Լոնդոնում մեկնարկել է Եվրոպական քաղաքական համայնքի չորրորդ գագաթնաժողովը, մասնակցում են նաև Փաշինյանն ու Ալիևը

Լոնդոնում մեկնարկել է Եվրոպական քաղաքական համայնքի չորրորդ գագաթնաժողովը, որին մասնակցում են նաև Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը։

Օքսֆորդշիրում գտնվող Բլենհեյմ պալատ ժամանելիս, լրագրողների հարցին, թե ինչպե՞ս են ընթանում խաղաղության համաձայնագրի շուրջ բանակցությունները, Հայաստանի վարչապետը չի պատասխանել, Ադրբեջանի նախագահն էլ բութ մատն է վերև պարզել։

Բլենհեյմ պալատում է նաև Եվրոպայի խորհրդի նախագահ Շառլ Միշելը, ում նախաձեռնությամբ էլ նախորդ գագաթնաժողովների շրջանակներում երկու անգամ հանդիպել են Փաշինյանն ու Ալիևը։

Ո՛չ պաշտոնական Երևանը, ո՛չ պաշտոնական Ադրբեջանը դեռ չեն հաստատել տեղեկությունը։

Եվրոպական քաղաքական համայնքի գագաթնաժողովը ստեղծել է Եվրոպական խորհուրդը 2022-ին՝ Ուկրաինայի դեմ ռուսական ռազմական ագրեսիայից հետո։

Խորհուրդն արդեն երեք հանդիպում է անցկացրել։ Այդ գագաթնաժողովի շրջանակներում երկու անգամ տեղի է ունեցել Փաշինյան-Ալիև հանդիպում։ Առաջինը 2022-ին Պրահայում էր, երբ կողմերը հայտարարեցին, որ ճանաչում են միմյանց տարածքային ամբողջականությունը՝ 1991 թվականի Ալմա-Աթայի հռչակագրի շրջանակներում։ Երկրորդը՝ 2023 -ի հունիսին, երբ Փաշինյանն ու Ալիևը հանդիպեցին Քիշնևում։ Իսկ անցած տարի հոկտեմբերին Գրանադայի հանդիպումը Ալիևը բոյկոտեց։ Այդ օրը կայացավ քառակողմ հանդիպում Փաշինյանի, Ֆրանսիայի նախագահ Էմանյուել Մակրոնի, Գերմանիայի կանցլեր Օլաֆ Շոլցի և Եվրոպական խորհրդի նախագահ Շառլ Միշելի մասնակցությամբ:

Այս թեմայով Եվրոպական ավտոմոբիլային արդյունաբերությանը 15 միլիարդ եվրոյի տուգանք է սպառնում. Renault-ի ղեկավար Գրիգոր Երիցյան. Սա Ավինյանի՝ քաղաքական հաշվեհարդարի հերթական փորձն է Կործանիչ «մակարդակ». պատատակի բամբասանքը՝ քաղաքական կատեգորիա. «Փաստ» Երիտասարդական ԱԱ. Հայաստանի հունահռոմեական ոճի ըմբշամարտի հավաքականը զբաղեցրել է չորրորդ տեղը Որքա՞ն արժե գագաթնաժողովը. «Ժողովուրդ» Ադրբեջանի ՊՆ-ի հայտարարությունների մասին պետք է լինի քաղաքական գնահատական՝ ՀՀ ԱԳՆ-ի կողմից․ ադրբեջանագետ Ալիևը Իտալիայի նախագահի հետ հանդիպմանը կրկին շեշտել է ՀՀ սահմանադրության փոփոխության մասին Քննարկվել են ՀՀ-ի դեմ Մարդու իրավունքների եվրոպական դատարանի վճիռների կատարմանը վերաբերող հարցեր Արցախի հարցը փակված են համարում մե՛կ Ալիևը, մե՛կ էլ Նիկոլ Փաշինյանն ու ՔՊ-ն. «Փաստ» ԱԽ քարտուղարը մասնակցում է «Ուկրաինայի խաղաղության բանաձև»-ի համաժողովին