Կարմիր սարի հարցը hանգուցալուծում է ստացել․ երիտասարդ ակտիվիստները հասան իրենց ուզածին

Դեռ խորհրդային տարիներին հայտնաբերվել է, որ Արարատի մարզում գտնվող Կարմիր սարը հարուստ է կրաքարի պաշարներով, այդ պատճառով էլ ներկայումս Կարմիր սարը հայտնվել է միաժամանակ մի քանի հանքարդյունահանողների ուշադրության թիրախում։

Հանքարդյունահանողների ցանկությունն էր Կարմիր Սարում հանքավայր և ցեմենտի գործարան կառուցել, որը շարժել էր Արարատի մարզի բնակիչների զարույթը, քանի որ հանքավայրի բացումը և ցեմենտի գործարանի կառուցումը մարզի էկոհամակարգի վրա չափազանց մեծ և անդառնալի հետևանքներ է ունենալու։

Բանն այն է, որ հանքարդյունահանողների ուշադրության կենտրոնում հենց Կարմիր սարն է այն պատճառով, քանի որ կավաքարն օգտագործվում է ցեմենտի արդյունաբերության մեջ, ինչով էլ սարը լեցուն է։

Կարմիր սարով հետաքրքրված հանքարդյունաբերողները՝ «ՄԼ մայնինգ» ՍՊԸ-ն, «ԴԻԳԸՆԴԻԳ» ՍՊԸ-ն, «ԳՌԱՆՈՒԼՍ» ՍՊԸ-ն, «ՕՐԴ» ՍՊԸ-ն, «ՕՐԴ ԳՐՈՒՊ» ՍՊԸ-ն, հայտեր էին ներկայացրել Արարատի մարզի Կարմիր սարին հարակից Այգեզարդ և Գինեվետ բնակավայրերի վարչական տարածքներում ընդերքի շահագործման թույլտվություն ստանալու համար, սակայն «ՕՐԴ» ՍՊԸ-ն հայտ էր ներկայացրել ցեմենտի գործարան կառուցելու համար։

Վերջիններս հայտ էին ներկայացրել դեռևս 2023 թվականի սեպտեմբերի 20-ին, որոնց անհրաժեշտ է եղել 62 հեկտար տարածք, սակայն ցեմենտի գործարան կառուցելու նպատակով 2023-ի հոկտեմբերի 6-ին հանրային քննարկում է անցկացրել Վեդի քաղաքում: Վեդիից առաջ նույնը փորձել է անել Մասիս խոշորացված համայնքի Մարմարաշեն բնակավայրում, սակայն հենց առաջին հանրային լսումով բնակիչները դեմ են արտահայտվել իրենց համայնքում ցեմենտի գործարան կառուցելուն։ (այս մասին գրել է ՀԵՏՔ-ը)։

Հիշեցնենք, որ «ՕՐԴ ՍՊԸ»-ն հուլիսի 17-ին մամուլի ասուլիս էր կազմակերպել, որն ընթացել է թեժ մթնոլորտում։ «ՕՐԴ» ՍՊԸ-ի ներկայացուցիչներից մեկն էլ ասուլիսի ժամանակ նաև նշել էր, որ երբեք չի թաքցրել այն փաստը, որ ցանկանում է ցեմենտի գործարան բացել։

Արարատի մարզի բնակիչները բոյկոտել են այն, քանի որ վերջիններիս նշմամբ՝ Կարմիր սարում կան այնպիսի բուսատեսակներ և կենդանատեսակներ, որոնք գրանցված են կարմիր գրքում և դրանց առկայության դեպքում՝ հանքարդյունաբերությունն արգելվում է։

Նշենք, որ Այգեզարդ գյուղի բնակիչները հանրագիր են ներկայացրել 2300 ստորագրությամբ՝ Կարմիր սարում հանքարդյունահանման դեմ։

Ավելի ուշ արդեն պարզ է դարձել, որ ՀՀ շրջակա միջավայրի նախարարության ՇՄԱԳ փորձաքննական կենտրոնը բացասական եզրակացություն է տվել «Օրդ» ՍՊԸ-ի ներկայացրած հայտին՝ Կարմիր սարի տարածքում կրային կավակրաքարերի հանքարդյունահանման վերաբերյալ։

ArmLur.am-ի տեղեկությունների համաձայն՝ մի շարք բնապահպան ակտիվիստ երիտասարդներ, Արարատի մարզի բնակիչներ, որոնք պայքարում էին այս ապօրինության դեմ, հաղթել են «Օրդ» ՍՊԸ-ին և վերջիններս չեն կարող Կարմիր սարի տարածքում բացել ցեմենտի գործարան։

Աննա Սրապիոնյան

Այս թեմայով Հայտնի է` երբ ՍԴ-ն կքննի ՀՀ-ի Ադրբեջանի սահմանազատման հանձնաժողովների կանոնակարգի հարցը Կիրանցի սահմանային պատը գաջապատել են, գույնը սպիտակացրել ու վերջ․ «անվտանգության հարցը լուծված է». MediaHub «Որոշ համասեռամոլներ փորձում են ցույց տալ, թե իրենց հետապնդում են», «Վիրավորանքից զերծ մնանք». Վահան Ավագյան (տեսանյութ) Իրանի Գերագույն առաջնորդի ներկայացուցիչը մեկնել է ՌԴ` քննարկելու «Զանգեզուրի միջանցքի» հարցը «Ժողովուրդ». Սեւանի ափին ՔՊ-ն մինչեւ ուշ քեֆ է արել. ով պետք է՝ քաղաքական հրահանգներ է ստացել, մյուսները վայելել են Քննարկվում է Երևան-Լոս Անջելես և Երևան-Նյու Յորք ուղիղ չվերթներ սկսելու հարցը Շնորհավորում եմ Ադրբեջանի հայ լոբբիստներին, Բաքվի հետ երկկողմ բանակցությունն իրենց շահերից է բխում (տեսանյութ) «Օսկար ստանայի, այսքան չէի հուզվի». Էրմինա Զախարովան՝ լավագույն երիտասարդ դերասանուհի դառնալու, համբույրի տեսարանների համար քննադատվելու և ամուսնու արձագանքի մասին․ Tert.am Գերիների վերադարձի հարցը ներառված չէ խաղաղության պայմանագրի մեջ. Սիմոնյան Ջենիֆեր Լոպեսը համարձակ զգեստով է ներկայացել Տորոնտոյի միջազգային կինոփառատոնի կարմիր գորգին (լուսանկարներ)