Երուսաղեմի հայկական թաղամասերը հրեա ծայրահեղականների՝ սրբավայր գնալու ճանապարհին են ու թիրախում

Երուսաղեմի հայոց թաղամասերը դեպի հրեական սրբավայրեր տանող ճանապարհի վրա են, այդ է պատճառը, որ հայերն առաջինն են զգում ծայրահեղականների ակտիվացման հետեւանքները՝ հարձակումներ, խուլիգանական արարքներ», - «Փաստինֆո»-ին ասել է Երուսաղեմում ՀՅԴ Հայ դատի հանձնախմբի անդամ Վիգեն Դեմիրճյանը։

Ծայրահեղականներն ավելի ագրեսիվ են դարձել, երբ Իրայելում երեք տարի առաջ տեղի ունեցած ընտրություններից հետո Նաթանյահուն կոալիցիա կազմեց։

«Երեք տարի առաջ Բենյամին Նաթանյահուի հետ կոալիցիա չցանկացան կազմել ո՛չ ձախակողմյան կուսակցությունները և ո՛չ էլ կենտրոնամետները եւ նա ծայրահեղ աջակողմյանների հետ կազմեց կոալիցիա, որից հետո ամեն ինչ փոխվեց ու սկսվեց անհանդուրժողականությունն ու ատելության դրսևորումները։ Իրենք ամբողջ Երուսաղեմն իրենցն են համարում, չեն հանդուրժում այլոց՝ լինի դա հայ, հույն, արաբ, այլ կրոնի պատկանող»,- նշել է Վ.Դեմիրճյանը։

Նրա փոխանցմամբ՝ հրեական ազգային տոներին 100 -ներով ու 1000- ներով անցնում են ու իրենց ճանապարհին ոչ հրեական ամեն ինչի թշնամաբար են վերաբերվում, իսկ հայկական թաղամասերը հենց այդ ճանապարհին են ու հայտնվում ատելության թիրախում։ «Անցնելիս թքում են, գոռգոռում, ձեռքներին արդեն զենք կա և կարող է վտանգավոր լինել», - ասել է Դեմիրճյանը։

Օրերս հայկական մի սրճարանի վրա եւս հարձակվել էին միայն այն բանի համար, որ ամրացված է եղել եռագույնը. հարձակում են կազմակերպել եւ, նռնակով պայթեցնելու սպառնալիքով, այցելուներին դուրս հանել։ Ըստ մեր զրուցակցի՝ նպատակը այցելուներին ու սեփականատիրոջը վախեցնելն է եղել։

Հայ համայնքից սեփականատիրոջն առաջարկել են օգնության մի քանի տարբերակներ քննարկել, սակայն նա հրաժարվել է, որոշել դեռ հանդուրժել՝ ասելով, որ զինվորակններին ասված է, իսկ զինվորական զորամասը մի քանի մետր հեռավորության վրա է գտնվում տվյալ սրճարանից։ «Սեփականատերը պարզապես նկատի ունի, որ ծայրահեղականները նման գործողությունների անչափահասեր են ուղարկում, որոնց նկատմամբ քրեական հետապնդում չկա, նրանց բերման են ենթարկում, ապա՝ 1-2 ժամ անց ազատ արձակում։ Պատժի այդ ձևն անիմաստ ու անօգուտ կլինի», - ասել է Դեմիրճյանը՝ ավելացնելով, որ որոշ դրական ընթացք ունեն հայկական թաղամասերին կից տարածքի անվտանգությունն ապահովելու մասով։ Երուսաղեմի պատրիարքը իր ստորագրությունն անվավեր ճանաչելու հարցով դատարան է դիմել, որով ուզում են չեղյալ համարել «Կովերի պարտեզի գործարք» անունը ստացած գործարքը։

Դեմիրճյանի փոխանցմամբ՝ այդ պայմանագիրը պատրիարքին ստորագրել տված նախկին հոգևորական Եսայանին համայնքից ու եկեղեցուց վտարել են մեկ տարի առաջ՝ բավական խայտառակ ձևով, սակայն դեռ պատրիարքի ստորագրությունն անվավեր ճանաչելու համար դատական գործընթացները շարունակվում են։ Հրեական կազմակերպությունը ներկայումս պայքարում է, քանի որ դեմ են գործարքն անվավեր ճանաչելու գործընթացին։

«Դատաքննության սկզբից ի վեր կազմակերպվել են հարձակումներ դեպի տարածք՝ մի անգամ զինվորականներ են ուղարկել։ Նպատակն այն է եղել, որ մտնեն, տեղավորվեն ու դուրս չգան տարածքից մինչ դատավճիռը, որը կարող է մի քանի տարի ձգվել։ Սակայն հայ համայնքը միասնական է», - հայտնել էԴեմիճյանը՝ նշելով, որ տարածքի համար ցույցերի արդյունքում երիտասարդների մի խումբ է կազմվել, որը կոչվում է «SAVE THE ARC»։ Ընդ որում՝ երիտասարդների խումբը ձեւավորվել է տարբեր կուսակցությունների՝ ՀՅԴ-ից, ՌԱԿ-ից , ՀՄԸՄ-ից, որը գիշեր- ցերեկ զբաղված է Երուսաղեմի համայնքի խնդիրը կարգավորելու համար գումար հավաքելով ու հենց իրենք էլ ներգրավել են միջազգային փաստաբանների խմբի, որ զբաղվում է դատական երկու գործով էլ։

Այս թեմայով Հայկական առանձին ավիախմբի 2 վթարները 1 տարում․ «Հետք» Նիկոլ Փաշինյանը չի գնալու Մայր Աթոռի վերաօծմանը. MediaHub Վրույր Փենեսյանի նախաձեռնությամբ Մոնակոյի եկեղեցում մատուցվել է հայկական պատարագ (լուսանկարներ, տեսանյութ) Ռուս–հայկական մարդասիրական արձագանքման կենտրոնի հետ փոխգործակցության ծրագրերն են քննարկվել Արցախն անցյալ չէ, Արցախի հայկական պատկանելիության ամբողջական վերականգնումը պետք է դառնա ամենօրյա պայքար․ Արամ Ա Խոշոր ու ողբերգական ավտովթար՝ Նուբարաշեն-Մասիս ճանապարհին․ կա 1 զոհ, 3 վիրավոր «Զանգեզուր» կենսոլորտային համալիրի տարածքում արձանագրվել են հայկական մուֆլոններ ԵՊՀ ռեկտորը շնորհավորական ուղերձ է հղել Կոնֆերենցիաների լիգա․ հայկական ակումբը կխաղա «Չելսիի» դեմ 2020-ից ի վեր ադրբեջանցիներն ավերել են հայկական պատմամշակութային 570-ից ավելի նմուշ