Ինչպե՞ս պաշտպանվել թունաքիմիկատներից

Թունաքիմիկատը թունավոր նյութ է` նախատեսված վնասակար օրգանիզմների, օրինակ՝ մոլախոտերի, կրծողների, սնկերի, վնասատու միջատների ոչնչացման համար: Այս մասին հայտնում են ՍԱՏՄ-ից։

«Թունաքիմիկատներով սուր թունավորման ախտանշաններն են՝

գլխացավ, ցրվածություն,

գիտակցության մթագնում,

սրտխառնոց, փսխում, փորլուծություն,

յուրահատուկ հոտով շնչառություն,

հաճախասրտություն,

շնչառական դեպրեսիա՝ մակերեսային շնչառություն,

դյուրագրգռվածություն,

աչքերի գրգռվածություն,

մաշկի վնասվածք՝ խոցեր,

մեզում/կղանքում արյան հետքեր:

Թունաքիմիկատը Ձեր օրգանիզմ կարող է ներթափանցել 3 ուղիներով՝

1) Շնչառական ուղիներով`

վատ օդափոխվող տարածքներում թունաքիմիկատի խառնուրդ պատրաստելիս բ) վատ օդափոխվող տարածքներում թունաքիմիկատներով մշակված բույսերի հետ աշխատելիս (օրինակ՝ ջերմոցներում),

առանց անհատական պաշտպանիչ միջոցների կիրառման թունաքիմիկատով մշակում կատարելիս:

2) Մաշկի միջոցով՝

թունաքիմիկատների խառնուրդ պատրաստելիս կամ դրա կիրառման ժամանակ` մաշկի վրա թունաքիմիկատի թափվելու դեպքում,

թունաքիմիկատով աղտոտված մակերեսների, գործիքների կամ մշակաբույսերի հետ շփման դեպքում,

աղտոտված հագուստ օգտագործելու դեպքում:

3) Մարսողական համակարգի միջոցով՝

թունաքիմիկատների հետ աշխատանքի ժամանակ սնունդ ընդունելու, ըմպելիք օգտագործելու կամ ծխելու ժամանակ,

թունաքիմիկատով աղտոտված մակերեսներին դիպչելու և դրանից հետո չլվացվելու հետևանքով,

օգտագործված թունաքիմիկատների տարաները լվանալուց հետո խմելու նպատակով օգտագործելու դեպքում,

թունաքիմիկատով մշակված միրգ կամ բանջարեղեն ուտելիս, եթե դրանք պատշաճ ձևով չեն լվացվել,

այնպիսի սննդամթերք կամ ըմպելիք օգտագործելու դեպքում, որը գտնվել է թունաքիմիկատով մշակված տարածքին մոտ հեռավորության վրա և ծածկված չի եղել:

Թունաքիմիկատները կրծքով կերակրվող երեխայի օրգանիզմ կարող են անցնել մոր կաթի միջոցով»։

Այս թեմայով Ինչպե՞ս հաշտ լինեմ, երբ գիտեմ` ով է 5000-ից ավելի զոհերի հեղինակը. հարց` Սրբազանին (տեսանյութ) Ինչպես է Կանադայի հայ համայնքը ծափերով և երախտիքով հրաժեշտ տալիս Բագրատ Սրբազանին (տեսանյութ) Վարդան Ղուկասյանը ձայնագրություն միացրեց․ Ինչպե՞ս են քաղաքացուն խոշտանգում ՔԿ-ում (տեսանյութ) «Հրապարակ». Ինչպե՞ս են այս տարի նշելու քաղաքացու օրը Ինչպե՞ս է հետևում Փաշինյանը իրեն քննադատող ելույթներին ԱԺ-ից Ինչպե՞ս կարող է ԶՈւ գաղտնիքը պատգամավորին հասանելի լինել, իսկ 100%-ով պետական մասնաբաժնով ընկերությունները՝ անհասանելի. Ալեքսանյան Ինչպե՞ս դուրս գալ պահքից Ինչպե՞ս խուսափել գարնան այս սեզոնին սիրտ-անոթային համակարգի հիվանդությունների սրացումներից. ԱՆ Ինչպե՞ս կարող եք սահմանամերձ բնակավայրում կառուցել ձեր տունն ամբողջությամբ պետության ֆինանսավորմամբ Ինչպե՞ս «հաղթահարել» կոռուպցիան ու... ընկղմվել դրա մեջ․ «Փաստ»