Արդյո՞ք սա է ձեր պաշտոնական դիրքորոշումը․ «Մարտական եղբայրությունը»՝ ԵԿՄ-ին

«Մարտական եղբայրությունը» հաղորդագրություն է տարածել․

«Տեղեկություն ստացանք, որ Նոյեմբերյանի ոստիկանության բաժանմունքի դիմաց անմիջապես ոստիկանների աչքի առջև հավաքվել է Տավուշի ԵԿՄ նախագահ Յուրա Խաչատրյանի բանդայի մեծ խումբ՝ նպատակ ունենալով սադրել ևս մեկ ծեծկռտուք։ Այն նույն Յուրայի, որն այսօր հրահանգել էր ՈՒԱԶ-ը քշել ժողովրդի վրա և իր խոսքերով «ճզմել» մարդկանց կրկին ոստիկանների աչքի առաջ։

Մարտականի տղաներին բերման են ենթարկել, իսկ ժողովրդին «ճզմողները» դրսում սպասում են հարցեր լուծելու։ Հիանալի հասկանում ենք այս պարզունակ սադրանքի նպատակը և խորհուրդ ենք տալիս ԵԿՄ-ականներին հետևել իրենց կազմակերպության բուն առաքելությանը՝ Երկիրը պահելուն, և չհեղինակազրկել իրենց իսկ կազմակերպությունը՝ դառնալով ներկա իշխանության գործիք։

Պահանջում ենք ոստիկանությունից կատարել իր գործառույթները և պահպանել կարգուկանոնը։ Երկրապահ կամավորականների միությանը՝ հաշվի առնելով իրենց փառահեղ անցյալն ու մեծ ներդրումը, հատկապես Տավուշի հատվածի մարտերում՝ 90-ական թվականներին, ուզում ենք պաշտոնական հարցում անել. արդյո՞ք սա է ձեր պաշտոնական դիրքորոշումը»։

Այս թեմայով Իսրայելին ասում ենք՝ մի՛ փորձեք մեր կամքը. Իրանի ԱԳ նախարար Ինչպես է առաջացել հրդեհը․ «Դոմուսը» պաշտոնական հաղորդագրություն է տարածել Սա թուրքական էքսպանսիա է, պարտավոր ենք պաշտպանել երեխաներին. նստացույց եմ անելու. Սեմյոն Բաբայան (տեսանյութ) «Տարբեր աշխարհաքաղաքական կենտրոններից կապվել են ու ասել՝ ձեր ժողովուրդն է հարց լուծողը, ոչ թե մենք». Սրբազան Սրբազանի հետ հարաբերությունները լարված չեն, ծառայություն ենք իրականացնում. ոստիկանապետ (տեսանյութ)