Գուցե այս մարդկանց մեջ կան նաեւ այնպիսիք, որոնց համար 5 հազար տղա զոհվելն ու հարյուր հատ ծառ տնկելը համարժեք իրադարձություններ են. Օհանյան

«Հրապարակի» գլխավոր խմբագիր Արմինե Օհանյանը գրել է.

«Ես անկեղծորեն կարեկցում եմ այն մարդկանց, ովքեր ստիպված են պաշտպանել իշխանություններին, արդարացնել նրանց քայլերը, դրական փոփոխություններ տեսնել մեր կյանքում: Այդ մարդիկ 2 կատեգորիայի են բաժանվում` նրանք, ովքեր շատ լավ հասկանում են, թե ինչ ավերածություններ են տեղի ունեցել 6 տարում, բայց ի պաշտոնե, իրենց կարգավիճակից կամ ինչ-ինչ արտոնություններ չկորցնելու համար են դա անում եւ նրանք, ովքեր դեռ շարունակում են սիրել-հավատալ-վստահել-հույս կապել ՔՊ-ի ու Նիկոլ Փաշինյանի հետ: Այս մարդիկ ստիպված են աչք փակել, օրինակ, Արցախը հանձնելու փաստի վրա եւ կենտրոնանալ տեղական նշանակության մի փաստի վրա:

Օրինակ, մեկն ասում էր` տես, նախկինները վարչապետի անվան մրցաշարեր չէին կազմակերպում, Փաշինյանը կազմակերպում է` խրախուսում է առողջ ապրելակերպը: Մի ուրիշը, որ Տավուշից հող հանձնելու մասին ձկան պես լուռ էր, ոգեւորված էր այն փաստով, որ իրենց բակում 70-ականներին կառուցված ինչ-որ գարաժներ են քանդել` տեղը խաղահրապարակ սարքեն:

Մի երրորդն ասում էր` ճիշտ է, ամեն օր սպանությունների, ծեծուջարդի մասին լուրեր ենք կարդում, բայց մեր հարեւան Սերոժը ժամանակին ավտոն ճռռացնելով էր բակ մտնում, հիմա ավտոյի ու իր ձայնը չենք լսում: Գուցե այս մարդկանց մեջ կան նաեւ այնպիսիք, որոնց համար 5 հազար տղա զոհվելն ու հարյուր հատ ծառ տնկելը համարժեք իրադարձություններ են` մեկը մյուսին չեզոքացնող։ Բայց վստահ եմ, որ նման կերպ մտածողների մեծ մասն ըմբռնում է իր համեմատությունների աբսուրդայնությունն ու գիտակցում, որ մենք այսօր շատ վատ իշխանություն ունենք, որի ժամանակ համակարգեր են քանդվել, արժեքներ են կործանվել, մարդիկ են զոհվել, եթե անգամ չխոսենք հող հանձնելու մասին»:

Այս թեմայով Վրաստանի նախագահը հայտարարել է երկրորդ ժամկետի համար առաջադրվելու իր մտադրության մասին Հատուկ ավտոբուսային երթուղի՝ միայն հրեաների համար Ինչ դիետա են խորհուրդ տալիս տարեցներին՝ սրտի հիվանդությունները կանխարգելելու համար Ես ահավոր ուրախացա Արմեն Աշոտյանի տղաների համար, աշխարհը այսօրվանից իրանցն ա․ Տիգրան Քոչարյան Ապրիր քեզ համար, ստեղծիր քոնը՝ սեփականը. Ծովինար Մարտիրոսյան «Հայաստանի սպառազինումը ապագայում կարող է վտանգի աղբյուր դառնալ ողջ տարածաշրջանի համար»․ Հասանով Ուղևորափոխադրման համար «Մայր Հայաստան» խմբակցության առաջարկած սակագնային համակարգն ավագանին չընդունեց Շտապ գրություն եմ ուղարկել ՆԳՆ՝ Աշտարակ-Երևան ճանապարհին իրավիճակի վերաբերյալ պարզաբանման համար. Թովմասյան Մեկնարկում է «Ծնվել եմ Արցախում» ծրագիրը Արցախի տաղանդների համար Համաձայնագիր՝ Կատարի Պետության տարածքում ՀՀ քաղաքացիների աշխատանքային գործունեությունը կանոնակարգելու համար