Նուարդ Վարդանյանը Կոռուպցիայի կանխարգելման հանձնաժողով չի ներկայացրել պարզաբանում

Երևան քաղաքի «Քաղաքացիական պայմանագիր» խմբակցության ավագանու անդամ Նուարդ Վարդանյանը չի ներկայացրել պարզաբանում իր հայտարարագրում առկա անհամապատասխանությունների  վերաբերյալ։

«Ժողովուրդ» օրաթերթը 2024 թվականի փետրվարին հրապարակել էր «Նուարդ Վարդանյանի հայտարարագրում կեղծի՞ք կա» վերտառությամբ հոդված։
Հոդվածում, անդրադառնոլով Երևան քաղաքի «Քաղաքացիական պայմանագիր» խմբակցության ավագանու անդամ Նուարդ Վարդանյանի հայտարարագրին, գրել էինք՝ Վարդանյանը 2021թ. հայտարարագրում նշում է, որ 2022 թվականին ձեռք է բերել 2018 թվականի արտադրության Ford մակնիշի մեքենա, ինչը գուշակության ոլորտից է։ Նույն 2021թ. հայտարարագրի համաձայն՝ Վարդանյանը Տիգրան Ավինյանի եղբայր Դավիթ Ավինյանից ձեռք է բերել եւս մեկ Ford՝ 2018 թվականի արտադրության, եւ տարվա վերջի դրությամբ հայտարարագրել է 2 Ford մակնիշի մեքենա։ 2022թ. սկզբում ոչ միայն «անհետանում է» Ford-երից մեկը, այլեւ վաճառքից առաջ փոխվում է մյուս Ford-ի տարեթիվը` 2018 թվականի արտադրությունը դառնում է մեկ տարով նոր` 2019 թվականի արտադրության։
Ստացվում է, որ Նուարդ Վարդանյանը իրեն պատկանող Ford մակնիշի մեքենան, որը ձեռք է բերել 2018 թվականին 4 մլ դրամով՝ գրեթե 10 հազար ԱՄՆ դոլար, 2022 թվականին վաճառել է 13 հազար ԱՄՆ դոլարով որպես 2019 թվականի արտադրության մեքենա։ Ըստ հայտարարագրի՝ Վարդանյանը 3 հազար ԱՄՆ դոլարի օգուտ է ստացել եւ փոխել մեքենայի արտադրման տարեթիվը:

Հրապարակման մեջ շրջանառվող տեղեկատվության հիման վրա Կոռուպցիայի կանխարգելման հանձնաժողովն իրականացրել է Նուարդ Վարդանյանի 2021 և 2022 թվականների տարեկան հայտարարագրերում հայտարարագրված տվյալների ստուգում, ինչի արդյունքում Հանձնաժողովը որոշել է ՀՀ ՆԳՆ Ոստիկանության «Ճանապահային ոստիկանություն» ծառայությունից և Պետական եկամուտների կոմիտեից հայցել տեղեկատվություններ համապատասխանաբար Նուարդ Վարդանյանին պատկանող տրանսպորտային միջոցների և վերջինիս եկամուտների վերաբերյալ, որոնց համադրության արդյունքում արձանագրված անհամապատասխանությունների վերաբերյալ Նուարդ Վարդանյանից պահանջվել է Հանձնաժողով ներկայացնել պարզաբանում։
Պարզաբանումը հաշվետու ժամանակահատվածի վերջի դրությամբ չի ստացվել։

Էմմա Միքայելյան

Այս թեմայով Ընդդիմությունը ներկայացնելու է քննիչ հանձնաժողով ստեղծելու նախագիծ Արցախի ժողովրդի սոցիալ-տնտեսական իրավունքների ուսումնասիրման և գործողությունների իրականացման համար. Արծվիկ Մինասյան (տեսանյութ) ԿԽՄԿ-ն Գեղարքունիքում ներկայացրել է բռնահանված արցախցիների աջակցությանն ուղղված ծրագրերը Միրզոյանը ՔՊ նիստում զեկույց է ներկայացրել Հայաստանը ժողովրդավարության օրինակ է տարածաշրջանում․ ԱՄՆ Հելսինկյան հանձնաժողով «Մայր Հայաստանը» տրանսպորտը չթանկացնելու նախագիծ է ներկայացրել․ Սոնա Աղեկյան Թուրքիան ԲՐԻԿՍ-ին անդամակցության հայտ է ներկայացրել Երևանի քաղաքապետարանը ներկայացրել է Կասկադ համալիրի տարբերակները Audi-ն ներկայացրել է իր նոր Q5 քրոսովերը (լուսանկարներ) Լոռու մարզպետը ներկայացրել է ջրհեղեղի հետևանքների վերացման աշխատանքների մասին մանրամասներ ՀՀ-ում 17 տարեկանների ամուսնությունից 23 երեխա է ծնվել․ արդարադատության նախարարի տեղակալը տվյալներ է ներկայացրել