Շատ կարևոր է, թե դուք ինչպես եք ապրում, կարևոր է, թե դուք ինչպես եք զինված․ նախագահը՝ զինվորներին

Արմավիրի մարզ կատարած այցի շրջանակում Հանրապետության նախագահ Վահագն Խաչատուրյանն այցելել է Արմավիր քաղաքում տեղակայված ՊՆ զորամասերից մեկը: Այս մասին հայտնում են ՀՀ նախագահի աշխատակազմից։

Ողջունելով ներկաններին Հանրապետության նախագահը մասնավորապես ասել է. «Հայաստանի Հանրապետության ինքնիշխանության, Հայաստանի Հանրապետության անվտանգության ապահովման, պաշտպանունակության ամրապնդման գործում մենք պարտավոր ենք ամեն ինչ անել, որպեսզի Հայաստանի բանակում ծառայողներն իրենց ուժեղ զգան, իրենց վստահ զգան և համոզված լինեն, որ երկրի իշխանության ներկայացուցիչները մի միտք, մի ծրագիր ունեն՝ ունենալ ամուր բանակ: Միայն հզոր բանակով մենք կարող ենք մեր ինքնիշխանությունն ապահովել: Մենք դառը փորձեր ունենք և այդ ամեն ինչից համապատասխան եզրակացություններ ենք արել:

Շատ կարևոր է, թե դուք ինչպես եք ապրում, շատ կարևոր է, թե դուք ինչպես եք զինված: Մենք հիմա նաև մեծ բարեփոխումներ ենք իրականացնում բանակում: Դուք եք նաև այդ բարեփոխումների իրականացնողները: Մենք իսկապես պետք է կարողանանք ամեն ինչով արագ բարեփոխվենք, այդ թվում՝ մեր մտածողությամբ, մեր մարտունակությամբ, մեր պատրաստակամությամբ: Մենք պետք է արագ բարեփոխվենք, որովհետև այսօրվա ժամանակակից բանակը լրիվ այլ բովանդակություն ունի, որին մենք պետք է պատրաստ լինենք:

Ցանկանում եմ շնորհակալություն հայտնել բոլորիդ՝ և՛ սպաներից, և՛ զինվորներից, այն աշխատանքի համար, որ դուք կատարում եք, այն ծառայության համար, որ դուք իրականացնում եք: Վստահ եղեք, որ Հայաստանի Հանրապետության այսօրվա իշխանությունն ամեն ինչ անում է, որպեսզի մենք իսկապես ունենանք պատրաստ, մարտունակ բանակ, որը լիարժեքորեն կկատարի իր պարտականությունը և կապահովի Հայաստանի Հանրապետության անվտանգությունը:

Շնորհակալություն եմ հայտնում մեկ անգամ ևս, մաղթում՝ հաջողություններ և ամենամեծ ցանկությունն, իհարկե՝ խաղաղություն»:

Նախագահը նաև խրախուսական նվերներ է հանձնել բարձր մարտական պատրաստականությամբ աչքի ընկած զինծառայողներին:

Այցի ընթացքում Հանրապետության նախագահը շրջել է զորամասում, ծանոթացել զինծառայողների սննդին, կեցության, ժամանցի և ուսումնական գործընթացի իրականացման պայմաններին:

Այս թեմայով Դուք ո՞վ եք, իրավունք ունե՞ք վիրավորել ինչ-որ մեկին․ Գեղամ Նազարյանը՝ Ալեքսանյանին (տեսանյութ) Ինչպես անհատ տաքսիների վարորդները պետք է գրանցվեն և օգտվեն My TAX բջջային հավելվածից. ՊԵԿ-ը տեսանյութ է հրապարակել Կարևոր․ երկու ամսով կփակվի ճանապարհներից մեկի երթևեկությունը Եթե Աշոտյանն արդարացվի, ինչպես են փոխհատուցվելու կորսված անազատության բյուր օրերը. Մելոյան Վրաստանի նախագահը հայտարարել է երկրորդ ժամկետի համար առաջադրվելու իր մտադրության մասին «Ոնց եմ ձեզնից զզվում», պարոն Ավինյան, դուք թքում եք քաղաքացիների դեմքին․ Երիցյան (տեսանյութ) Մեղավորներն այլ երկրները չեն կամ գյուղացին, առաջնային մեղավորը դուք եք. Թադևոս Ավետիսյանը՝ Փոխնախարարին ԱԱԾ տնօրենը կորոշի՝ ում ինչպես պատժել գաղտնի տեղեկության տիրապետման կարգը խախտելու համար (տեսանյութ) Ինձ ստիպեցիք գեղեցիկ զգալ բեմում․ Brunette-ի նոր ֆոտոշարքը Ալեն Սիմոնյանը «նախկինների» դղյակներն է հիշել. իսկ որտե՞ղ է ապրում նա, ո՞ւմ է «պատկանում» Ջրվեժի հայտնի առանձնատունը. «Ժողովուրդ»