Ինչու է վարչապետը զանգահարել «Պիվի Հակոբ»-ին

2016-12-22 14:33:01

ԱԺ ՀՀԿ խմբակցության պատգամավոր, «Կիլիկիա» գարեջրի ընկերության սեփականատեր Հակոբ Հակոբյանի խոսքով՝ նոր Կառավարությունը խթանում է բիզնեսի վիճակի լավացմանը:

Որպես օրինակ՝ նա նշեց իր ընկերության և ՏՄՊՊՀ-ի միջև եղած դեպքը, երբ իրեն տուգանելու որոշում էր կայացրել հանձնաժողովը: Պատգամավորը պատմեց, որ վարչապետն անձամբ է զանգահարել իրեն, հետաքրքրվել, թե ինչ է եղել և հրավիրել իր մոտ զրույցի, որպեսզի իմանա, թե ինչ է եղել: «Մենք գնացինք, ներկայացրինք ամեն ինչը, մյուս կողմին, չգիտեմ՝ լսել է, ինչ է ասել»,- ԼՈւՐԵՐ.com-ի հարցին ի պատասխան՝ նշեց Հանրապետական պատգամավորը:

Հիշեցնենք՝ վերջերս Տնտեսական մրցակցության պաշտպանության պետական հանձնաժողովը 110 միլիոն դրամով տուգանել էր ընկերությանը' գերիշխող դիրքի չարաշահման համար: Գործարանի սեփականատերը համաձայն չէր այս որոշման հետ և հայտարարել էր, որ պատրաստվում են դատի տալ ՏՄՊՊՀ-ին: Այս ամենից հետո, կառավարության նիստում, վարչապետ Կարեն Կարապետյանը հրապարակային դիտողություն արեց ՏՄՊՊՀ-ի նախագահ Արտակ Շաբոյանին: «Օրենքն ասում է, որ ստանալուց հետո 10 օրվա ընթացքում կարող եք դիմել հանձնաժողովին, եթե ոչ դատարան, մենք օրենքով ենք շարժվել, փաստաթուղթ ենք ստորագրել, որ քննարկման ժամանակ մեզ հրավիրեն »,-ասաց Հակոբ Հակոբյանը:

Վերջինս վստահ է, որ այս պատմությունն, այնուամենայնիվ, լավ կավարտվի, քանի որ իրենք օրինական դաշտում են գործել ու գործում:

Ի պատասխան հարցին՝ ինչի՞ համար է դա արվում, փո՞ղ է պետք ՀՀԿ-ին, պատգամավորը հորդորեց հարցերը ուղղել հենց իրենց:

 

Դիտվել է 4303 անգամ:

Լրահոս
22 Փտր
Ողջ լրահոսը...>>
Ամենաշատ ընթերցվածը