ՌԴ ԱԴԾ-ն հայկական կողմին է փոխանցել Զվարթնոցում պետական սահմանի պաշտպանության գործառույթները

Ռուսաստանի ԱԴԾ սահմանային ծառայության ներկայացուցիչները տասնամյակներ անց հայկական կողմին են փոխանցել «Զվարթնոց» անցակետում պետական ​​սահմանի պաշտպանության գործառույթները։ Այդ մասին տեղեկացնում է  «Սպուտնիկ Արմենիան»։

Որոշման համար հիմք է հանդիսացել հայկական կողմի 2024 թվականի մարտի 1-ի դիմումը՝ «Զվարթնոց» օդային անցակետի նկատմամբ սահմանային հսկողությունն ամբողջությամբ (1992 թվականից ծառայությունն իրականացվում է համատեղ) ՀՀ սահմանապահ զորքերի իրավասությանը հանձնելու մասին։

Արձանագրությունը ստորագրել են Հայաստանի Ազգային անվտանգության ծառայության (ԱԱԾ) սահմանապահ զորքերի հրամանատար Էդգար Հունանյանը և Հայաստանում ՌԴ ԱԴԾ սահմանային վարչության պետ, գեներալ-լեյտենանտ Ռոման Գոլուբիցկին։

Պաշտոնական արարողությանը Երևանում ներկա են եղել Հայաստանում Ռուսաստանի ԱԴԾ սահմանային տնօրինության և Հայաստանի ԱԱԾ սահմանապահ զորքերի ղեկավարությունն ու անձնակազմը։

Հայաստանում Ռուսաստանի գործերի ժամանակավոր հավատարմատար Մաքսիմ Սելեզնյովը հիշեցրել է, որ «Զվարթնոց» օդանավակայանի անցակետում նախ խորհրդային, ապա ռուս և հայ սահմանապահները հսկել են 60 տարի։ Սելեզնյովն ընդգծել է, որ ռուս սահմանապահներն այս տարիների ընթացքում համարժեք կերպով ներկայացրել են Ռուսաստանը և ԱԴԾ սահմանային ծառայությունը։

«Դուք անգնահատելի փորձ, գիտելիքներ և հմտություններ եք փոխանցել ձեր հայ գործընկերներին՝ հուսալի հիմքեր դնելով անցակետի հետագա բարձր մակարդակով գործունեության համար»,- հավելել է նա։

Այս թեմայով Դասագիրք չկա, «Հայոց պատմության» դասաժամին պետք է երևակայեն. Սա ընդգծված պետական քաղաքականություն է. Ատոմ Մխիթարյան «Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով Անհանգստություններ՝ ՀԱՊԿ անդամ պետությունների անվտանգության շուրջ Պետական գաղտնիքի մասին օրենսդրությունը խախտելու համար պատիժը խստացվում է. խախտումները կքննի ԱԱԾ-ն Պաշտպանության հանձնաժողովում վավերացման ենթակա միջազգային համաձայնագրերի նախագծերն են քննարկել Վրույր Փենեսյանի նախաձեռնությամբ Մոնակոյի եկեղեցում մատուցվել է հայկական պատարագ (լուսանկարներ, տեսանյութ) Ռուս–հայկական մարդասիրական արձագանքման կենտրոնի հետ փոխգործակցության ծրագրերն են քննարկվել Արցախն անցյալ չէ, Արցախի հայկական պատկանելիության ամբողջական վերականգնումը պետք է դառնա ամենօրյա պայքար․ Արամ Ա Աշոտյանին երկար գաղտնալսել են, գործի մեջ առկա են միայն այն մասերը, որոնք ձեռնտու են մեղադրող կողմին Մշակութային հաստատություններն «ազգայինից» կդառնան «պետական»