Մի քիչ «ինտիմ» հարց՝ DJ Vakcina-ին

NEWS.am STYLE–ը որոշել է DJ Vakcina-ից իմանալ ամանորյա ծրագրերն ու այս տոնի հետ կապված մանկության հիշողությունները։

Սիրո՞ւմ ես Ամանորը

Շատ։ Գիտե՞ս, կարծում եմ, որքան էլ որ մարդ մեծանա, միեւնույն է, երեխայի պես հավատում է, որ այդ օրը հրաշքներ կարող են լինել։ Հետաքրքիր է, որ ես միշտ երազանք եմ պահում ու աշխատում եմ տարվա ընթացքում կյանքի կոչել դրանք։ Թեեւ, միեւնույնն է, ձեւ եմ տալիս, իբր հավատում եմ, որ դա տեղի ունեցավ հրաշքի շնորհիվ։

Ինչպե՞ս էիր դիմավորում այս տոնը մանուկ ժամանակ եւ ո՞ր նվերն ես մինչ օրս հիշում։

Նոր տարին նշում էինք ընտանեկան ջերմ մթնոլորտում։ Ձմեռ պապի բերած իմ ամենասիրելի նվերներից մեկն իմ բոյից բարձր եղջերուն էր։ Անընդհատ փորձում էի դրա վրա բարձրանալ, անընդհատ համբուրում էի մռութն ու գրկում։ Եվ այդպես՝ մի ամբողջ մանկություն։ Եղջերուն այսօր էլ մեր տանն է որպես իմ մանկության տարիների «հուշանվեր»։ Թեեւ, պետք է նշեմ, այն տեսքով, որ…Այո, այս տոնի մանկական հիշողությունները երբեք չեն մոռացվում…

Իսկ ինչպե՞ս ես դիմավորել Ամանորն անցյալ տարի։

Անցյալ տարվա գիշերն աշխատել եմ, քանի որ One ակումբի տնօրենն էի։

Իսկ այս տարվա ի՞նչ ծրագրեր ունես։

Կրկին աշխատելու եմ, բայց արդեն Kami-ում։

Մի քիչ «ինտիմ» հարց. որքա՞ն են վճարում հայ DJ-ներին նոր տարվա գիշերվա համար։

Սովորաբար 100-ից մինչեւ 1000 դոլար՝ կախված DJ –ի պահանջվածությունից։ Իսկ ամանորյա գիշերը գները կրկնապատկվում են։

Քո մաղթանքը բոլորին եկող տարվա համար։

Իմ սիրելի հայրենակիցներին 2013- ին առաջին հերթին ցանկանում եմ բարություն։ Թող նրանք սիրեն կյանքն ու բոլոր նրանց, ով արժանի է սիրո… Թող գնահատեն իրենց առողջությունն ու քիչ քննադատեն այն, ինչն իրականում լավ է։ Զգացեք, թե որքան հրաշալի կարող լինել կյանքն առանց բացասական հույզերի։

Այս թեմայով «Մամայությունը ինձ համար այսպես սկսվեց` տանջված, քրքրված». Արուսիկ Տիգրանյանը լուսանկար է հրապարակել ծննդատնից Երեխայի սպասող Արուսիկ Տիգրանյանի ֆոտոշարքը «Իմ բուլկին ծնվեց»․ DJ Vakcina-ն հիվանդանոցից լուսանկար է հրապարակել Արուսիկ Տիգրանյանը խոստովանել է, որ վատ է տանում հղիությունը Արուսիկ Տիգրանյանը բալիկի է սպասում Արուս Տիգրանյանի եւ ամուսնու ջերմ հոլովակը 28-ը նորմա՞լ տարիք է դատավոր լինելու համար․ հարց՝ ԲԴԽ անդամի թեկնածուին (տեսանյութ) Կրկին ջրից չոր դուրս եկավ. Դավիթ Հարությունյանի բնածին տաղանդը DJ Vakcina-ն բալիկ է ունեցել DJ Vakcina-ն պատրաստվում է ծննդաբերության (լուսանկար)