Հիմա առանց կրակոցի Երևանն են հանձնում․ Զարուհի Փոստանջյան

Ակնհայտ է, որ թշնամին պատրաստվում է հարձակման և ընդհանրապես վերացնելու Հայաստանը։ Այս մասին այսօր՝ մայիսի 17-ին, լրագրողների հետ հանդիպմանը նշեց «Երկիր Ծիրանի» կուսակցության ղեկավար, փաստաբան Զարուհի Փոստանջյանը։

«Ցեղասպանությամբ է դա տեղի ունենալու։ Իրական զգացումը, թե մեզ ինչ աղետ է սպասվում, չկա։ Բայց մարդիկ մեղավոր չեն, որովհետև քաղաքական առաջնորդությունը պետք է նրանց այդ գիտակցումը փոխանցի։ Թշնամին երկու տարվա ընթացքում հարձակում գործելու բոլոր աշխատանքները Նախիջևանի կողմից արդեն ավարտել է։ Խաչիկ գյուղի դիմաց կանգած են իրենց դիրքերը, այդ դիրքերը գոյություն չունեին երկու տարի առաջ՝ նախքան Նիկոլի իշխանության գալը։ Գյուղի սահմանամերձ գյուղացին չունի զենք։  Նիկոլն ամեն ինչ արել է, որպեսզի մեզ ցեղասպանությամբ զրկի հայրենիքից և նույնն էլ անում է հիմա։ Մի քանի ժամվա ընթացքում իրենց Բայրքաթարներով կարող են ոչնչացել մի քանի քաղաքներ, բան չի մնում, հետագայում եթե մտածում եք Երևանին չեն խփելու, սխալվում եք»,- ասաց Փոստանջյանը։ 

Զարուհի Փոստանջյանը այն կարծիքին է՝ բանակը մեկ օրվա ընթացքում կարող էր թշնամուն վերացնել կամ գերեվարել հետագայում փոխանակելու նպատակով. «Բայց չի թույլատրվել անգամ մեկ կրակոց արձակելու։  Նույնիսկ այս պահին նրանք այդքան դիրքավորված չեն և այդ բարձունքների վրա գտնվողներին կարող են մոբիլիզացնել և վերցնել գերի։ Բայց դա դիտավորյալ չի արվում, քանի որ դա նույնպես պայմանավորվածությունների մեջ է։ Հիմա առանց կրակոցի Երևանն են հանձնում»,- ընդգծեց Զարուհի Փոստանջյանը։

Ըստ վերջինիս՝ 44-օրյա պատերազմի ընթացքում մենք իրականում ունեցել ենք երկու շրջանի կորուստ և մյուս շրջաններից որոշ հատվածներ:

Այս թեմայով Զարուհի Փոստանջյանն ազատ է արձակվել ոստիկանական բաժանմունքից. NEWS.am Զարուհի Փոստանջյանին բերման են ենթարկել. Փաշինյանը գտնվել է շենքում Պարզվել է Զարուհի Փոստանջյանի ամուսնու մեքենան պայթեցնողի ինքնությունը Փաստաբանների պալատը դատապարտում է Զարուհի Փոստանջյանի ամուսնու ավտոմեքենային պայթեցնելու դեպքը Նման վայրագություն կարող էր իրեն թույլ տալ միայն այսօրվա զավթիչ իշխանությունը. Զարուհի Փոստանջյանը՝ ամուսնու մեքենայի պայթեցման մասին «Երկիր Ծիրանի»-ն չի մասնակցի ԱԺ արտահերթ ընտրություններին․ հայտարարություն Նիկոլի պատվերով ինձ ներգրավվեցին որպես մեղադրյալ. Զարուհի Փոստանջյան Նիկոլ, գլխիցդ քեզ խփելու են, սպասիր, հերթ են կանգնած. Զարուհի Փոստանջյան Զարուհի Փոստանջյանը սուտ մատնություն է կատարել․ քրեական գործ է հարուցվել Ոստիկաններն այցելել են իմ բնակարան և փոխանցել ՀՀ ՀՔԾ-ի կողմից կազմված ծանուցագիրը. Փոստանջյան