Արամ Սարգսյանը Կոնգրեսի համար անդառնալի կորուստ չի լինի. ՀԱԿ անդամ

2012-05-12 10:51:54

ՀԱԿ անդամ ՍԴՀԿ կուսակցության ներկայացուցիչ Գուրգեն Եղիազարյանը Արամ Զավենի Սարգսյանի՝ ՀԱԿ–ից դուրս գալու հնարավորությունը գնահատեց ցավալի, բայց ոչ անդառնալի կորուստ։ «Գիտեք, ՀԱԿ–ը բավականին մեծ կառույց է», – Լուրեր.com-ի հետ զրույցում նշեց նա՝ մանրանմասնելով, որ Սարգսյանի և նրա գլխավորած «Հանրապետություն» կուսակցության՝ Կոնգրեսի շարքերը լքելը կարող էր անդառնալի կորուստ լինել, եթե այն ՀԱԿ–ի կեսը կազմեր։

Նշենք, որ լրագրողների հետ հանդիպմանը Արամ Սարգսյանը ՀԱԿ–ից դուրս գալու հնարավորությունը բացատրում էր արտաքին և ներքին քաղաքական վեկտորների ուղղությունների վերաբերյալ տարաձայնություններով։

Եղիազարյանից հետաքրքրվեցինք, թե ինչ տարաձայնությունների մասին է խոսքը, և արդյոք ՀԱԿ ներկայացուցիչը դրանք նկատել է։ «Ճիշտն ասած՝ չեմ նկատել», – պատասխանեց նա՝ հավելելով, սակայն, որ խնդրին լավ ծանոթ չէ և չի ցանկանում գնահատականներ տալ։

Դիտվել է 1044 անգամ:
Լրահոս
27 Օգտ
Ողջ լրահոսը...>>
Ամենաշատ ընթերցվածը