«Արևմտյան Նեղոսի» տենդ, «Կապիկի ծաղիկ». ո՞րն է ավելի վտանգավոր և ինչպե՞ս պաշտպանվել

 MediaHub-ը գրում է.

Վերջին շաբաթներին Հայաստանում քննարկման առարկա է դարձել մեր երկիր ներթափանցած «Արևմտյան Նեղոսի տենդը»։ Վարակված մոծակից մարդուն փոխանցվող այս վարակը Հայաստանում արձանագրվել է առաջին անգամ: Օգոստոսի 23-ի դրությամբ Հայաստանում գրանցվել է լաբարատոր հաստատված է 75 դեպք և մեկ մահ:

Առողջ մարդկանց մոտ վարակն աննկատ է անցնում, քրոնիկ և ծանր հիվանդություն ունեցողներն են թիրախում: Պատվատանյութ և հստակ բուժում չկա, միայն ախտանշանային բուժում:

Որքա՞ն կտարածվի վարակը, և ի՞նչ հետևանքների սպասի Հայաստանի հասարակությունը․ այս և այլ հարցերի շուրջ MediaHub-ը զրուցեց ինֆեկցիոնիստ Արմեն Օհանյանի հետ։

«Վարակն արդեն իսկ տարածվել է Հայաստանում, բայց վախենալու և ահաբեկվելու կարիք չկա, այն սեզոնային է, ենթադրյալ ավարտը կլինի հոկտեմբեր ամսին: Ժամանակավոր բնույթ է կրելու»,- վստահություն հայտնեց նա։

Ավելացրեց՝ վախենալու կարիք չկա, քանի որ 70-80% դեպքերում մարդիկ անգամ չեն իմանում, որ հիվանդացել են, որևէ ախտանիշ չունեն, մնացած 20-30% դեպքերում թեթև գրիպանման ընթացք է լինում:

Օհանյանի խոսքով՝ ռիսկի խմբում են տարեց մարդիկ, քրոնիկ և ծանր հիվանդություն ունեցողները, և ամբողջ կյանքի համար իմունիտետ է զարգանում։ 

«Կապիկի ծաղիկի» վարակի մասով էլ մեր զրուցակիցն ասաց, որ ի տարբերություն «Արևմտյան Նեղոսի» տենդի, որն արդեն տարածվել է Հայաստանում, այն, բարեբախտաբար, մեր հանրապետությունում չի գրանցվել:   

««Կապիկի ծաղիկն» ավելի վտանգավոր վարակ է, հիմնական փոխանցվող մեթոդը համարվում է սեռական ճանապարհը կամ սեռական կոնտակտի միջոցով»,– նշեց ինֆեկցիոնիստը։

Անդրադառնալով «Արևմտյան Նեղոսի» տենդի շուրջ քննարկումներին, թե այն ստեղծված է արհեստական ձևով և, մասնավորապես, ԱՄՆ–ում սպասվող ընտություններով է պայմանավորված, Օհանյանը պատասխանեց, որ այս վարակի մասին բավականին վաղուց է հայտնի, դեռ անցած դարի 60-ականներից։

«Բայց Հայաստանը նոր տարածաշրջան է այս հիվանդության համար, ինչի բացատրությունն էլ, հիմնականում, բնակլիմայական տեղաշարժերն են»,- հավելեց նա։

Մարիաննա Արամյան

Այս թեմայով Կրակոցներ՝ «Վերնիսաժի» մոտ. 40-ից ավելի անձանց միջև վիճաբանություն է եղել, անչափահասի են ծեծել. Armlur.am Քաղաքը ավելի հարմարավետ ենք դարձնում, երթևեկության բեռնաթափմանն ուղղված նախագծեր ենք անցկացնում. Ավինյան Լիբանանում պայթյունների հետևանքով զոհերի թիվը հասել է 20-ի. ավելի քան 450 մարդ է վիրավորվել Կենտրոնական Եվրոպայում տեղի է ունեցել վերջին 20 տարվա ամենասարսափելի ջրհեղեղը. ավելի քան 20 մարդ է զոհվել (լուսանկարներ) Մինչև 2040 թվականը Դուբայում, Աբու Դաբիում և Շարժայում 100 միլիոնատերերի թիվը կաճի ավելի քան 150 %-ով «Նախկինում 96%-ից ավելի ռազմատեխնիկական համագործակցություն ենք ունեցել ՌԴ-ի հետ, այսօր 10% է»․ ԱԽՔ (տեսանյութ) «Կիրանցում ապրելը երբեք ավելի անվտանգ չի եղել, քան այսօր». Փաշինյան Երևանի և մարզերի 19 դպրոցում ֆրանսերեն ավելի խորացված կուսուցանվի․ ԿԳՄՍՆ Այսօր ՀՀ-ում քաղաքական դաշտի լռությունը ավելի որակյալ է, քան՝ նրա խոսքը. սա պետական ողբերգություն է Հայաստանում ամեն տարի մեկ տասնյակից ավելի երեխա ավտովթարի զոհ է դառնում