Ցորենով բեռնված բեռնատարը բախվել է ավտոբուսին․ 20 տուժածներ տեղափոխվել են բժշկական կենտրոններ

Այսօր՝ օգոստոսի 11-ին, խոշոր ավտովթար է տեղի ունեցել Երևանում։ Ժամը 09։00-ի սահմաններում Սարալանջի ճանապարհից դեպի Հերացի փողոց հատվածում բախվել են մի քանի տոննա ցորենով բարձված «Կամազ»-ը ու Երևանի քաղաքապետարանի հաշվեկշռում հաշվառված թիվ 36 երթուղին սպասարկող «MAN» մակնիշի ավտոբուսը։

Shamshyan-ի հաղորդմամբ՝ վթարի հետևանքով 17 հոգի տարբեր աստիճանի մարմնական վնասվածքներով տեղափոխվել են Երևանի տարբեր հիվանդանոցներ։

Վիրավորներին առաջինն օգնության են հասել քաղաքացիները, օպերատիվ են գործել շտապ օգնության բժիշկների հերթապահ խմբերը։ Վիրավորներից մի քանիսին էլ հիվանդանոց են տեղափոխել պարեկները՝ իրենց ծառայողական ավտոմեքենաներով։

Օպերատիվորեն ժամանել են ՀՀ Ներքին գործերի նախարարության փրկարար ծառայության Երևանի թիվ 8-րդ հրշեջ-փրկարարական ջոկատից՝ 2 մարտական հաշվարկ։ 

Փրկարարները վիրավորներից մի քանիսին պատգարակներով մոտեցրել են շտապօգնության ավտոմեքենաներին, հոսանքազրկել են ավտոմեքենաները, այս պահին էլ կողաշրջված «Կամազ»-ը հոսանքազրկում են և կատարում են ճանապարհի լվացման աշխատանքներ, քանի որ առաջացել է նաև դիզվառելիքի արտահոսք։

Դեպքի վայրում հայտնաբերվել է ռուսական համարանիշներով «Toyota» մակնիշի ավտոմեքենա, որը նույնպես, ըստ ստացված տեղեկությունների, վթարի մասնակից է։

Վիրավորներից 2-ին հիվանդանոց են ուղեկցել գումարտակի հրամանատար Ա․ Դադոյանն ու վաշտի հրամանատարի տեղակալ Արտակ Մանուկյանը։

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում են վարորդների և վիրավորների ինքնությունը։
 

Այս թեմայով Մեկ օրում Հայաստանում արձանագրվել է 13 ՃՏՊ, 15 մարդ ստացել է տարբեր աստիճանի մարմնական վնասվածքներ Խոշոր ավտովթար Կոտայքի մարզում, 7 հոգի տեղափոխվել են տարբեր բժշկական կենտրոններ ԿԸՀ-ն Երևանի ավագանու անդամի մանդատներ տրամադրելու որոշում է կայացրել 35-ամյա տղամարդը երկու օրվա ընթացքում թմրամիջոցի ավելի քան 150 փաթեթ է տեղադրել Երևանի տարբեր մասերում Երևանի կենտրոնում ձերբակալվել է լիցքավորված ատրճանակով տղամարդ 1 Mercedes և 20 BYD. Երևանի քաղաքապետարանը 644.000 դոլարի էլեկտարական մեքենաներ է գնել Երևանի ավագանին կողմ քվեարկեց քաղաքի նոր գլխավոր հատակագծի նախագծին Վեդի-Ոսկետափ ճանապարհին ավտոմեքենան բախվել է ծառին․ կա տուժած Գորիսի համայնքապետ Առուշ Առուշանյանը կազատազրկվի․ մանրամասներ Գրիգոր Երիցյանը զրկվեց Երևանի ավագանու անդամի մանդատից