ՊՆ համակարգի զինծառայողների հիփոթեքային վարկավորման ծրագրից օգտվելու ժամկետը երկարաձգվում է մինչև 2024 թ. մարտի 31-ը ներառյալ. «Փաստ»

«Փաստ» օրաթերթը գրում է.

Պաշտպանության նախարարությունն առաջարկում է փոփոխություն կատարել կառավարության 2019 թ. օգոստոսի 22-ի N 1091-Ն որոշման մեջ: Նախագծի ընդունումը պայմանավորված է պաշտպանության նախարարության համակարգի զինծառայողների հիփոթեքային վարկավորման ծրագրի շրջանակներում 2023 թ.-ի համար ծրագրին մասնակցելու իրավունք ստացած զինծառայողների կողմից այդ իրավունքը իրացնելու հնարավորություն ստեղծելու անհրաժեշտությամբ:

«Զինվորական ծառայության և զինծառայողի կարգավիճակի մասին» օրենքի 65-րդ հոդվածի 2-րդ մասի համաձայն՝ կառավարության 2019 թ.-ի օգոստոսի 22-ի N 1091-Ն որոշմամբ 2020 թ.-ից իրականացվում է ՊՆ համակարգի սպայական և ավագ ենթասպայական կազմերի պայմանագրային զինծառայողների կողմից բնակարան կամ բնակելի տուն ձեռք բերելու կամ բնակելի տուն կառուցելու նպատակով մատչելի և արտոնյալ պայմաններով երկարաժամկետ հիփոթեքային վարկավորման ծրագիր՝ տարեկան 500 զինծառայողի հաշվարկով:

Կառավարության 2023 թ.-ի մայիսի 18-ի N 786-Ն որոշմամբ 2023 թ.-ի դիմում-հայտ ներկայացրած, սակայն վիճակահանության արդյունքներով ծրագրում չընդգրկված ՊՆ համակարգի զինծառայողները նույնպես ընդգրկվել են 2023 թ.-ի հիփոթեքային վարկավորման ծրագրում: 2023 թ.-ի ընթացքում վիճակահանության իրականացումից հետո Հայաստանի սահմանների շուրջ ստեղծված իրավիճակով ու դրանից ելնելով այլ գործընթացներով պայմանավորված, ինչպես նաև կառավարության 2023 թ.-ի մայիսի 18-ի N 786-Ն որոշմամբ ծրագրում կատարված փոփոխությունները հանգեցրել են ծրագրի՝ 2-3 ամսով ընթացքի դանդաղեցման, որի արդյունքում ՊՆ համակարգի զինծառայողների մեծ մասը չի կարողացել իրացնել իրենց ընձեռված բնակելի անշարժ գույք գնելու իրավունքը:

Արդյունքում 2023 թ.-ի համար հատկացված 953 տեղեկանքների հիման վրա բնակարան կամ բնակելի տուն ձեռք բերելու պայմանագրեր են կնքել ընդամենը 510 շահառու, ևս 28 շահառուի հատկացված է կանխավճար, իսկ 415 շահառու չի կարողացել իրացնել իր իրավունքը: Այդ նպատակով անհրաժեշտություն է առաջացել երկարաձգել 2023 թ.-ի համար տրված տեղեկանքների գործողության ժամկետը: Որոշման նախագծի համաձայն 2023 թ.-ի համար նախատեսված հիփոթեքային վարկավորման ծրագրից օգտվելու ժամկետը երկարաձգվում է մինչև 2024 թ.-ի մարտի 31-ը ներառյալ:

Related Articles Eurovision 2024: How to vote for Armenia tonight? EBRD holds its 2024 Annual Meeting and Business Forum in Armenia Dr. Denis Mukwege, Congolese gynecological surgeon and human rights activist, awarded the 2024 Aurora Prize 2024 AIM Congress in Abu Dhabi Highlights Innovation, Entrepreneurship, and Financial Technology Armed Forces of Azerbaijan are participating in EFES-2024 multinational military exercise being held in Turkey Navigating the Future: Insights from AIM Congress 2024 with Dawood Al Shezawi AIM Startup Workshop to Prepare Participants for 2024 AIM Congress in Abu Dhabi Greek torch relay for Paris 2024 kicks off Freedom House’s Nations in Transit 2024 report evaluates state of democracy in region stretching from Central Europe to Central Asia Ruben Vardanyan nominated for 2024 Nobel Peace Prize