Տարածաշրջանում մեծ հրդեհ կստեղծվի, որում կայրվեն մի շարք երկրներ․ Ոսկանյան

Արդեն հայտնել ենք, որ Թեհրանում սպանվել է ՀԱՄԱՍ-ի քաղբյուրոյի ղեկավարը։ Իրանը հետաքննություն է սկսել։ Հատկանշական է, որ «Իսլամական դիմադրության շարժման» ներկայացուցիչը սպանվեց հենց Իրանի նախագահի երդմնակալության օրը։ 

Աշխարհաքաղաքական ինչպիսի՞ զարգացումներ սպասել այս փուլում, արդյո՞ք Իրանը Իսմայիլ Հանիեի սպանությամբ կներքաշվի լայնամասշտաբ պատերազմի մեջ․ այս և այլ հարցերի շուրջ MediaHub-ը զրուցեց իրանագետ Վարդան Ոսկանյանի հետ։

Նրա խոսքով՝ ՀԱՄԱՍ-ի քաղաքական ղեկավարի սպանությունը հստակ նպատակ ունի՝ ապակայունացնել տարածաշրջանը, փորձել Իրանին ներքաշել պատերազմական գործողությունների մեջ։ 
  
«Իսկ եթե Իրանը ներքաշվի Իսրայելի դեմ պատերազմական գործողությունների մեջ, ապա ԱՄՆ-ն ևս ավտոմատ կներքաշվի այդ պատերազմի մեջ։ Այս առումով տարածաշրջանում մեծ հրդեհ կստեղծվի, որում կայրվեն տարածաշրջանի մի շարք երկրներ»,- նկատեց իրանագետը։

Եթե հարցը դիտարկենք հայկական շահի առումով, ապա ըստ Վարդան Ոսկանյանի, Իրանի՝ պատերազմի մեջ ներքաշվելը չի բխում մեր շահերից, քանի որ Իրանը կաևորագույն դերակատարում ունի Հայաստանի անվտանգային ճարտարապետության գործում։ Խոսքն առնվազն վերաբերում է այսպես կոչված «Զանգեզուրի միջանցքի» հատվածում մեր անվտանգությունը ապահովելուն։

«Երեկ Իրանի հոգևոր առաջնորդը շատ հստակորեն ներկայացրեց իրենց կարմիր գծերը, և այդտեղ նաև նշված էր Սյունիքի հարցը, ուստի մեր շահերից չի բխում Իրանի ներքաշումը լայնածավալ պատերազմում։ Հետևաբար, թվում է, թե առաջին հայացքից խնդիրը մեզ չի վերաբերում, բայց եթե ընդհանուր առմամբ նայենք, ապա մեզ համար վտանգավոր է Իրանի` պատերազմում ներգրավվելը»,- ներկայացրեց Ոսկանյանը։

Նրա խոսքով՝ ՀԱՄԱՍ-ի քաղբյուրոյի ղեկավարի սպանությունն Իրանի համար այլ մարտահրավերներ ևս ունի։

«Իրանը տարածաշրջանում անվտանգության կղզյակի դեր է կատարում, և այս դեպքը ուղիղ վտանգ է նաև Իրանի այդ իմիջին՝ թե՛ արտաքին դաշտում, թե՛ ներքին շրջանակում։ Այսինքն՝ դիրքերի թուլացման խնդիր կա։ Հատկապես, եթե հաշվի առնենք, որ Իրանում կառավարչական վակուում կա»,- ասաց իրանագետը։

Այունամենայնիվ, ըստ Վարդան Ոսկանյանի, Իրանը կկարողանա կառավարել առկա մարտահրավերներն ու ռիսկերը։

Այս թեմայով Կոտայքի մարզի մի շարք բնակավայրերում 24 ժամ ջուր չի լինի Մի շարք հասցեներում գազ չի լինի Հայաստանի և Հնդկաստանի միջև երկկողմ համագործակցությունը զարգանում է փոխադարձ հետաքրքրություն ներկայացնող մի շարք ոլորտներում Մի շարք հասցեներում ջուր չի լինի Գործունեության մի շարք ոլորտներ կդադարեն օգտվել շրջանառության հարկի արտոնություններից. «Փաստ» Արցախցիների հայրենադարձումը տարածաշրջանում խաղաղության հաստատման նախապայմաններից է․ Խաչատրյան ՀՀ դիրքորոշումը տարածաշրջանում տևական խաղաղության հասելն է․ նախագահը՝ Լիտվայի նախկին նախագահին Գավառ քաղաքի Ազատամարտիկների փողոցի շենքերից մեկի բակում հրդեհ է բռնկվել Հրդեհ՝ Բայանդուր գյուղում. տներից մեկին հարակից խորդանոցում 3 կգ-անոց գազի բալոնից տեղի է ունեցել արտահոսք Հրդեհ փայտե տնակում․ տուժածներ չկան