Հրդեհ Բանգլադեշի կարի գործարանում. կա 8 զոհ
ԱշխարհԲանգլադեշի մայրաքաղաք Դաքքայի արվարձաններում կարի գործարանում բռնկված հրդեհից զոհվել է նվազագույնը 8 մարդ. հինգշաբթի օրը տեղեկացնում է AFP-ն` հղում կատարելով տեղի ոստիկանությանը:
Զոհվածների թվում է նաև գործարանի տնօրենը: Հրդեհը բռնկվել է չորեքշաբթի գիշերը: Այն մարելու համար հրշեջները 3 ժամ են կորցրել: Հրդեհի պատճառները դեռևս հայտնի չեն, սակայն իշխանությունների տվյալներով` այն բռնկվել է գործարանի 3-րդ հարկում: Շինության 11-րդ հարկում կան նաև բնակարաններ: