Պետությունը միլիոնավոր դրամների վնաս կկրի ՔՊ-ական պաշտոնյաների ապօրինի հրամանների պատճառով

Նիկոլ Փաշինյանի ձևավորած կառավարության տարբեր պաշտոնյաներ շարունակում են իրենց ապօրինությունների հետևանքով հսկայական վնասներ պատճառել պետական բյուջեին։ Խոսքն այն պաշտոնյաների մասին է, որոնք իրենց պաշտոնավարման ընթացքում օրենքի խախտմամբ աշխատանքից ազատել են իրենց ենթակա հիմնարկներում աշխատող տարբեր անձանց, որոնք հետո դիմել են դատարան և հաղթել՝ պարտավորեցնելով տվյալ գերատեսչությանը վերականգնել իրենց աշխատանքի և հսկայական գումարներ փոխհատուցել հարկադիր պարապուրդի համար։ 

Հիշեցնենք, վերջերս մի քանի հայցով իր կողմից ստորագրված ապօրինի ազատման հրամանների պատճառով դատարանում պարտվեց առողջապահության նախարար Անահիտ Ավանեսյանը, նմանատիպ մի ապօրինի ազատում ստորագրվել է ՊԵԿ գործող նախագահ Ռուստամ Բադասյանի կողմից, որը ևս պարտվել է դատարանում՝ դրանից բխող հետևանքներով, իսկ Բադասյանից առաջ էլ դեռ 2019 թվականին ՊԵԿ նախկին նախագահ Դավիթ Անանյանն էր աշխատանքից ապօրինի ազատել ՊԵԿ մի շարք մանր ու միջին պաշտոնյաների, որոնք մի քանի տարի տևած դատական գործընթացներից հետո, ի վերջո, հաղթել էին դատարանում՝ ապացուցելով, որ Անանյանն ապօրինի հրամաններ է արձակել, ինչի հետևանքով Պետեկամուտների կոմիտեն ստիպված եղավ տասնյակ միլիոնների փոխհատուցում տրամադրել այդ անձանց։

Հիմա հերթը Շիրակի մարզպետարանինն է։ Կառավարության երեկվա չզեկուցվող հարցերից մեկով ընդունվեց մի որոշում, որով Շիրակի մարզպետարանը պետական միջոցներից պետք է մոտ 17 մլն դրամ (16,996.4 հազ․ ՀՀ դրամ) վճարի Շիրակի մարզպետարանի առողջապահության և սոցիալական ապահովության վարչության պետի պաշտոնը զբաղեցրած, ապա ապօրինի կերպով պաշտոնից ազատված Հասմիկ Լյովայի Պետրոսյանին, և շուրջ 26 մլն դրամ (25,630.1 հազ․ ՀՀ դրամ)՝ Ժորժիկ Երվանդի Սերոբյանին, որը ևս Շիրակի մարզպետարանի աշխատակից է եղել։  

Ընդամենը՝ 42 մլն 626 հազար 500 դրամ պետք է պետբյուջեից փոխհատուցվի այս երկու անձանց՝ որպես Շիրակի մարզպետի կայացրած ապօրինի որոշումների հետևանք։

Այս անձանցից Հասմիկ Պետրոսյանը Շիրակի մարզպետարանում աշխատանքի էր անցել 2018 թ․ նոյեմբերի 7-ին և պաշտոնանկ արվել 2019 թվականի մարտի 29-ին՝ մարզպետի հրամանի հիման վրա։ Այդ ընթացքում Շիրակի մարզպետը Տիգրան Պետրոսյանն էր։

Իսկ Ժորժիկ Պետրոսյանն աշխատանքից ազատվել է 2021 թվականի ապրիլի 12-ին։ Այդ ժամանակ էլ Շիրակում մարզպետ էր աշխատում Հովհաննես Հարությունյանը, որը այժմ Տարածքային կառավարման և ներթակառուցվածքների նախարարի տեղակալի պաշտոնն է զբաղեցնում։ 

Հիմա այս երկու նախկին մարզպետների որոշումները բողոքարկվել են դատարանում, հասել մինչև Վճռաբեկ դատարան, և մարզպետների որոշումները ճանաչվել են ապօրինի՝ պարտավորեցնելով Շիրակի մարզպետարանին՝ հսկայական գումար փոխհատուցել աշխատանքից ապօրինի զրկված աշխատակիցների հարկադիր պարապուրդի համար։

Ահա այսպիսին են Նիկոլ Փաշինյանի նշանակած կադրերը, որոնք հիմնականում առաջնորդվելով նեղ անձնական, էժանագին ամբիցիաներով կամ քաղաքական հայացքներով՝ ապօրինի ազատում են իրենց դուր չեկած աշխատակիցներին և պարտվում դատարանում՝ տասնյակ միլիոնավոր դրամների վնաս պատճառելով պետությանը։

Վահե Մակարյան

Այս թեմայով «Կոսմոս» խաղատունը արատավոր բարքեր է քարոզում, իսկ պետությունը աչք է փակում. MediaHub (տեսանյութ) Ինքնակամ հանձնեք ապօրինի զենք-զինամթերքը. հակառակ դեպքում քրպատասխանատվությունն անխուսափելի է. ՆԳՆ Արմեն Աշոտյանն այն մարդն էր, ով լինելով նախարար, թռչում էր էկոնոմ դասով, որ պետությանը վնաս չպատճառի․ վկա Բերդի նախկին ղեկավարը, կինը, որդին հրավիրվել են ապօրինի գույքի բռնագանձման գործով վարչություն․ Հետք «Ժողովուրդ». Կոնջորյանի կնոջը միլիոնավոր դրամներ կարողանում է վճարել, Մեղրիի աղբահանության վճարը տալ չի կարողանում Հայտնում են Կորեայում մի քանի տասնյակ պաշտոնյաների մահապատժի մասին Ապօրինի խորքային հորի շահագործումը կասեցվել է «Խաղաղության պայմանագրի» առանցքային մասը համաձայնեցված է, գնդակը հիմա Ադրբեջանի դաշտում է. ՔՊ-ական պատգամավոր Ռուսաստանի ավիացիոն ակտիվության պատճառով՝ Լեհաստանն օդ է բարձրացրել իր կործանիչները 50 մլն դրամ կբռնագանձվի ՊԵԿ նախկին պաշտոնյայից ապօրինի գույքի գործով