Ադրբեջանի արտգործնախարարը մեկնել է ԱՄՆ՝ ՄԱԿ-ի Գլխավոր ասամբլեայի նիստին

Ադրբեջանի արտգործնախարար Ջեյհուն Բայրամովը սեպտեմբերի 22-ին աշխատանքային այցով մեկնել է Նյու Յորք՝ մասնակցելու ՄԱԿ-ի Գլխավոր ասամբլեայի 79-րդ նստաշրջանին։

Ադրբեջանական ԱԳՆ-ի հաղորդմամբ՝ նստաշրջանում Բայրամովը ելույթով է հանդես գալու, մասնակցելու է մի շարք այլ միջազգային միջոցառումների, ինչպես նաև երկկողմ հանդիպումներ օտարերկրյա պաշտոնյաների և միջազգային կազմակերպությունների ղեկավարների հետ։

Այսօր Միացյալ Նահանգներ է նաև մեկնել Հայաստանի վարչապետը։ Արդյոք արտգործնախարար Արարատ Միրզոյանը ևս մասնակցելու է նստաշրջանին՝ չի հաղորդվում։

2022-ին վարչապետին Նյու Յորքում նաև արտգործնախարարն էր ուղեկցում, իսկ անցած տարի հենց Արարատ Միրզոյանը ելույթ ունեցավ ՄԱԿ-ի ամբիոնից։

Շաբաթվա սկզբին Վաշինգտոնը հայ-ադրբեջանական բանակցություն կազմակերպելու պատրաստակամություն էր հայտնել։ Առիթն էլ կարող էր դառնալ Նյու Յորքում անցկացվող ՄԱԿ-ի Գլխավոր ասամբլեայի նիստը։

Այս թեմայով Ռուսաստանը հայելային պատասխան կտա ԱՄՆ-ի միջուկային փորձարկումներին. ՌԴ ԱԳՆ ՄԱԿ-ի գլխավոր քարտուղարը կմասնակցի Կազանում կայանալիք ԲՐԻԿՍ գագաթնաժողովին ԱՄՆ-ն Իսրայելին օգտագործում է, որ տիրանա Մերձավոր Արևելքի բոլոր ռեսուրսներին․ Ալի Խամենեի ԱԳ փոխնախարարը մասնակցել է անվտանգության և խաղաղության հարցերում կանանց դերակատարությանը նվիրած համաժողովին «Կարելի՞ է այդքան անշնորհակալ լինել»․ Ալիևը մեղադրանքներ է հնչեցրել ԱՄՆ–ի հասցեին