Երևանի քաղաքապետարանն արձագանքել է չորացած տույաների շուրջ աղմուկին և տարածքի շինաշխատաքներին

Սուրբ Գրիգոր Լուսավորիչ եկեղեցու մոտ կառուցվող շատրվանների և տարածքի բարեկարգման, ինչպես նաև տույաների չորացման և տույաների գնի վերաբերյալ Երևանի քաղաքապետի մամուլի խոսնակ Հայկ Կոստանյանը պարզաբանում է տարածել:

«Տույաների գնի հետ կապված Երևանի քաղաքապետարանի աշխատակազմի վերահսկողության վարչությունն իրականացնում է ուսումնասիրություն, որի ավարտից հետո կտրվի համապատասխան մեկնաբանություն։

Տույաների չորացման, ինչպես նաև շինարարության ընթացքում և երաշխիքի ժամկետի շրջանում առաջացած թերությունների դեպքում շինարարը պարտավոր է վերականգնել այն և բերել պատշաճ տեսքի։

Նշեմ, որ տարածքի բարեկարգման աշխատանքներն ավարտված չեն և Երևանի քաղաքապետարանին հանձնված չեն։

Հավելեմ նաև, որ Երևանի քաղաքապետարանի աշխատակազմի շինարարության և բարեկարգման վարչությունում դեռ նախորդ շաբաթ տեղի է ունեցել շինարարի հետ հանդիպում, վերջինս պատրաստակամ է շտկել բոլոր այն թերությունները, որոնք առաջացել են շինարարական աշխատանքների ընթացքում, այդ թվում ծառերի մասով»,- ասված է պարզաբանման մեջ:

Նշենք՝ Երևանի ավագանու «Ազգային առաջընթաց» խմբակցության անդամ Քրիստինե Վարդանյանն այցելել էր Սուրբ Գրիգոր Լուսավորիչ եկեղեցու հարևանությամբ քաղաքապետարանի հիմնած նոր այգին ու բացահայտել, որ տնկած տույաները գրեթե ամբողջությամբ չորացել են։

Նա տեսանկարահանել էր տարածքն ու տույաները ու նշել, որ դրանցից յուրաքանչյուրի արժեքը 20-40 հազար դրամ է:

Այս թեմայով Ծանր վթար Երևանի Սիլիկյան նոր խճուղում. կա զոհ (տեսանյութ) Երևանի գրադարանների համար շուրջ 40 մլն դրամի գրքեր են ձեռք բերվել Երևանի ավագանու անդամն ահազանգում է. Ավինյանը ցանկանում է դադարեցնել վերջինիս լիազորությունները Հայաստանն ու ԵՄ-ն երկխոսություն կսկսեն վիզային ռեժիմի ազատականացման շուրջ․ մանրամասներ Խաբել են շուրջ 8000 մարդու. ՀՀ-ում հանցավոր կազմակերպություն է բացահայտվել Տիգրան Ավինյանը նկարիչ Թաթոսին «Երևանի մշակույթի պատվավոր գործիչ» կոչումն է շնորհել Ոչնչացվել է շուրջ 38 տոննա կանեփի, 21 կգ վայրաճ կակաչի զանգված. ամփոփվել են «Կանեփ-կակաչ-2024» միջոցառման արդյունքները Գողացել են շուրջ 3000 մետր էլեկտրական բարձր լարման հաղորդալար Մոսկվան երբեք չի հրաժարվել Երևանի և Բաքվի միջև «ազնիվ միջնորդի» դերից. Կոպիրկին Մանասյանն արձագանքում է Փաշինյանի կնոջ հետ նույն սեղանի շուրջ դատախազի նստելուն (տեսանյութ)