«Թիմերում աշխատող բժիշկները պետք է նորմալ վարձատրվեն, որպեսզի ցանկություն ունենան գալ սպորտային բժշկության ոլորտ». հավաքականի բժիշկ

Հայաստանի օլիմպիական հավաքականի բժիշկ Դավիթ Մոսինյանը խոսել է Փարիզ-2024-ում Հայաստանը ներկայացրած մարզիկների արդյունքներից ու Հայաստանում սպորտային բժշկության ոլորտում առկա խնդիրներից: «Ընդհանուր առմամբ` գուցե, այս Օլիմպիական խաղերը լավ էին կազմակերպված: Միշտ էլ ցանկացած մրցաշարում բացթողումներ լինում են:

Սա իմ 4-րդ Օլիմպիական խաղերն են, և ամեն տեղ էլ ինչ-որ բան այն չի լինում: Հայաստանի օլիմպիական հավաքականը շատ պատրաստված էր ներկայացել Փարիզ-2024-ին. խոսքը մարզիկների առողջական վիճակի մասին է:  Մենք հնարավորություն ունեինք ավելի լավ հանդես գալու, բայց իմ գովասանքի խոսքն եմ ասում մեր հավաքականի յուրաքանչյուր մասնակցի»,-«Արմենպրես»-ի թղթակցի հետ զրույցում ասաց Մոսինյանը:

Վերջինիս խոսքով` Հայաստանի օլիմպիական հավաքականն իր ունեցած ներուժով մյուս թիմերից հետ չի մնացել:

«Այն արդյունքը, որը գրանցել են հայ մարզիկները, հրաշալի է: Մեր մարզիկները ցույց են տալիս, թե ինչերի են ունակ՝ ունեցած ոչ փառահեղ պայմանների պարագայում: Սա վերաբերում է նաև բժշկությանը, քանի որ Հայաստանում չկա այն անհրաժեշտ արսենալը, որը հավաքականները պարտադիր պետք է ունենան»,-ասաց նա:Մոսինյանն առանձնացրեց, որ սպորտային բժշկության զարգացման համար Հայաստանում պետք է ներդրվի ֆինանսական բավարարվածության այլ համակարգ:

«Մեզ վերաթարմացում է պետք: Թիմերում աշխատող բժիշկները պետք է նորմալ վարձատրվեն, որպեսզի ցանկություն ունենան գալ սպորտային բժշկության ոլորտ»,- առանձնացրեց նա:

Ֆրանսիայի մայրաքաղաք Փարիզում կայացած 33-րդ Օլիմպիական խաղերում Հայաստանը ներկայացավ 15 մարզիկով և նվաճեց 4 մեդալ:Ամառային Օլիմպիական խաղերի արծաթե մեդալակիրներ դարձան մարմնամարզիկ Արթուր Դավթյանը, ըմբիշ Արթուր Ալեքսանյանը, ծանրորդ Վարազդատ Լալայանը: Բրոնզե մեդալ նվաճեց ըմբիշ Մալխաս Ամոյանը:

Այս թեմայով Ժողովրդին պետք է տանք թվային բացատրություն, թե ինչու ենք տասնյակ միլիարդ դրամ ծախսել և նոր ինստիտուտ ստեղծել. վարչապետ Մենք պետք է օգնենք, որ Հայաստանը կարողանա պաշտպանել ինքն իրեն և բարելավել հարաբերություններն Ադրբեջանի ու Թուրքիայի հետ. լսումներ ԱՄՆ Կոնգրեսում (տեսանյութ) «ՀՀ վարչապետի պաշտոնը զբաղեցնողը պետք է այնպես անի, որ Բաքուն պատժվի». Լարիսա Ալավերդյան (տեսանյութ) Փաշինյանը պետք է բանակցի ՌԴ-ի, հետո՝ Ադրբեջանի հետ կոմունիկացիաների ապաշրջափակման լուծման համար. Սուրենյանց Հայկական և ռուսական եկեղեցիները պետք է լինեն եղբայրական հարաբերությունների առաջնագծում. Աջապահյան Ինչպես անհատ տաքսիների վարորդները պետք է գրանցվեն և օգտվեն My TAX բջջային հավելվածից. ՊԵԿ-ը տեսանյութ է հրապարակել Սասունյան. Հայաստանը պետք է օգտագործի Ադրբեջանի և Թուրքիայի միջև եղած տարաձայնությունները Ֆիթնես դահլիճներում մարդկանց հաշմանդամ են դարձնում սխալ պարապմունքներով, վերահսկել է պետք. Կարեն Գիլոյան (տեսանյութ) Հունգարիան ցանկություն է հայտնել ընդլայնել համագործակցությունը ՀՀ-ի հետ՝ էներգետիկ ոլորտում «Ժողովուրդ». Սեւանի ափին ՔՊ-ն մինչեւ ուշ քեֆ է արել. ով պետք է՝ քաղաքական հրահանգներ է ստացել, մյուսները վայելել են