմամբ և փողերի լվացմամբ զբաղված անձանց նկատմամբ քրեական հետապնդում է հարուցվել  «Երևան սիթի»-ի աշխատակիցը մտել է ԴԱՀԿ և հայտնել, որ եթե հարցին լուծում չտան, կհրկիզի իրեն ԱԺ հանձնաժողովը դրական եզրակացություն է տվել Հաշվեքննիչ պալատի անդամի թափուր տեղի համար Հակոբ Միհրանյանի թեկնածությանը «Օրենքով գողը» վիճաբանել է նույն կարգավիճակ ունեցող մեկ այլ անձի հետ. նախաձեռնվել է քրեական վարույթ Միջազգային քրեական դատարանում քննարկել են Հայաստանի համար կարողությունների զարգացման հնարավոր ծրագրերը Զելենսկին նշել է՝ ինչ երեք հաղթանակ է անհրաժեշտ Ուկրաինային Երևանում երիտասարդը մորից գումար է պահանջել, մերժումից հետո հարձակվել է մոր վրա, խլել պայուսակն ու հափշտակել մեծ գումար