Չինաստանի հետ հարաբերությունների «ոսկե դարաշրջանն» ավարտվել է. Ռիշի Սունակ

Մեծ Բրիտանիայի վարչապետ Ռիշի Սունակը հայտարարել է, որ Չինաստանի հետ հարաբերությունների, այսպես կոչված, «ոսկե դարաշրջանն» ավարտվել է՝ նշելով, որ Պեկինի համակարգային մարտահրավերը Բրիտանիայի շահերի ու արժեքների հանդեպ ավելի է սրվում։

Իր ելույթում Սունակը նշել է, որ Մեծ Բրիտանիայի մոտեցումը Չինաստանի նկատմամբ պետք է փոխվի, իսկ Պեկինը «գիտակցաբար պայքարում է համաշխարհային ազդեցության համար՝ օգտագործելով պետական ​​իշխանության բոլոր լծակները»։

«Եկեք անկեղծ լինենք. այսպես կոչված՝ «ոսկե դարաշրջանն» ավարտվել է, ինչպես և միամիտ գաղափարը, որ առևտուրը կհանգեցնի սոցիալական և քաղաքական բարեփոխումների», - ասել է Մեծ Բրիտանիայի վարչապետը։

Սունակը քննադատվում էր Պահպանողական կուսակցության որոշ անդամների կողմից, քանի որ նա ավելի քիչ կոշտ է Չինաստանի նկատմամբ, քան իր նախորդը՝ Լիզ Թրասը: Անցյալ տարի, երբ նա ֆինանսների նախարար էր, նա կոչ արեց Չինաստանին մշակել նուրբ ռազմավարություն՝ հավասարակշռելու մարդու իրավունքների մտահոգությունները և տնտեսական կապերը:

Այս ամսվա Բալիում G20-ի գագաթնաժողովում Սունակի և Չինաստանի նախագահ Սի Ցզինպինի նախատեսված հանդիպումը չի կայացել, և անցյալ շաբաթ Լոնդոնն արգելեց չինական արտադրության CCTV տեսախցիկների տեղադրումը կառավարական շենքերում:

«Մենք գիտակցում ենք, որ Չինաստանը համակարգային մարտահրավեր է ներկայացնում մեր արժեքներին և շահերին, մարտահրավեր, որն ավելի սուր է դառնում, քանի որ Պեկինը շարժվում է դեպի ավելի մեծ ավտորիտարիզմ», - ասել է Սունակը ՝ նկատի ունենալով BBC-ի այն հայտարարությունը, որ իրենց լրագրողներից մեկի վրա հարձակվել է Չինաստանի ոստիկանությունը։

«Իհարկե, մենք չենք կարող պարզապես անտեսել Չինաստանի կարևորությունը համաշխարհային գործերում՝ համաշխարհային տնտեսական կայունության կամ կլիմայի փոփոխության նման հարցերի համար: Սա հասկանում են նաև ԱՄՆ-ն, Կանադան, Ավստրալիան, Ճապոնիան և շատ ուրիշներ»,- հավելել է Մեծ Բրիտանիայի վարչապետը։

Սունակն ասել է, որ իր ղեկավարությամբ Մեծ Բրիտանիան չի ընտրի «ստատուս քվոն» և կդիմակայի միջազգային մրցակիցներին՝ հիմնված ոչ թե «հռետորաբանության, այլ ամուր պրագմատիզմի վրա»։

Այս թեմայով ՌԴ–ն կարող է օգնել Չինաստանին նախապատրաստվել Թայվանի վրա հարձակմանը․ Bloomberg Չինաստանը մեծ թվով ռազմական ինքնաթիռներ է ուղարկել Թայվանի ափեր Չինաստանի նախագահը կոչ է արել Արևմուտքին չօգնել Ուկրաինային․ ԶԼՄ Հայաստան-Չինաստան հարաբերությունների հանգրվանային նշանակությունը. «Փաստ» Լավրովը պաշտոնական այցով ժամանել է Չինաստան Սի Ծինփինը նշել է Չինաստանի և ԱՄՆ-ի հարաբերություններում «կարմիր գիծը» Չինուհին փորձել է թունավորել հղի գործընկերուհուն՝ ֆիզարձակուրդի ժամանակ նրա փոխարեն չաշխատելու համար Չինաստանում կապիկները հարձակվել են զբոսաշրջիկների խմբի վրա (լուսանկարներ) Չինուհին 2 տարի ականջակալներով է քնել ու կորցրել լսողությունը Չինաստանում հայտարարել են «X հիվանդության» տարածման սպառնալիքի աճի մասին