Նիկոլ Փաշինյանի 20 գաղտնի քայլերը՝ ժողովրդի թիկունքում

Հեղափոխությունից հետո Նիկոլ Փաշինյանը հայտարարում էր, որ ինքը գործելու է թափանցիկ և ոչ մի ռազմավարական որոշում չի կայացվելու առանց ժողովրդի կարծիքը լսելու և հաշվի առնելու: Հեղափոխությունից վեց տարի անց հատորներով կարելի է չափել վարչապետի այն բոլոր քայլերը, որոնք արվել են ժողովրդի մեջքի հետևում և գաղտագողի, ընդ որում դրանցից և ոչ մեկը չի բխել ՀՀ կամ Արցախի շահերից: Ներկայացնենք այդ քայլերից ամենակարևորները

1) Դեռևս պատերազմից առաջ Նիկոլ Փաշինյանը Դուշանբեում վերելակային փակ և կարճատեև հանդիպում է ունեցել Իլհամ Ալիևի հետ, որի բովանդակությունն այդպես էլ ոչ մեկ չիմացավ:

2) Չմոռանանք Ադրբեջանի նախագահ Ալիևի՝ ամիսներ առաջ արված հայտարարությունը, որում նա, մասնավորապես, նշում էր․ «Համաձայնության գալու շանս կար 2018-ին, երբ Հայաստանում իշխանություն փոխվեց, հետո Հայաստանի նոր կառավարությունից ստացանք հավաստիացումներ, որ իրենց կդրսևորեն միջազգային իրավունքին համապատասխան, և տարածքները կվերադարձվեն։ Մինչդեռ հիշում ենք, որ հեղափոխությունից հետո Փաշինյանը հանրութան հետ ոչ թե հողեր հանձնելու իր պատրաստակամությունից կամ տրված խոստումներից էր խոսում, այլ՝ պնդում էր Արցախը Հայաստան է և վերջ»:

3) 2020 թվականին 44 օր հաղթում ենք թեզը առաջ մղող Փաշինյանն ու թիմակիցները մեկ գիշերվա ընթացքում կապիտուլյացիոն համաձայնագիր ստորագրեցին, որով Ադրբեջանին հանձնեցին Արցախի 70 տոկոսը: 

4) 2022 թվականին Պրահայում՝ ԵՄ բարձր հովանու ներքո Փաշինյանը փաստաթուղթ ստորագրեց Ադրբեջանի նախագահ Իլհամ Ալիևի հետ, որով փաստացի ճանաչեց Արցախն Ադրբեջանի կազմում: Այս քայլից, իր իսկ խոսքերով, զարմացած էր անգամ ՌԴ նախագահ Վլադիմիր Պուտինը:

5) 2022-ին Իսրայելի պետական ​​գործիչ, դիվանագետ, «Նատիվ» ծառայության նախկին ղեկավար Յակով Կեդմին իր տելեգրամյան ալիքում տեղադրել է Արցախյան հակամարտության կարգավորման գաղտնի փաստաթուղթ, որի մասին հայ հանրությունը ոչինչ չէր իմացել և որով կողմերը պարտավորվել են շարունակել ներգրավված լինել Ադրբեջանը Նախիջևանի հետ կապող երթուղի ստեղծելու քննարկումներում, ներառյալ Ադրբեջանի տարածքով Հայաստանի համար փոխադարձ մուտքը:

6) ժողովրդի թիկունքում՝ բանավոր փոխըմբռնմամբ Փաշինյանը Ադրբեջանին հանձնեց Սյունիքի մարզի ավելի քան 200 քկմ, ընդ որում՝ զորքին էլ փաստացի տրվել էր չկրակելու և նահանջելու հրաման:

 7) 2021-ին համացանցում տարածված փաստաթուղթը եկավ ապացուցելու, որ բացի հայտնի կապիտուլյացիոն փաստաթղթից, առնվազն մեկ փաստաթուղթ ևս կա, որի համաձայն՝ Փաշինյանի ձեռամբ` ՀՀ–ն Իրանին կապող գլխավոր և ռազմավարական առումով կարևորագույն ավտոճանապարհի մի հատվածը հայտնվել է ադրբեջանական տիրապետության տակ՝ Սյունիքը կանգնեցնելով անվտանգային լրջագույն խնդրի առջև։

8) Նույն թվականի սեպտեմբերին համացանցում տեղեկություն տարածվեց, որ Բաթումի այցելած Նիկոլ Փաշինյանը գաղտնի հանդիպումներ և բանակցություններ է ունեցել Թուրքիայի և Ադրբեջանի փոխարտգործնախարարների հետ:

9) Նիկոլ Փաշինյանը ՀՀ տարածքային ամբողջականությունը պաշտպանելու համար Սեւ լիճ զորք այդպես էլ չուղարկեց՝ թույլ տալով, որ ինչ-ինչ բանավոր փոխըմբռնման արդյունքում ադրբեջանցիները գան և նստեն այնտեղ։

10) 2021թ. հունվարի 2-ին ադրբեջանցիները մտել էին Սյունիքի մարզի Շուռնուխ գյուղ և պահանջել, որ տեղի բնակիչները դուրս գան իրենց տներից, նրանք վկայակոչում էին Փաշինյան-Ալիև բանավոր պայմանավորվածությունը: Գյուղացիներին ոչ ոք չէր ասել, որ իրենց տները «ՀՀ տարածքում չեն», որ ինչ-ինչ քարտեզներում «Շուռնուխն Ադրբեջանի կազմում է» և ընդհանրապես, որ «գյուղի անունն էլ ոչ թե Շուռնուխ, այլ Էյվազլի է»։ 

11) Հաջորդ կետը, Գորիս-Կապան մայրուղու 21 կիլոմետրանոց հատվածն է, որը 44-օրյա պատերազմից հետո Նիկոլ Փաշինյանը ժողովրդից գաղտագողի հանձնեց ադրբեջանցիներին։

12) Առանց ժողովրդի կարծիքը հաշվի առնելու Նիկոլ Փաշինյանը որոշեց արտաքին քաղաքական կտրուկ շրջադարձ անել դեպի Արևմուտք՝ հսկայական անվտանգային ռիսկերի առջև կանգնեցնելով մեր երկիրը։

13) Օրեր առաջ բրիտանական The Times պարբերականը գրել էր, որ բրիտանական ԱԳՆ-ն Հայաստանի և մի քանի այլ երկրների ներկայացուցիչների հետ բանակցություններ է սկսել ապօրինի ներգաղթյալներին արտաքսելու օրինագծի շուրջ:  Նշվում էր նաև, որ Հայաստանն ակնկալում է այս գործարքից ստանալ առնվազն 290 միլիոն ֆունտ ստեռլինգ: Բնականաբար, հայ հանրությանը ոչինչ այս մասին հայտնի չէր, իսկ մեր ԱԳՆ-ն, ըստ էության, չհերքեց, որ նման քննարկումներ ու բանակցություններ եղել են:

14) Փաշինյանն ու թիմակիցները իշխանության եկան որպես ավանդական ընտանիքի մոդելի ջատագովներ, սակայն, այսօր ժողովրդի թիկունքում անում են ամեն բան տխրահռչակ Ստամբուլյան կոնվենցիան վավերացնելու և ԼԳԲՏ համայնքի շահերը պաշտպանելու համար։

15) Նույն ժողովրդի թիկունքում Փաշինյանն ու թիմակիցները բանակցում են թուրքական կողմի հետ, թե ինչի մասին՝ անհայտ է, սակայն հրապարակային ելույթներից պարզ է դառնում, որ ՔՊ-ականները պատրաստ են Թուրքիայի սիրտը շահելու համար հրաժարվել մեր ազգային սիմվոլիկայից և ցեղասպանության միջազգային ճանաչումից:

16) Կրկին ժողովրդին փաստի առջև կանգնեցնելով՝ Փաշինյանը հայտարարում է, որ ցանկանում է նոր Սահմանադրություն գրել և ոչ ավել, ոչ պակաս՝ խմբագրել Անկախության հռչակագիրը՝ վերջնականապես ձեռքերը լվանալով Արցախից։

17) Ադրբեջանը շարունակում է պնդել, թե Եվրամիությունը և ԱՄՆ-ն Հայաստանի հետ ռազմական համագործակցության համաձայնություն են ձեռք բերել Բրյուսելում,որը ենթադրում է ռուսական 102-րդ ռազմաբազայի դուրս բերում ՀՀ տարածքից: Թեև ԱԳՆ-ն հերքել էր այս տեղեկությունը, համապատասխան փաստաթուղթը շարունակում է շրջել համացանցով:

18) Տավուշցիների գլխի տակ փափուկ բարձ դնելուց հետո, Փաշինյանն ու թիմակիցները հանկարծ հայտարարեցին, որ արդեն իսկ որոշված է ադրբեջանին հանձնել 2,5 գյուղ, իսկ իրականում խոսքը 4 գյուղերի, ռազմավարական նշանակության բարձունքների, Հայաստան-Վրաստան միջպետական ճանապարհի և Հայաստան մտնող գազամուղի հանձնելու մասին է:

19) Չմոռանանք, որ Հայաստանի և Ադրբեջանի միջև սահմանների դեմարկացիայի մասին փաստաթղթում առկա էր գաղտնի մաս, որի վերաբերյալ իշխանությունները մինչ օրս ոչ մի պարզաբանում չեն տվել։

20) Նիկոլ Փաշինյանը, հանրությանը նախապես տեղյակ չպահելով, ադրբեջանական կողմին է հանձնել Արցախի ականապատման քարտեզները, ինչն էլ ավելի է հեշտացրել թշնամու կողմից Արցախի օկուպացիան: Այս քայլի մասին էլ հանրությունը իմացել է պոստֆակտում, այն էլ՝ ադրբեջանական աղբյուրներից:

Այս թեմայով Եվ շատ կարևոր է լինեն մարդիկ, ովքեր վերցնեն այդ էստաֆետը և անեն ավելին, քան արվել է իրենցից առաջ. Նիկոլ Փաշինյան Փաշինյանի գլխավորությամբ քննարկվել են էլեկտրաէներգիայի մատակարարման որակի հետ կապված խնդիրները «ՌԻԱ Նովոստի»-ն հեռացրել է Փաշինյանի՝ Ադրբեջանի դրոշի հետ և տաբատն ուղղելիս աղմկահարույց լուսանկարները Ռուս բլոգերները նորից ծաղրել են «բլոգեր Փաշինյանին» (տեսանյութ) Ալիևի ու Փաշինյանի դաջվածքով գրոշներ՝ Բագրատ Սրբազանի բռի մեջ