Ինչ հարվածներ են սպասվում «հպարտ քաղաքացիների» գրպանին 2024-ին

Որքան էլ որ իշխանությունները հայտարարում են, թե քաղաքացին իրենց համար տուգանքի մատերիալ չէ, վճարները, որոնք ավելացել են և որոնք լրջորեն հարվածելու են քաղաքացու գրպանին 2024-ին, վկայում են հակառակի մասին:

Եվ այսպես, 2024 թվականին կշարունակեն աճել անշարժ գույքի հարկի դրույքաչափերը՝ ըստ Հարկային օրենսգրքում ընդունված ժամանակացույցի։ 2020 թվականի հուլիսի 25-ին էր Ազգային ժողովը երկրորդ ընթերցմամբ և ամբողջությամբ ընդունեց «ՀՀ հարկային օրենսգրքում» փոփոխություններ և լրացումներ կատարելու մասին օրենքի նախագիծը, ըստ որի 2021 թվականի հունվարի 1-ից սկսած մինչև 2026 թվականը գույքահարկը գնալով թանկանում է։ Անշարժ գույքի սեփականատերերը 2021 թվականին վճարել են իրենց գույքահարկի 25%-ը, 2022 թվականին՝ 30%-ը, 2023 թվականին՝ 35%-ը, 2024 թվականին կվճարեն 50%-ը, 2025 թվականին՝ 75%-ը, իսկ 2026 թվականից կանցնեն ամբողջական վճարման՝ 100%-ին:

2024-ից սկսած քաղաքացիները բախվելու են եկամուտների համընդհանուր հայտարարագրի պահանջներին: 2023 թվականի հաշվետու տարվա համար մինչև 2024 թվականի մայիսի 1-ը ներառյալ, եկամտային հարկի տարեկան հաշվարկ-հայտարարագրեր հարկային մարմին պետք է ներկայացնեն Հայաստանի Հանրապետության ռեզիդենտ հանդիսացող Հայաստանի Հանրապետության հետևյալ քաղաքացիները (բացառությամբ դեկտեմբերի 31-ի դրությամբ անչափահաս համարվող անձանց)՝

2024 թվականից բժշկական ապահովագրություն կներդրվի հաշմանդամություն ունեցող քաղաքացիների, անապահով ընտանիքների (նպաստառուների), սոցփաթեթից օգտվող պետական ծառայողների (պետական պաշտոնյաներ, ինչպես նաև ոստիկաններ, զինվորականներ, ուսուցիչներ), ինչպես նաև անչափահասների (մինչև 18 տարեկան) համար։ 

Թանկանալու է ծխախոտի և օղու ակցիզը, հետևաբար՝ նաև նշված ապրանքատեսակները: Նախորդ տարի ակցիզային հարկի դրույքաչափերը ծխախոտի համար տարեկան բարձրացվել են 15 տոկոսով, այժմ այն նախատեսվում է բարձրացնել երեք տարիների համար  10 տոկոսով։ Կաճի նաև օղու ակցիզը՝ մոտ 11 տոկոսով, մեկ լիտրի համար մինչև 3 800 դրամ։ 

Կթանկանան տաքսիները, քանի որ ավելացվելու են տաքսիների տուրքերը: Այս տարվա տարվա սեպտեմբերից վարորդները քաղաքացիներից կանխիկ գումար ստանալիս ուղևորության արժեքի 2 տոկոսը պետությանը կփոխանցեն, քարտով ստանալիս՝ 1,5 կեսը։ Օրինակ, եթե ուղեվարձը 1000 դրամ կազմի, պետտուրքի չափը կլինի 20 կամ 15 դրամ՝ կախված վճարման եղանակից։ 2025-ից տոկոսները կավելանան՝ նույն հազար դրամ արժեքով ուղևորության դեպքում 35 և 25 դրամ։ Դրանից մեկ տարի անց էլ հարկման տոկոսները վերջնական մակարդակին կհասնեն ՝ 50 դրամ կանխիկի, 40՝ անկանխիկի դեպքում։

2024 թվականի հունվարի 1-ից ՀՀ քաղաքացիները չեն կարողանա առանց մաքսազերծման երթևեկել վրացական համարանիշներով մեքենաներով։Հիմա նման մեքենա ներմուծելիս ՀՀ քաղաքացիները պետք է մաքսատանը մաքսատուրքին հավասար դեպոզիտային վճար թողնեն (եթե մեքենան ժամանակավոր եք ներկրում, Հայաստանից մեկնելիս գումարը հետ եք ստանում, եթե մեքենան մնում է՝ չեք ստանում)։ Ընդ որում, դեկտեմբերի 5-30-ը կառավարությունը մասնակի վճարում է նման ավտոմեքենաների մաքսազերծումը մինչև 70 տոկոսի չափով (ավելի քան 5 տարվա մեքենաների համար)։

Երևանի ավագանու իշխանական հատվածը տրանսպորտի թանկացման նախագիծ է մշակել։ Համաձայն դրա՝ տրանսպորտի համար ներրդվելու է միասնական տոմսային համակարգ, և դրա շրջանակներում տրանսպորտի ուղեվարձը կարող է թանկանալ՝ հասնելով ընդհուպ 260 դրամի։

Երևան քաղաքի ավագանին ընդունել է «Երևան համայնքում տեղական վճարների 2024 թվականի դրույքաչափերը սահմանելու մասին» Երևան քաղաքի ավագանու որոշման նախագիծը, որով առաջարկվում էր 2024 թվականի հունվարի 1-ից մայրաքաղաքի կենտրոնում (Երևան քաղաքի «Ա» գոտում) ավտոկայանատեղիում (կարմիր գծեր) կայանելու համար վճարը սահմանել տարեկան 160000 դրամ, իսկ կենտրոնից դուրս՝ (Երևան քաղաքի «Բ» գոտի) 24000 դրամ։

Ֆինանսների նախարարությունը շրջանառության մեջ է դրել օրենքի նախագիծ, որով ավելի քան 5 անգամ ծանրացվում է փաստաբանների հարկային բեռը: Փաստաբանները նշում են, որ սա առաջին հերթին հարված է քաղաքացու գրպանին` իրավաբանական օգնությունը քաղաքացիների համար դառնալու է թանկ հաճույք։ 

Related Articles Eurovision 2024: How to vote for Armenia tonight? EBRD holds its 2024 Annual Meeting and Business Forum in Armenia Dr. Denis Mukwege, Congolese gynecological surgeon and human rights activist, awarded the 2024 Aurora Prize 2024 AIM Congress in Abu Dhabi Highlights Innovation, Entrepreneurship, and Financial Technology Armed Forces of Azerbaijan are participating in EFES-2024 multinational military exercise being held in Turkey Navigating the Future: Insights from AIM Congress 2024 with Dawood Al Shezawi AIM Startup Workshop to Prepare Participants for 2024 AIM Congress in Abu Dhabi Greek torch relay for Paris 2024 kicks off Freedom House’s Nations in Transit 2024 report evaluates state of democracy in region stretching from Central Europe to Central Asia Ruben Vardanyan nominated for 2024 Nobel Peace Prize