Հատուկ Վահե Ղազարյանի համար․ հերթական արտոնյալը՝ կառավարական ամառանոցներից. MediaHub

Ոստիկանությունը վերջին շրջանում ուժեղացված ծառայություն, այսպես կոչված՝ «ռեյդեր» է իրականացնում հանրապետության տարբեր հատվածներում։ Դրանով փորձում են օրինախախտների հայտնաբերել, նրանց անակնկալի բերել ու կարգի հրավիրել։ Նաև ասում են՝ պարեկային ծառայությունը հատուկ ուշադրություն է դարձնում առջևի մգեցված ապակիներով մեքենաներին, քանզի վերջին շրջանում նորից սկսել են մարդիկ իրենց մեքենաների առջևի ապակիները թաղանթապատել, ինչն օրենքի խախտում է։ 

ՆԳ նախարար Վահե Ղազարյանն էլ վստահեցնում է՝ իրենց համար բոլորն օրենքի առջև հավասար են և իրենք ում տեսնեն՝ մուգ ապակիներով, կարող են կանգնեցնել և պատասխանատվության ենթարկել։ Բայց, այ, Նիկոլ Փաշինյանի տիկնոջը սպասարկող Lexus LS 500 մակնիշի թանկարժեք ամենագնացը կանգնեցնելու և առջևի մգեցված կողային ապակիներով երթևեկելու համարձակություն Վահե Ղազարյանի ենթակայությամբ գործող պարեկային ծառայությունը չունի։

Այդ մասին MediaHub-ը քանիցս բարձրաձայնել է, բայց նրանք ոչ մի կերպ չեն նկատում ամեն օր իրենց դիմացով կառավարական ամառանոցներից դուրս եկող արտոնյալ տիկնոջ օրինախախտումը:

Այսօր MediaHub-ը հերթական արտոնյալին է «բռնեցրել» կառավարական ամառանոցներից դուրս գալիս։ Լուսանկարում երևացող 37 TN 796 պետհամարանիշով Toyota Camry-ն ևս առջևի մգեցված կողային ապակիներով է և, ամենայն հավանականությամբ, օպերատիվ համարանիշներով։ Տեսախցիկն այս մեքենան ֆիքսել է այսօր կեսօրին Կոնդի կառավարական ամառանոցներից դուրս գալուց հետո։ Ու պարեկները, բնականաբար, այս մեքենան էլ չեն նկատել կամ չեն համարձակվում որևէ կերպ նկատել։ 

Մենք դեռ կփորձենք պարզել՝ ում է սպասարկում այս մեքենան, բայց մինչ այդ նորից հրավիրում ենք ՆԳ նախարար Վահե Ղազարյանի և պարեկային ծառայության ղեկավար Արթուր Խուդինյանի ուշադրությունը, որ պարեկներին հանձնարարեն՝ առանց վախենալու, «դուխով» կանգնեցնեն և առնվազն գոնե ստուգեն առերևույթ մգեցված ապակիներով այս մեքենան։ 

Մենք գրեթե համոզված ենք, որ կառավարական ամառանոցներից դուրս եկող այս Camry-ի ո՛չ տերը, ո՛չ վարորդը չեն կծի պարեկներին, չեն ճանկռի, զենք չեն հանի ու չեն կրակի պարեկների վրա։ Ի վերջո, դեմոկրատիայի բաստիոնում ենք ապրում, պետք չէ վախենալ իշխանավորներից։

Այս թեմայով Փաշինյանը պետք է բանակցի ՌԴ-ի, հետո՝ Ադրբեջանի հետ կոմունիկացիաների ապաշրջափակման լուծման համար. Սուրենյանց Հայաստանում ստորագրահավաք կանցկացվի ԵՄ-ին Հայաստանի անդամակցության գործընթաց սկսելու հարցով հանրաքվե կազմակերպելու համար ՔՊ-ն կպատժի՞ Բագրատյանին պրոարցախյան և հայրենասիրական մտքերի համար Արցախցի երեխաներին ուղարկում են Գուրգեն Մարգարյանին կացնահարած Ռամիլ Սաֆարովին Ադրբեջանին նվիրած երկիր. Քոչարյան Երևի Նիկոլն Արմենի հանդեպ փոքր վրեժխնդրությունը համարեց բավարարված, դրա համար փոխեց տնային կալանքի. Զոհրաբյան (տեսանյութ) «Ժողովուրդ». Գնել Սանոսյանի մոր համար կառուցվող առանձնատան օրինականության հարցով գործընթացը կանգ է առել Վրաստանի նախագահը հայտարարել է երկրորդ ժամկետի համար առաջադրվելու իր մտադրության մասին Հատուկ ռազմական գործողությունը մեր նպատակներին հասնելու միակ միջոցն է․ Պեսկով Հատուկ ավտոբուսային երթուղի՝ միայն հրեաների համար Ինչ դիետա են խորհուրդ տալիս տարեցներին՝ սրտի հիվանդությունները կանխարգելելու համար