Ի՞նչ ունեցվածք ունի «խեղճ» Ռոմանոս Պետրոսյանը. MediaHub

MediaHub-ը գրում է.

2018 թվականի իշխանափոխությունից հետո Կոտայքի մարզպետ դարձած, հետո մի կարճ շրջան շրջակա միջավայրի նախարար աշխատած, հիմա էլ Պետական վերահսկողական ծառայության ղեկավար հանդիսացող Ռոմանոս Պետրոսյանը ՔՊ-ական իշխանության հերթական պաշտոնյան է, որը կտրուկ հարստացել է հենց իշխանափոխությունից հետո և իշխանության գալու հաշվին։ 

Մինչև 2018 թվականը մի կերպ ծերը ծերին հասցնող Ռոմանոսն իր 2023 թվականի հաշվետու տարվա հայտարարագրում երկու բնակարան է ներկայացրել, որոնցից մեկը՝ Աբովյան քաղաքում՝ ձեռք բերված 2001 թվականին, իսկ մյուսն արդեն Երևանի ամենաթանկ թաղամասերից մեկում՝ «Երազում», որը նա ձեռք է բերել արդեն իշխանափոխությունից հետո՝ 2019 թվականին։ Նա և պաշտպանության նախարար Սուրեն Պապիկյանը հարևաններ են, և երկուսն էլ միաժամանակ են «Երազ» թաղամասի իրենց բնակարանները ձեռք բերել։

ՊՎԾ ղեկավարը նաև մեկ հողամաս է հայտարարագրել՝ ձեռք բերված 2004 թվականին, որը գտնվում է Կոտայքի մարզի Ակունք համայնքում։ Սա Ռոմանոս Պետրոսյանի ունեցած անշարժ գույքի միայն երևացող մասն է։ Բայց նրա ունեցվածքի ու հատկապես անշարժ գույքի մասին տարբեր խոսակցություններ են պտտվում, որ Ռոմանոսը հողակտորներ ու բնակարաններ ունի Կոտայքի մարզի տարբեր հատվածներում, այդ թվում՝ զբոսաշրջային քաղաք Ծաղկաձորում, պարզապես՝ ոչ ուղիղ իր անունով։ Սրանք, իհարկե, առանց համապատասխան հետաքննության և այդ ունեցվածքի հետ Ռոմանոսի կապը հաստատող փաստական տվյալներ ձեռք բերելու այս պահին դժվար ապացուցելի են, բայց այսպիսի խոսակցություններ դեռ Ռոմանոս Պետրոսյանի՝ Կոտայքի մարզպետ եղած թվերից կան։ 

Որպես տրանսպորտի միջոց Ռոմանոս Պետրոսյանը հայտարարագրել է 2017 թվականի թողարկման BMW մակնիշի ավտոմեքենա, որը նա ձեռք է բերել 2023 թվականին՝ 8 մլն դրամով։ ՊՎԾ ղեկավարի բանկային հաշիվներին տարվա սկզբին եղել է 8 մլն 605 հազար դրամ, որը տարվա վերջին դարձել է 10 հազար եվրո և 1մլն 701 հազար դրամ։ Իսկ որպես կանխիկ դրամ՝ «Երազ» թաղամասում բնակարան ունեցող «խեղճ» Ռեմանոս Պետրոսյանի ձեռքին 2023 թվականի վերջին եղել է ընդամենը 2 մլն դրամ։

Պետրոսյանի հաշվետու տարվա եկամուտները 2023 թվականի ընթացքում կազմել են 22 մլն 183 հազար 491 դրամ, որից 19 մլն 601 հազար 499 դրամը՝ որպես աշխատանքի դիմաց վարձատրություն Պետական վերահսկողական ծառայությունից, իսկ 2 մլն 581 հազար 992 դրամը՝ Պետական եկամուտների կոմիտեից։

 ՊՎԾ ղեկավարը նաև 60 տոկոս բաժնեմաս ունի «Բիզնես ռեջենտ» ՍՊԸ-ում։ Այդ բաժնեմասին նա տնօրինում է դեռևս 2011 թվականից։ 

Այս թեմայով Ինչ ունեցվածք ունի արդարադատության նորանշանակ փոխնախարարը Մայր տաճարն ունի նոր՝ բրոնզաձույլ խաչ Վաշինգտոնը մտավախություն ունի, որ Ուկրաինան կարող է պարտվել այս ձմռանը․ Politico Ստեփանակերտի քաղաքապետին պատկանող մեքենան առգրավել են. նա միայն բակում զբոսնելու թույլտվություն ունի ՔՊ-ական պատգամավորը ժամկետից ուշ է հայտարարագիր ներկայացրել. ինչ ունեցվածք ունի Էդուարդ Աղաջանյանը. Armlur.am Մեր նմանների վրա թքած ունի այս իշխանությունը. Մարտիրոսյան Հայաստանը երկիր է, որն ունի հնամյա ժառանգություն եւ ժամանակակից ձգտումներ` զորացնել երիտասարդությանը․ Տուլիա Էքսոն (տեսանյութ) Այս մեղադրական եզրակացությունն առնվազն 10 մահացու հիվանդություն ունի. Հրայր Թովմասյան (տեսանյութ) «Եվրաջաստն» ունի տեղեկատվական բազա գյուքերի վերաբերյալ, որոնք իրավունք ունենք հայցել և ստանալ. Աննա Վարդապետյան Տոյվո Կլաարը նոր պաշտոն ունի