Ավանեսյանը BBC-ին ներկայացրել է Արցախից բռնի տեղահանված անձանց առողջապահական կարիքները

Հայաստանի առողջապահության նախարար Անահիտ Ավանեսյանը հարցազրույց է տվել BBC-ի լրատվական ծառայությանը և ներկայացրել Լեռնային Ղարաբաղից բռնի տեղահանման հետևանքով 100 հազարից ավելի մարդկանց առողջապահական կարիքները:

«Տասը ամիս շարունակ գտնվելով շրջափակման  մեջ՝ բնակչությունը չի ունեցել կենսականորեն անհրաժեշտ բժշկական ծառայությունների և դեղերի հասանելիություն: Նրանցից շատերն ունեն  թերսնուցում և բազմաթիվ քրոնիկ հիվանդություններ»,- «Արմենպրես»-ի փոխանցմամբ՝ ասել է նա:

Նախարարը նշել է, որ Հայաստանի կառավարության կողմից արվում է ամեն բան` ապահովելու մարդկանց առաջնային բուժօգնությամբ, կացարանով, սննդով: Հիվանդանոցներն ու առողջության պահպանման առաջնային օղակը նույնպես պատրաստ են` հասցեագրելու նրանց հիմնական առողջապահական կարիքները:

«Այս պահին հիվանդանոցներն աշխատում են գերծանրաբեռնված` բուժելով Ստեփանակերտում բենզինի պահեստի պայթյունից տուժած 200-ից ավելի ծանր վնասվածքներով անձանց, ինչպես նաև ռազմական ագրեսիայի հետևանքով վիրավորներին, այդ թվում` բազմաթիվ քաղաքացիական անձանց` երեխաներ, կանայք: Շրջափակման, բռնի տեղահանման 50 ժամից ավելի ճանապարհին գտնվելու հետևանքով մարդկանց քրոնիկ հիվանդությունները նույնպես սրվել են: Սակայն բուժաշխատողները, շտապօգնության մեքենաները, սանավիացիան, բոլոր ուժերը կենտրոնացրել ենք կրիտիկական վիճակից դուրս գալու համար»,- ընդգծել է Ավանեսյանը:

Այս թեմայով Երևանի կենդանաբանական այգին ներկայացրել է ամուրյան վագր Շակային (լուսանկարներ) ՓԾ տնօրենը ներկայացրել է Շիրակի ՄՓՎ նոր պետին Դեսպան Ղևոնդյանը Ղրղզստանի ԱԳՆ ղեկավարին է ներկայացրել «Խաղաղության խաչմերուկ» նախագիծը ԱԳՆ խոսնակը ներկայացրել է ՅՈՒՆԵՍԿՕ-ի մշակութային ժառանգության ցանկում ներառված հայկական արժեքները ԼՂ-ից բռնի տեղահանված 109 հազար անձի վճարվել են 100 հազար դրամները Քերոբյանը Հնդկաստանից, Իրանից, Վրաստանից փորձագետներին է ներկայացրել «Խաղաղության խաչմերուկ»-ը Վահագ Ռաշը երկրպագուներին է ներկայացրել «Գինու համբույրից» երգը ՄԻՊ-ը մեկնարկել է հաշմանդամություն ունեցող անձանց մասին հաջողության պատմությունների իրազեկման արշավ ԼՂ-ից բռնի տեղահանված բազմանդամ ընտանիքը Աշտարակում բիզնես է հիմնել (տեսանյութ) ՀՀԿ-ականները հանդիպել են Արցախից բռնի տեղահանվածների հետ